Muuduko 22:1 - Gooti Toolluro Yogalokwono

¹ Toruda'ai lukomgu Gooti tool Eburaiyamollu yamju wiyoganyo'moneyokwe aro adomarokaikono. “Eburaiyamoloo.” Toro tovi Eburaiyamol wuu'nyuno sumaiyokwe aro kuudokaikono. “Anyugeyo.” Kuudokaikono.

Muuduko 22:1 Referans Kwoze

Hibruu 11:17

Aiyoga Gooti tool Eburaiyamollu yamju tov kwiyoganokaikono. Toro kwiyoganoka su tov Eburaiyamol Gooti toollu kuudo kuubweyoka tovino tov gami kwolaiyo Aisakollu Gooti toollo'mo wiroudapiyo'moneyokwe amollovrowosokaikono. Eburaiyamol Gooti toolluro subuu'yamju me'no aduuwiyajuko tovino kuudo kuubweyajukekono. Toro tool gami kwolaiyo pwolnodo toollu wiroudapiyo'moneyokwe kuvinono amollovrowosokaikono.

1 Pita 1:7

Kevu tagunyo baikullumo'nodopure toorai kula'nyo toga'gwo mokavla'mdopure su tovi'aro Gooti tool kemoro kuudo uubweyodupudo tovi yamju ikulloganyokwekono. Kevu gool tovino kuudo nyau'mwakovo. Gool tov kuunodo'mdukoneyokwe tovino yamju wiyoganyo'mo tooro gool tovi duko tokwe dovelogullumowopiyodupudorogano. Su toro to'busuko kubalno buro'nyo buro'nyo tagunyo kemi abaikullumo'nupi su tooro kemoro kuudo uubweyodupudo tov kuunodo'mdukoneyokwe tovino yamju ikulloganyo'morogano. Toro kuvi kuruv kemoro kuudo uubweyodupudo to'gwowi gool tovi uuwolo'mdowodokwono. Aki Jisas Kraisol kuu'maiyo toru'no abwiyalo'no'ji toga kemoro kuudo uubweyodupudo tovino ilomodomoropiyawo'ji gamoro jurogudo tov kemi nekubweyonekono. Aki yovo aguto nekullabwonekono.

Jems 2:21

Sumdomgu togasuro nemi nellukweyago Eburaiyamol Gooti toolluno kuudo kuubweyajuko tool gami muugunyo Aisakollu romiroudapiyo'moneyokwe dukwagupto tovi muunyu toru sulomoga'bworosokaikono. Eburaiyamolluro womdo soka su tovi Gooti tool wonyuno sumaiyokwe Eburaiyamolluno, “Oo a'mwo sugudoldeyo,” adokaikono.

1 Koorin 10:13

Guu ma'no ma'no yo'moneyokwe kuudo pworo abagi'mowo'ji su ton yiuwi'nokai a'mwo abolo kun kuruv aval'no bwi'mo'mdupudorogano. Kuudo su ton gumi abagi'mowo'ji kuvi kuruv Gooti toolno'gwowi aro dodowodekono. “Nuuwiyo'mwojumonyugono.” Toro dodowodo tovi kuvinono kinamjodowodekono. Toro tool gavnokweyolluro jurogudo tokwe nokwo ikullo'mwojumwalonekono. Aki jurogudo ikubweyodowo'jure su tokwe kevu guureji nokwo da'mwalpinogaikikono.

Mollurolovomato 3:4

Toro juno sumaiyokwe kuulaboduke toollu Gooti Yawel wono'no i'jurako widuko bomjonugeloduke tomuuda'ai deko suloduwopiyabokaikono. “Moosesoloo, Moosesoloo.” Toro kuudoka tovi Moosesol wuu'no'no kuudokaikono. “We, anyugeyo.”

Muuduko 22:11

Toro ikolomwora'duke toga Gooti Yawelluro ensel tool muunyu kai'muuda'ai deko aro kwoloduuwopiyabokaikono. “Eburaiyamoloo. Eburaiyamoloo.” Toro kuudoka tov Eburaiyamol kuudokaikono. “We, anyugeyo.” Kuudokaikono.

Muuduko 22:7

Toro tonumdal puuto tomuu plaino sumaleyokwe toga Aisakol gami ganumiyago toollu adomarokaikono. “Nyunumiyago aikuno.” Toro kuudoka tovi Eburaiyamol kuudokaikono. “Oo mi kwolaiyoloo, buro'nyo'mekudeyo?” Kuudokaikono. Toro kuudoka tovi Aisakol aro samuugojokaikono. “Nuu dukworoka tokwe'aro duko nyureyo'mo tokwe'aro tovallu noonmwakono. Toro kuvi kuruv noromiroudapiyo'mo sipsip bwopto toolno'gwowi gadomuu domwallo?”

Mollurolovomato 16:4

Toro wuujuno sumaveyokwe Gooti Yawel Moosesollu aro kuudokaikono. “Moro yodo'mure tovida'ai bret pun muunyu kai'muuda'ai buuruko to'busuko bwolovodapinogano. Toro bwolovoda'mdowo'jure iruko su tollugwoji kevu nokwo nonomwallo'mo toru'aro to'no domollu'bworomarogaulo. Toro aduuwimo yogalo akav a'mwo abolo tonyu wiyoganyo'mokwono. Moro yogalo tovi kuvinono uumjunpinodukono oo muumjunpinodukono. Toro tovino youromallo'mo toonyu yamju akav kuubwemono.

A'mwo Mido Mollomwalokwe 2:22

Toro tov aro tovinokwono. Nuu Isuraiyolda'ai ton yamju wiyoganyo'moneyokwe aro tovino wonoma'monyugono. Agasuro Isuraiyolda'ai su ton aiyoga kemi kwikweyago tooro mi anumjunyajupo kubalno po'dogalo numjunpinodukono oo manumjunpinodukono. Toro tovino wonomallo'moneyokwe kemi ikomago toorai mamovojapimonyugono.” Gooti Yawel toro adokaikono.

Muuduko 15:1

Toruda'ai Gooti Yawel Eburamollu wojo tovibusuko wiyalo'no'no aro kuudokaikono. “Eburamoloo, luko mibinono. Gumi sabiyo tou'busuko gujumo'nodumdo toonyu yellukuromollogumwalodumdonyugono. Toro toonyu mubiyo sugudo pun nogujamonyugono. Toro agujami su ton sugudo kuunodogano.” Kuudokaikono.

Muuduko 21:11

Toro kuudoka tovi Eburaiyamol wuu'no'no gami kwolaiyo Isumaiyolluno kalo winodowodo tovino tov ilaiyo mibwosunokaikono.

Muuduko 37:13

Toro ki'duvolodopure toga kemi kuunumiyago Jekoopol Joosepollu aro amodapiyokaikono. “Gumi judai'yago tooro Sekem toru mwalodupu moro sipsip meme wuulo tonyu ki'duvolodopure tomuuno pla'binekugono.” Toro kuudoka tovi Joosepol kuudokaikono. “Yowa'nogano. Nuu nokwo pla'monyugono.” Kuudokaikono.

Muuduko 46:2

Toro wiroudapino sumaiyokwe surakuuto toga Gooti tool Jekoopollu wuujo'moneyokwe wojo tovi'aro kuuguudo aro kuudokaikono. “Jekoopoloo, Jekoopoloo.” Kuudokaikono. Toro kuudoka tovi Jekoopol kuudokaikono. “Anyugeyoo.”