Muuduko 46:1 - Gooti Toolluro Yogalokwono

¹ Toruda'ai Jekoopol gamoro yiuwi'nokai buro'nyo buro'nyo kuto ivitodeyo a'mwo abolo kwoloraiyodeyo tonyu momwora'no sumaiyokwe avlavokaikono. Toro ton plaino sumaveyokwe wagwolago Biyasiba toru ai'movopogano. Toro ki'mo'mno sumaveyokwe Jekoopol gami ganumiyago Aisakolluro Gooti toollu wiyo'moneyokwe sipsip pwollu romiyo'no kwiroudapiyokaikono.

Muuduko 46:1 Referans Kwoze

Muuduko 28:13

Toro wonyuno sumaiyokwe aki Gooti Yawel wobo toru da'mduke toollu kwonokaikono. Toro wonyuno sumaiyokwe Gooti Yawel Jekoopollu aro kuudokaikono. “Nuu gumi jukweyago Eburaiyameke gumi junumiyago Aisakeke toorallu Gooti toonyugono. Toro toonyu guu sa kwokudo kwako su tov guuge'aro gumi jukweyago kwolaiyo sumo'nupi toorogai'aro toorekullu nekullamonyugono.

Muuduko 28:10

To'no'gwowi Jekoopol Mesoopootemiya tomuuno plaiyo'moneyokwe Biyasiba toru wuugollu'mo'mno sumaiyokwe puuto tov wagwolago Haran tomuu'aro amjo'movlaiyajukekono.

Muuduko 21:33

Me'no plaino sumaleyokwe Eburaiyamol kwako Biyasiba su tovi jeso'moneyokwe iko tamarisik pwollu aburaudokaikono. Toro buraujuno sumaiyokwe Gooti Yawel Aiyo Yiunokuudo Mujomwekovla'mdowodo su toolluno yovo tovi sulomoropiyokaikono.

Muuduko 21:31

Toro tooral kwako su toru subuu'yamju sajunolo tovino tov kwako su toru'no yovo tov Biyasibaru dodupudorukono.

Muuduko 21:14

Toro te iruko aikomguda'ai tollugwoji lomwo iru'mago toga Eburaiyamol dukavo'no wosamujuko pugai'aro wonyubiyokwe kulakuto puuwake'aro malluno sumaiyokwe Hegaiyovi kwiyokaikono. Toro wino sumaiyokwe Hegaiyovuro yagwo te ilomorubweyo'no gamoro kwolaiyo tooke'aro tonallu amorapiyokaikono. Toro te Hegaiyov wuugollu'mo'mno sumaiyokwe kwako a'mwomaiyo kuu'maiyo toru'no avlavokakwono. Kwako su toru'no yovo tov Biyasibareyorukono.

Muuduko 22:13

Toro wuudoduke tovi Eburaiyamol wuu'nyuno sumaiyokwe sumdo yenomollo'no kwonoka tov sipsip kwolo pwol i'jurako te gamoro koomwo tovi'aro abuuruubidapiyoka toollu kwonokaikono. Toro kwonoka toollu galoma'no sumaiyokwe Gooti toollo'mo kwiroudapiyokaikono. Toro kwiroudapiyoka tool gamoro kwolaiyo Aisakolluro aiko toru'no amarokaikono.

Muuduko 12:8

Toro towai Eburameke ton wuugollu'mo'mno sumaveyokwe muumuudo tooraiyomno avlavopogano. Toro ton kuujo tool sulopiyamoka tomgu plaino sumaveyokwe wagwolago Betel tovi uuwolovo'mno muumuudo tooro wo'dupudo towai ai'movopogano. Toro ai'movopo toru kemi sel ago ton amodaropogano. Toro ton wagwolago puruvallu akuuto toru amodaropogano. Wagwolago su toval puruv Betel kuujo tool kwolmoka tomgu kwoso. Puruv Eyai kuujo tool sulopiyamoka tomgu kwoso. Toro tovalluro akuuto toru mwalno sumaveyokwe Eburamol Gooti Yawellu wiroudapiyo'moneyokwe dukwagupto puruv sulo tokwe aluvagilovokaikono. Toro luvagilo'mno sumaiyokwe Gooti Yawelluno sulomoropiyokaikono.

Muuduko 8:20

Toruda'ai Noowal sulo pun malluno sumaiyokwe Gooti Yawellu wiroudapiyo'moneyokwe dukwagupto puruv aluvogilo'melokaikono. Toro tool yiuwi'nokai ibesa'aiyo toorogai'aro dokato toorogai'aro kumakomaiyo yiuwi'nokai sugudo su tooraida'ai pwolno pwolno maro'no aromiroudapiyokaikono.

Muuduko 4:4

Aki Ebelol gami sipsip mulejai'nodupudo tooravuro sujuraiyo pwollu romino sumaiyokwe munollo sugudo ton dovomokabo'no Gooti Yawellu abuuwiyokaikono. Toro te Gooti Yawel Ebeleke'aro gamoro kwiyoka tokwe'aro tovalluno ilaiyo amollomarokaikono.

Kuurotokwe 7:15

Toro wolabino sumaveyokwe Jekoopol Ijup towai mwalno mwalno sumaiyokwe su towai abolokaikono. Aki nemi nellukweyago kworo kuruv avalo su towai aboloporogano.

Muuduko 45:28

Toro uumwogapino sumaiyokwe Jekoopol adokaikono. “Oo aga nuu kuudo me'no souromakono. Moro kwolaiyo Joosepol mabolo'no aiyo kuuno amwallo. Toro te nuu yere mabolodo'mure akaga Ijup'no yere wola'mi kwollu wonmonyugono.” Adokaikono.

1 Samwel 8:2

Muugunyo su tooralluno yovo tov muudu'nodo tool Joowelolekono. Lukomguda'ai tool Abija'wolekono. Toro todoral Biyasiba towai mwalodole toga Isuraiyolda'ai a'mwo abolo ton kemi jul'nyo tago togai mokabodopure tonyu kooti yogalo tovida'ai adomdukuurubweyajulorakono.