Muuduko 8:9 - Gooti Toolluro Yogalokwono

⁹ Toro amogalapiyoka tool plovomolluno plovomolluno sumaiyokwe wonyo buugo tov yiuwi'nokai kwako tovi aiyowomno kuuno wo'duke tovino tov dokato sobuuro su tool gami nomwallo'mo puruv nonaguto imo'no'no sip toollomno aikomgu abokaikono. Toro aboka toollu Noowal galomaro'no sip toollu anakuuto tomuu amokaulokaikono.

Muuduko 8:9 Referans Kwoze

Matyuu 11:28

Jisasol toro wuujuno sumaiyokwe toga aki a'mwo abolo tonyu aro kuudokaikono. “Kevu yiuwi'nokai womdo imo'na'dupu burawo yodupudo togaikike'aro tagunyo mollukwo'mdupudo togaikike'aro togaikul miyomno dobilo. Toro abupi togaikullu nuvu iruko mwalmwalpino'moneyokwe tov nekubwemonyugono.

Joon 16:33

Toro te moro yogalo aikudumo su tov aro tovino'mokwono. Kevu mi nuguro'mwonyodupudo toorekul sumwoluko kavo to'no nokwo wosunmwalpinorekikono. Toro kworekul kuruv kwako akavi kuuno amwalpi toga jul'nyo tagunyo bwotonyago ton noma'mwalpinorekikono. Toro amapi kuvi kuruv nuvno'gwowi yiuwi'nokai kwako akavida'ai jurogudo tonyu me'no kuuwolovonyugono. Toro tovino tov kemi poowokalago ton jurogudo nokwo jumo'nogaulo.” Kuudokaikono.

Muuduko 8:8

Aki toruda'ai lukomgu Noowal wonyo buugo tov me'no aiyo'nopimoka'mdukoneyokwe tovino wonomollo'mo tov dokato sobuuro pwollu amogalapiyokaikono.

Muuduko 8:10

Toro galomokaulno sumaiyokwe toga iruko pubuul sogwollo ainokaikono. Toro tool 7-pela iruko tobuul me'no kuuwolo'noka toga dokato sobuuro toollu aki aiko te abilomogalopiyokaikono.