Muuduko 37:3 - Gooti Toolluro Yogalokwono

³ Kemi kuunumiyago Jekoopolluno yovo puruv Isuraiyololekono. Toro tool yadaiyo kuunodo amwaloka toga kwolaiyo pwollu me'no sawosunokaikono. Toro toolluno yovo tov Joosepolekono. Toro tool Jekoopolluro kuu'dello kuunodekono. Jekoopol gamoro kwoloraiyo punyuno kalo buuropino kwinyajuko kuvi kuruv Joosepolluno'gwowi gami kuu'dello kuunodo kwimo'nyajukekono. Toro te iruko pullugwoji Jekoopol youro kumi'yago sugumaluko puul agiwolokaikono. Toro giwolno sumaiyokwe Joosepollu kwiyokaikono.

Muuduko 37:3 Referans Kwoze

Muuduko 37:32

Toro ino sumaveyokwe youro kumi'yago sugumaluko toul momworaro'mno kemi kuunumiyago toollomno amokavlavoporogano. Toro mokavla'mno sumaveyokwe kemi kuunumiyago toollu aro soukuu'nuudoporogano. “Youro so'mgonomarowo akav Joosepolluro'mdukono oo a'mwo pwolluro'mdukono? Guu sumdo doonono.” Soukuu'nuudoporogano.

Muuduko 37:23

Toro yodopure toga Joosepol gami gadai'yago su toorai wobo toru abuuru'marokaikono. Toro buuru'ma'duke toollu gadai'yago tooro galomwora'no sumaveyokwe gamoro youro kumi'yago sugumaluko tousi amogallurolopiyoporogano.

Joon 3:35

Aki Gooti Ganumiyago tool gami Kwolaiyo toolluno kalo buuropino winodowodekono. Ganumiyago su tool gami Kwolaiyo toolluro ato tovi yiuwi'nokai ton me'no kuubweyokaikono.

Muuduko 37:31

Toro wuujuno sumaiyokwe Joosepollu gadai'yago tooro meme kwolo pwollu aromiyoporogano. Me'no romino sumaveyokwe youro kumi'yago sugumaluko toul maro'mno meme mujako tovi ajuulowosoporogano.