Muuduko 17:1 - Gooti Toolluro Yogalokwono

¹ To'no'gwowi Eburamol 99 kworomokwe tool mwaloduke toga Gooti Yawel bwiyalo'no'no aro aboduuwiyokaikono. “Nuu Gooti Jurogudo Kuunodo toonyugono. Guu moro sumdo tovi yiuno sugudo to'no mujumovlavo'bi mino to'no donumjunogawono.” Aboduuwiyokaikono.

Muuduko 17:1 Referans Kwoze

Filipai 4:13

Toro te neya duu'nyulo. Yiuwi'nokai noonyumwonyu numi anyumo'no'ji kuga kuruv nuu Krais jurogudo nubweyodowodo toollu'aro ilaiyo to'no nokwo yomjomwekovla'mwalmonyugono.

Efesos 3:20

Gooti tool gavnokweyolluro jurogudo tokwe nemoro poowokalago tonyu guureji danekullumwojodowodekono. Gamoro jurogudo su tov womdo nekulloduke tovi'aro buro'nyo buro'nyodeyo pun yo'mo kwino'ji kuvinono nokwo yonekono. Noonyumwonyu punyuno kuudogana'jo'mdeyo oo kuudo to'no saura'jo'mdeyo kuruv nokwo yonekono. Aki muunyu toru gavnokweyolluro pugai'aro nokwo yonekono. Toro toolluno to'no neya ilomoropiyogawano.

Muuduko 6:9

Toro te Noowalluno kuuguudo tov arokwono. Noowal kwolaiyo pworapwolokwekono. Kwolaiyo su tooraino yovo tov Semol Hamol Jafetol toorogano. Toro te Noowal Gooti toollu uumjunyo'mo tov yiuno sugudo to'no mujumovla'mdowo judo tool Gooti toolluro ibwoto'nyo sumo'nyajukekono.

Luuk 1:6

Toro teyaul Gooti toolluro sumdo tovi sugudo to'no kwimo'nyajuleyaukono. Aki Aguto toolluro yiuwi'nokai loowo tonyu pi'mwono kuumjungovlaiyajuleyaukono.

Matyuu 5:48

Toro te kevu kemi muunyu kai'muuda'ai Tellunumiyago yiuno sugudo to'no imo'nodowodo toolbusuko kubalno kevu kugaikul kuruv yiuno sugudo to'no neya jumo'nogaulo.”

Muuduko 18:14

Toro wuudoganyuno sumaiyokwe aro kuudokaikono. “Nuu Gooti Yawenyu yiuwi'nokai yo'mo nyunodowodo su ton jurogudo manyumo'nodowodonyugono. Toro te nuu aikomguda'ai kworomo tovi lobako akalbusuko me'no ajagubwemo toga Sarav kwolaiyo pwol me'no mulomwora'dowo'jure toga akawai'no aikomgu nomonyugono.” Kuudokaikono.

Matyuu 19:26

Toro toorai Jisasol moroonyuno sumaiyokwe aro kuudokaikono. “Su tovi yo'mo tov a'mwo tooro ku'nono mipinokwono. Toro kuvi kuruv Gooti toolno'gwowi su tovi yo'mo tov nokwo'mekono. Gooti tool yiuwi'nokai noonyumwonyu pun yo'mo kuudo sauro'ji kuruv kaveno yonekono.” Kuudokaikono.

Muuduko 28:3

Toro tookuji Gooti Jurogudo Kuunodo tool sugudo to'no neya amagujono. Toro amagujo'ji tooku kwolaiyo taiyo sawosunbi ton kwolallo bwotonyago imo'nupinogano.

Hibruu 7:25

Toro tovino tov yiuwi'nokai a'mwo abolo Jisasollu'aro Gooti toollu wobo toru kuulluru'mallo'mo kwinpi tonyu kuvinono nuuwiyo'mwojumwalonekono. Toro kwiyo'mwojo'ji tonyu Jisasol kemoro ma'no ma'nodo tovuro kirumwallo tovida'ai yiunokuudo nobomollurolovomokalokwonekono. Aki aiyo yiunokuudo mujomwekovla'mdowodekono. Toro toolluno tov a'mwo abolo su tonyu wiyo'mwojumovla'mwalono'moneyokwe tovino yiuwi'nokai toga Gooti toollu subusu'nyogalo wuudodowodekono.

Hibruu 12:28

Aguto kig Gooti toolluro mido mollomwalo tovi nomarano su tov yaudo yaudo minonokwono. Yiuno jurogudo to'no adapsuko tovino tov Gooti toollu, “Nenoloo,” neya wuudumwalanonogano. Toro tonol Gooti toollu kwako tomuu'aro wiyowa'ji aki gamino luko wiyowa'ji neya ilomoropimwolowanonogano. Nevu su toro tomgu'aro sulomoropiyowa'ji tovino Gooti tool ilaiyo winyokwekono.

Kuurotokwe 24:16

Toro tovino tov nuu Gooti toolluro sumdo toruke'aro a'mwo abolo tonyuro sumdo toruke'aro tomuu sugudo to'no ingovlaiyo'moneyokwe yiuwi'nokai toga nuvnokwenyuro poowokalago tov nyudodowo'jure tovi uumjungovla'mdumdonyugono.

Muuduko 12:1

Toruda'ai Gooti Yawel Eburamollu aro kuudokaikono. “Gumoro kwako amwakudo tokwe gumi junumiyago toolluro iko tovasuda'ai toorogai tonyu wuugollu'movo'bi kwako aguduuwallumi pumuuno dovlavono.

Muuduko 5:24

Inookol kworomo su tobuullu Gooti tooke ibwoto'nyo kuunodo sumo'nyajukekono. Toro toollu Gooti tool gavuge mwallo'moneyokwe muunyu kai'muuno amokailokaikono. Toro amokailoka toollu a'mwo tooro aki aiko te mwonyajupekono. Gooti tool yiunokuudo amokailokaikono.

Kuurotokwe 23:1

Toro kuulomolludapino sumaiyokwe Poolol Juu tooravuro kaunsel toorai yomuugonaro'no aro kuudokaikono. “Nuugeravoo, Gooti toolluro sumdo tovi moro yiuwi'nokai aiyo mujomwekelabodumdo toga moro poowokalago tovuro nyudodowo'jure tovi ilaiyo to'no uumjungelabodumdonyugono.” Kuudokaikono.

Mollurolovomato 6:3

Toro toonyu aiyoga Eburaiyameke Aisakeke Jekoopeke toorai wiyalo'nodum mino yovo puruv aro tovi kuujajonyugono. “Gooti Jurogudo Kuunodolenyugono.” Toro wuudodore tovi yovo su to kuvi anyujajuponyugono. Toro kuvi kuruv mino yovo, Yawelo, to'gwowi muujajonyugono.

Muuduko 18:1

To'no'gwowi lukomgu Eburaiyamol Mamureyolluro iko tooro adaiyajupo tomuu kuuno mwaloduke toga Gooti Yawel abwiyalo'nokaikono. Toro abwiyalo'noka toga kuujo bwotonyo doduke tovino tov Eburaiyamol gami sel ago tovuro noullo toru amwalokaikono.

Muuduko 12:7

Toruda'ai Gooti Yawel Eburamollu wiyalo'no'no aro kuudokaikono. “Kwako akav gumoro jukweyago kwolaiyo toorai wimokwono.” Kuudokaikono. Toro wuujuno sumaiyokwe Gooti Yawel kwiyalo'noka su toru Eburamol Gooti toollu wiroudapiyo'moneyokwe dukwagupto puruv sulo tokwe aluvagilovokaikono.

Muuduko 16:16

Eburamol 86 kworomokwe tool mwaloduke toga Hegaiyov Isumaiyolollu toro somarokakwono.

Muuduko 5:22

Toro tool Metuuselollu yawosunyuno sumaiyokwe toga Inookol Gooti toolluro ibwoto'nyo kuunodo sumo'nyajukekono. Toro mujomwekovla'mdowo 300 kworomo tobuuke'aro amwalokaikono. Toro tool kwolaiyo taiyo pugai'aro sawosunokaikono.

Muuduko 24:40

Toro kuudogano tovi mi aguto tool aro anyudokaikono. “Nuu Gooti Yawellu uumjunyokwenyugono. Toro te Gooti Yawel gamoro ensel pwollu sumdomgu gumi mogwapiyowo'ji mollubworogumokwanodowo'jure toga gumoro womdo yodo'bure ton yiuno ilaiyo to'no mujumo'nugovlawonokwono. Toro te guu moro kwolaiyo toollu abolo yo'mgonomallo'mo tov mi nyunumiyago toolluro ago tomuuno plavo'bi nuuge avalo tooravuro abolo puvi yo'mgonomorabinekugono.

Muuduko 26:2

Toro plaino sumaiyokwe Gooti Yawel Aisakollu bwiyalo'no'no aro kuudokaikono. “Guu Ijup'no mwolabinono. Toro kweku kuruv moro kwako aguduwallumiyo tovino plavo'bi mwalbinekugono.

Muuduko 43:14

Jekoopol toro wuujuno sumaiyokwe aki aro amodapiyokaikono. “Gooti Jurogudo Kuunodo toolluro yodowo'jure tovida'ai Ijupda'ai a'mwo aguto tool kemino kalo maikumwonyowo'ji ilaiyo kuudo yaikuuronekono. Kemino ilaiyo saikuuro'ji tov kevudorotekulluro pwol wuulo killo'mo ago te aule'nasuko toollu irolowapiyowo'ji aki Bejamenol kweke'aro toorallu miyomno nokwo mokabupinorakono. Toro kuvi kuruv Gooti tool mino tov, Kwolaiyomaiyokwe amwalono, kuudo sanuuro'ji to'gwowi nuu kuvinono kwolaiyomaiyokwe nokwo mwalmonyugono.” Jekoopol gami muugunyo toorai toro amodapiyokaikono.

Muuduko 46:3

Toro wuujuno sumaiyokwe Gooti tool kuudokaikono. “Nuu gumi junumiyago toollu Gooti kuunodo toonyugono. Guu Ijup'no wollo'mo luko mibinono. Kevu su towai wolomwalopi moro jurogudo aikubwemi tovida'ai kwolallo bwotonyago yawosunopi kantri jurogudo puruv imo'nupinorekikono.