Muuduko 24:24 - Gooti Toolluro Yogalokwono

²⁴ Toro kuudoganoka tovi Rebekav kuudokakwono. “Nuu Nahooreke Milkakwe teyaulluro muugunyo Betuuwelolluro taiyo to'migono.”

Muuduko 24:24 Referans Kwoze

Muuduko 24:15

Toro tool subusu'nyogalo kuuno doduke toga Rebekav gami wonyubiyo bootool tov ikwovomworaro'no alokabokakwono. Sujuraiyo su tov Nahooreke Milkakwe teyaulluro muugunyo Betuuwelluro sujuraiyokwono. Nahoorol Eburaiyamolluro gagwai'yagekono.

Muuduko 22:23

A'mwo Betuuwelol su tool Rebekavi ganumiyagekono. Toro te Nahoorolluro abolo Milkav 8-pela muugunyo su toorai toro somarokakwono. Aki Nahoorol Eburaiyamollu gagwai'yagekono.

Muuduko 22:20

Toruda'ai lukomgu Eburaiyamol kuuguudo aro tovi kuu'nokaikono. Gumi jugwai'yago Nahoorolluro abolo Milkav kwolaiyo pworai somarokakwono.

Muuduko 11:29

Aki Eburameke Nahooroleke todoral abolo amarolorakono. Nahoorol abolo mallo'moneyokwe gagwai'yago Haranolluro taiyo puruval tovalluda'ai puruv amarokaikono. Taiyo su tovalluno yovo tov puruv Milkav puruv Isukav. Toro tovalluda'ai Nahoorol Milkavi amarokaikono. Aki Eburamolluro abolo amaroka tovino yovo tov Saraiyovokwono.

Muuduko 24:23

Toro te me'no ibweno sumaiyokwe aro kuudoganokaikono. “Gumi junumiyago tool ala'mwoldeyo? Aki nuuge'aro moro a'mwo womdokwe toorogai'aro toonol sa wollo'moneyokwe tov gumi junumiyago tool ago puruv kurukweyoldukono?”

Muuduko 24:25

Toro wuujuno sumaiyokwe aki aro kuudokakwono. “Kevu sa wollo'moneyokwe ago tov kurukweyonogano. Aki gumoro sa'ai kemel toorai mollomwallo'mo gwo'gwopto togai wosamujuko nomulanyo'mo togai ton kurukweyonogano.”

Muuduko 24:47

Toro tovi nuu aro kuudoganmonyugono. “Guu ala'mwolluro taiyo to'guudeyo?” Toro kuudoganmo tov anyudumokakwono. “Nuu Nahooreke Milkakwe teyaulluro muugunyo Betuuwelolluro taiyo to'migono.” Toro anyudumoka tovi nuu gool mabidoga aullungiko tov gamoro subuuto tovi ibweyodum aki gool a'muunado sakwollungiko toval gamoro ato tovi subwemonyugono.