Muuduko 42:23 - Gooti Toolluro Yogalokwono

²³ Toro todoroto kemi yogalo tovida'ai yajuno'mno aro kuudo sauroporogano. Aguto tool nemoro yogalo tovi muu'nonoldeyo. Kuudo yauro'mno kuu'maiyo toru'no nokwo yajunyuno soporogano. Toro yajunodopure kuvi kuruv Joosepol kavo au'nallajukekono. Aro tovinokwono. Sumdomgu Joosepol gami gadai'yago su toorai kuuguudo wuujo'mo tool Ijupda'ai tooravuro yogalo tovida'ai wuudoduke toga a'mwo pwol amollovodo'mwojuujajukekono.

Muuduko 42:23 Referans Kwoze

2 Koorin 5:20

Toro tovino tov nevu Krais toolluro mago to'busuko molloda'mdowadonogano. Toro toonol gamoro yogalo ma'dowado tokwe aro moruudodowadonogano. “Oo nevu Krais toolluro yovo tovida'ai guureji ikudoganano'monogano. Gooti tool kemi gavuge momgurovaikubweyo'moneyokwe Krais toolluno kuuguudo tovi kevu kuudo neya duubweyogaulo.” Moruudodowadonogano.

Muuduko 11:7

Toro juno sumaiyokwe aro sajunokaikono. “A'mwo su tooro kemi avaiyogaljo dodupudo tov kevnokwero nuu'nupiyokweyo'mo nevu wolowa'ji kemoro avaiyogaljo tovi kaiyako wolomolloujulowapiyano.” Sajunokaikono.

Muuduko 42:22

Toro yajunyuno sumaveyokwe Ruubenol aro kuudokaikono. “Nuu muudu'nodo toga me'no aikudonyugono. “Kwolaiyo toollu kaiyako mwipinono.” Toro aikudo kworekul kuruv muu'nyubusuko soporekikono. Toro sopo tovino tov aga kwolaiyo su toolluro aboloka tovino mido anekuma'maiyo.” Kuudokaikono.

Muuduko 42:24

Toro te Joosepol gadai'yago tooro kuuguudo yajunodopure tovi wuu'no'no pumuu wuugollu'mo'mno sumaiyokwe kumdo adokaikono. Toro tool kumdo me'no dopiyogalno sumaiyokwe aikomgu bo'no abuuru'marokaikono. Toro buuru'ma'no sumaiyokwe gamoro womdokwe pworai Simiyoonollu galamworapino'moneyokwe amodapiyokaikono. Toro amodapiyoka tooro yiuwi'nokai Joosepolluro gadai'yago gabovo tooro muugona'dopure toga Simiyoonollu wuulo amerosopekono.

Muuduko 45:12

Joosepol toro wuujuno sumaiyokwe aki aro kuudokaikono. “Nuu nemi yogaljo tovida'ai ikudodore tovi nonuu'nadokwovo. Aki mi nyudai'yago toorekike'aro nyugwai'yago Bejameneke'aro toorekul nuu nekudodore toonyu me'no anuwonmaporekikono.