Muuduko 41:29 - Gooti Toolluro Yogalokwono

²⁹ Wosamujuko bwotonyago kuunodo tov bilaronokwono. Yiuwi'nokai kantri Ijup tomuu muudomullosumovla'mno muudomullosumovla'mno yopi 7-pela kworomo tobuullu toro yomwalpinogano.

Muuduko 41:29 Referans Kwoze

Muuduko 41:49

Wosamujuko amollu'bworosajupo su ton bwotonyago kuunodo sumo'nokakwono. Muudu'nodo toga Joosepol wosamujuko amollu'bworosajupo ton ajagillajuko kwol kuruv bwotonyago me'no sumo'nopo toga'no'gwowi ku'nono majagillajukekono. Wosamujuko su ton soolwaravuro wolo tomuuda'ai we'gullugulludo bwotonyago wo'dowodo to'busuko tonyu amollu'bworosajuporogano.

Muuduko 41:26

Toro te 7-pela buulmokau bwotonyo toorogai'aro 7-pela wit no bwotonyo toorogai'aro tooro 7-pela kworomo tobuullunokwono. Yiuwi'nokai su tooro kavlo puru'monodo su tovino kwonmadokwono.

Muuduko 41:30

Kworomo su tobuullu me'no plawo'ji toga lukomgu muju'wuulo bwotonyo puruv nobwonokwono. Muju'wuulo su tov kuuno mujo'movla'mno mujo'movla'mno yowo'ji 7-pela kworomo uuwolo'nonokwono. A'mwo abolo ton muju'wuulo su toro mujomwekovlavopi sumdomguda'ai wosamujuko bwotonyago kwollajuko tonyuno kuudo yallulo'gwonpinogano. Toro te muju'wuulo bwotonyo su tov yiuwi'nokai kantri Ijup tomuu mwalodupudo tonyu kaiyako bwotonyo igolonokwono.