Muuduko 25:8 - Gooti Toolluro Yogalokwono

⁸ Eburaiyamol kworomo bwotonyago tobuul mwalno sumaiyokwe yadaiyo kuunodo imo'no'no abolokaikono. Toro bolno sumaiyokwe gavuge avalo me'no abolopo toorai tomuu kuuru'marokaikono.

Muuduko 25:8 Referans Kwoze

1 Kuuguudo 29:28

Toro tool a'mwo abolo tonyuro sumdo tovi yovo agutokwe sumo'nyajukekono. Aki kuto ivito bwotonyagokwe sumo'nyajukekono. Aki toro tool kworomo bwotonyago amjomwekovlaiyajukekono. Toro tool yadaiyo kuunodo imo'no'no abolokaikono. Toro aboloka toga gamoro muugunyo Sooloomonol gami ganumiyago toolluro aiko toru'no maro'no a'mwo aguto kig sumo'nokaikono.

Muuduko 15:15

Toro kun kuruv akawai'no aikomgu yere mabupinogano. Aro tovinokwono. Akawai Amooroda'ai tooro mwalodupu ma'no ma'no mujumovla'mdupudorogano. Toro tooro ma'no ma'nodo tov guureji mujumovlavopi bwotonyo me'no imo'nodowo'jure toga'no gumoro jukweyago kwolaiyo toorai aikomgu mokamonyugono. Toro te gumi jukweyago kwolaiyo tooravuro sawosunpi toul bolopi aki kemoro kwolaiyo tooro abillumo'nupi tooro bolopi tono tono yopi toga aral aral abillumo'nupi togasuro kwolo towasi akawai'no aikomgu mokamonyugono. Gumoro jukweyago kwoloraiyo tonyu toro kwimo'no'ji kuvi kuruv guvuno'gwowi kavo nokwo mujomwekovlavo'bi yago subi toga abolbi tookuji mollusagubwepinekugono.” Gooti tool Eburamollu toro kuudokaikono.

Muuduko 25:17

Toruda'ai Isumaiyolol 137 kworomo tobuul mwalo'no abolokaikono. Toro aboloka tool gavuge avalo me'no abolopo toorai tomuu kuuru'marokaikono.

Kuurotokwe 13:36

Su toro sakwollungiko tovino kevu neya duu'nyulo. Devitollu aro kwimo'nokaikono. Devitol aiyo kuuno mwaloduke toga Gooti toolluro womdo ton mujumovlavo'no abolokaikono. Toro aboloka toollu gami jukweyago toorai amolsosajupo avalo toru amolsosopekono. Toro toolluro kulako tov bwiyo yiunokuudo abuuropiyokakwono.

Muuduko 25:7

To'no'gwowi Eburaiyamol 175 kworomo tobuul me'no amwalokaikono.

Kuurotokwe 5:10

Pital toro wuujuno sumaiyokwe kuga'gwo kuuno abolo tov Pital da'mduke wobo toru woloo'no sumaiyokwe yiuno'no abolokakwono. Toro aboloka tovi a'mwo muugunyo tooro aki aiko te kuula'mno abomokalokwopokwono. Toro tovi bomokalokwino sumaveyokwe gami kwolo toollu amolsosopo wobo toru amolsosopokwono.

Kuurotokwe 12:23

Toro delowo'nugoulodopure kuga'gwo kuuno Gooti Aguto toolluro ensel pwol bino sumaiyokwe Herootollu aboromiyosokaikono. Su toro aromiyosoka tov aro tovinokwono. Herootol a'mwo abolo gamino ilomoropiyodopure tonyu maduullukurokaikono. Aki Gooti toolluno milomoropiyokaikono. Toro kwol kuruv gavnokweyol ilomoropunyu yodowo nokwo wonyapino to'no sokaikono. Toro soka tovino tov ensel toolluro kuubweyoka tovida'ai avluko tooro gamoro sumwoluko tovi nugoulno nugoulno sumaveyokwe yiuno'no abolokaikono.

Kuurotokwe 5:5

Toro kuudoka tovi Ananaiyasol wuu'no'no kwako tovi woloo'no sumaiyokwe yiuno'no abolokaikono. Toro aboloka toolluno a'mwo muugunyo pworo ago tovi kuulno sumaveyokwe aulomoweyomguromaropekono. Toro kuulomoweyomguromaro'mno bomokalokwino sumaveyokwe buuso tovi amolsosopekono. Ananaiyasollu toro kwimo'noka tovino a'mwo abolo pun wuu'no'mno luko bwotonyo sopogano.

Jagillo 20:24

“Muudu'nodo toga kev todorakul kwako Meriba toru moro yogalo tovi kisuvolo solo tovino tov guu Eroonekuji aro adagubwemono. Isuraiyolda'ai togaikullu ikullabiyo'mo kwako subuu'yamju adaikullo su toru'no maulabinekugono. Toro kweku kuruv kwa'mgu akamuu bolbinekugono.” Adubweyokaikono.

Muuduko 37:35

Toro wo'duke toollu gamoro yiuwi'nokai kwolaiyo taiyo ton kalo dugoga wireyo'mo abuuru'mallajupogano. Toro buuru'ma'dopure kuvi kuruv Jekoopolluro kalo tovi dugoga mwireyajupogano. Toro tool aro kuujajukekono. “Awiyo, kanyu sa wo'dumdo tekwonyu kumdato mimwogapimonyugono. Yiuno abolmi tekwonyu a'mwo bolodupudo tooravuro tomuu moro muugunyo toollu kuuru'ma'mi toga'no kumdato tov imwogapimonyugono.” Kuujajukekono. Toro wuujuno yodowo gami kwolaiyo toolluno kumdato to'no ajajukekono.