Muuduko 19:17 - Gooti Toolluro Yogalokwono

¹⁷ Wagwolago tovida'ai bomogaibworomokalokwino sumaleyokwe aro amadolorakono. “Kevu nobolpiyokweyo'mo tov lukado neya dovlaiyulo. Toro plavopi toga aikomgu gunyubwosumdo mipinono. Aki kwako worato su toru mamwalpinono. Toro kugaikul kuruv yiuno muumuudo tooraiyomno kano kano juloulo.” Amadolorakono.

Muuduko 19:17 Referans Kwoze

Luuk 9:62

Toro toollu Jisasol aro kuudokaikono. “A'mwo pwol womdo tovi aiyo yowo'ji toga gamoro noonyumwonyu tonyu wuugollu'mo'mdowodekono. Toro tonyu aiko te wonyo'mo agunyubworo'ji tov a'mwo su tool aguto kig Gooti toolluro mido mollomwalono tovino'mo womdo tov ku'nono mimwalonekono.” Kuudokaikono.

Muuduko 19:26

Toro mollounapiyoduke toga Lootolluro abolo tov aikomgu gunyubwosumdo sokakwono. Toro soka kuga'gwo kuuno Lootolluro abolo tov talo imo'no'no suwasulo pwolbusuko adavokakwono. Lootolluro abolo tov su toro sumo'nokakwono.

Muuduko 19:22

Toro te wagwolago su tomuuno lukado yere duuwilo. Nuu sogwollo kuuno aikinmwakono. Toro te kevu wagwolago akaijuvi me'no ai'movapi toga'no nuu kaiyako mollounapimonyugono.” Kuudokaikono. Aki wagwolago su tovino yovo tov Soowar dodupudorukono. Su tov Lootolluro yogalo, “wagwolago kula'nyokwono” me'no ajungiko tovino tov Soowar dodupudorukono.

Matyuu 3:7

Toro galuvolloduke toga Farasi toorogai'aro Sajuusi toorogai'aro bwotonyago tooro wonyo uuvollunyo'moneyokwe Joonollomno aboporogano. Toro bodopure toorai Joonol wonyuno sumaiyokwe aro kuudokaikono. “Kevu a'mwo abolo tonyu kaiyako igolodupudo toorekulluno tov gabakuto yaunanyo toorobusukorekikono. Toro toorekulluno Gooti toolluro suroulo tov nobadopiyo. Toro abadopiko tovida'ai kevu irukuruwoleyo'mo tov ala'mwol, “Lukado dovlaiyulo,” aikudumokarekuldukono?

Muuduko 13:10

Toruda'ai Lootol wonomolluno sumaiyokwe Soowar tomgu kwonoka tov kwako wora'maluko puruv wonyo Joodanov kwolmoka tomgu wolo'duke tovi kwoloonyopiyokaikono. Toro woloonyopino sumaiyokwe aro adokaikono. “Kwako akaibiv Gooti Yawelluro womdo Iden to'busukorukono. Wonyo kwolmoka tovi wobo toru wo'dowodo tovino tov woguulkwako bwotonyokweyorukono. Aki Ijupda'ai kwako to'busukorukono.” Adokaikono. Su toro toga Gooti Yawel wagwolago Soodoomke Goomoorake tovallu kaiyako yere mamollounapiyoduke toga kwonokaikono.

Muuduko 18:22

Toro wuujuno sumaiyokwe Gooti Yawel Eburaiyameke kuuno mwaloduke toga a'mwo gabovo tooral Soodoom'no kwolalorakono.

Hibruu 2:3

A'mwo abolo loowo tovi kisuvolo kwiyajupo ton kirumwallo tovi su toro amallajupogano. Loowo su tov jurogudo adaiyajuko kuvi kuruv Gooti tool nemi ma'no ma'nodo tovuro kirumwallo tovida'ai nobomollurolovonekumokalokwono tovino yogalo to'gwowi aguto kuunodokwono. Toro tovino tov yogalo su tovi nevu muu'nyubusuko to'no nyumwala'jo. Nevu yogalo su tovi muu'nyubusuko to'no sa'ji tov kirumwallo tovi mirukuruwolowanonogano. Kuuguudo su tovino muudu'no amoruudoka tool yiuno Aguto toolnodokwono. Aki lukomgu kuuguudo su tovi a'mwo pworo me'no kuu'nyajuporogano. Toro kuu'nyajupo su tooro aro anekujajuporogano. “Oo Aguto toolluro kuuguudo adoka tov yiuno nebal'nodokwono.” Anekujajuporogano.

Muuduko 14:10

Toro sunopo kuvi kuruv wagwolago Soodoomke Goomoorake tovalluda'ai a'mwo aguto kig tooral luko ino sumaleyokwe kemi molo mollo'mo a'mwo toorogai lukado avlavoporogano. Kwako worato Sidim su toru ilooloo'buugo pworo kurukweyorukono. Ilooloo'buugo su toorai gwomalo to'busuko wel pun kuulovomwona'dupudogano. Toro te pworo buuso su tonyu su'noporogano. Pworo muumuudo tooraiyomno lukado sulaporogano.

Muuduko 19:18

Toro amadolo kuvi kuruv Lootol ensel su tooralluro pwollu aro kuudokaikono. “Mi agutoloo, nuu kumuuno milamekwonyugono.

Muuduko 19:30

Toruda'ai Lootol wagwolago Soowar towai mwallo'mo luko yo'no gami taiyo tovake'aro momworaro'no lukado avlavoponumdotogano. Toro ton muumuudo toorai tomuu ilno sumaveyokwe sumago pwollu tomuu aulomwalopogano.

Luuk 12:23

Kemoro aiyo yomjomwekovla'mdupudo tov wosamujuko tonyu uuwolo'mdowodokwono. Aki kemoro kulako tov youro tonyu uuwolo'mdowodokwono.