Muuduko 44:18 - Gooti Toolluro Yogalokwono

¹⁸ Toruda'ai Juuda'wol Joosepollu wobo toru bo'no aro abuudokaikono. “Oo mi agutoloo, guu a'mwo aguto Feroo toolbusuko anyumo'nadokuuno. Toro tookuji moro yogalo pwekwo agudumi tovino guu surodo'mo nonyubiyo.” Kuudokaikono.

Muuduko 44:18 Referans Kwoze

Muuduko 41:40

Toro tovino tov moro kantri akavi mido mollomwallo'mo mogudapimekugono. Toro tookuji moro yiuwi'nokai a'mwo abolo ton gumi dogalo tomuu mwalopi gumjunpinogano. Nuu Feroo toonyuno tov judo toonyu gumi mido mollogumwalmonyugono.” Kuudokaikono.

Muuduko 18:30

Aki Eburaiyamol aro kuudokaikono. “Agutoloo, nuu aki aiko te agudoganmi tekwonyuno surodo'mo nonyubiyo.” Toro wuujuno sumaiyokwe kuudoganokaikono. “Guu yiuno 30-pela a'mwo sugudo yodupudo toorai kwonbi kuruv wagwolago tovi kaiyako nyugolbinekudukono?” Toro kuudoganoka tovi Gooti Yawel kuudokaikono. “Nuu 30-pela a'mwo sugudo yodupudo toorai kwonmi kuruv wagwolago tovi kaiyako migolmonyugono.” Kuudokaikono.

Muuduko 41:44

Toruda'ai aki Feroo tool Joosepollu aro kuudokaikono. “Nuu Feroo toonyugono. Toro toonyu aro agudumono. “Yiuwi'nokai Ijupda'ai a'mwo abolo ton kevnokwenyuro kuudo tovida'ai mamjumovla'mwalpinogano. Toro kun kuruv gumoro yogalo kuudubi tovino to'no uumjunmwalpinogano.” Agudumono.” Feroo tool toro kuudokaikono.

Muuduko 18:32

Toro kuudoka tool Eburaiyamol kuudokaikono. “Agutoloo, nuu aiyowo'mo gumi gudoganodo'mure toga guu surodo'mo nonyubiyo. Toro te aiyowo'mo tov aro gudoganumo'mekwonyugonoo. Wagwolago akaibivi yiuno a'mwo atousal sugudo yodupudo toorai kwonbi kuruv kaiyako nyugolbinekudukono?” Toro kuudoganoka tovi Gooti Yawel aro kuudokaikono. “Nuvu a'mwo atousal sugudo yodupudo toorai kwonmi kuruv wagwolago tovi kaiyako migolmonyugono.” Kuudokaikono.

Kuurotokwe 2:29

Pital toro wuujuno sumaiyokwe aki aro kuudokaikono. “Nuugeravoo, moro yogalo aikudadokwo akavi neya duu'nyulo. Devitol me'no aboloka toollu a'mwo buuso tovi amolsosopekono. Aga kuga kuruv gamoro a'mwo buuso su tov wobo akaru wo'dowodo tovi mwalodowadonogano. Toro tovino tov nemi nellunumiyago a'mwo aguto kig Devitolluro kuuguudo adoka su tov gavnokweyolluno adokalmaiyo.

Joon 5:22

Aki Nyunumiyago tool a'mwo yiuno pwolnodo kwollu kuruv kooti yogalo duuwiyowo'ji majainyubwo'dowodekono. Toro kuvi kuruv yiuwi'nokai nojainyubwollo'moneyokwe womdo to'gwowi gami Kwolaiyo toonyuro ato tovi anubweyokaikono.

Muuduko 37:7

Nevu todorotonol wit womdo tovi kuulomwalodowa wit yogudo ton adovamdukuu'mawonogano. Me'no dovomuudukuurosuno yodowa moro adovomdukuurosumo towa ido'nyuno ada'mokakwono. Toro da'mduke toga kemoro adovomdukuurosumapo ton moro tovi aiyowomno mwodovoma'dupu kwako tomuu'aro alugulo'na'maporogano.” Kuudokaikono.

Muuduko 37:8

Gami gadai'yago tooro Joosepol toro kuudoka tovi wuu'nyuno sumaveyokwe toga kuudoporogano. “Awi, tarevono. Guu a'mwo aguto kig imo'no'bi nemi mido mollonekumwallo imo'nubino'mekudukono? Aki toro sumo'nubi tookuji nevu gumi dolago tomuu mwalanonoldukono?” Kuudoporogano. Toro tooro Joosepolluro wojo suwo'noka tovino wuu'nyuno sumaveyokwe surodo'mo yo'mno kemoro sumwoluko ton duko kuunoporogano.

Muuduko 44:17

Toro kuudoka tovi Joosepol aro kuudokaikono. “Awiyo, nuu kemi su toro maikullumonyugono. Yiuno kapwo tovi so'mgonoma'mapo toolno moro ki'nato womdo yo'mo kirumwallumekono. Toro kuvi kuruv pworekulno'gwowi kemi tellunumiyago toollomno kavo nokwo plapinorekikono.” Kuudokaikono.

Muuduko 37:6

Toro te Joosepol gamoro wojo suwo'noka su tovino aro kuudokaikono. “Moro wojo suwo'numo tovino kevu duu'nyulo.