Muuduko 16:15 - Gooti Toolluro Yogalokwono

¹⁵ Toruda'ai Hegaiyov Eburamolluro kwolaiyo pwol somarokakwono. Toro te Eburamol gami kwolaiyo Hegaiyovuro somaroka toolluno Isumaiyololo sowarokaikono.

Muuduko 16:15 Referans Kwoze

Muuduko 25:12

To'no'gwowi Eburaiyamolluro muugunyo Isumaiyolol kwolaiyo pworai sawosunokaikono. Muugunyo su tool Ijupda'ai abolo Hegaiyov Saravuro ki'nato womdokwe tovuro somarokaikono.

Muuduko 37:27

Toro tovino tov aro to'gwowi neya yano. Nevu Isumaiyololluro iko tovasuda'ai a'mwo su toorai Joosepollu uumallowa'ji nuugwiyo anekubipuro. Nemi nellugwai'yago kuunodo Joosepollu nevnokwe toonol maromiyosa'jo.” Juuda'wol toro kuudokaikono. Toro te yiuwi'nokai todoroto Juuda'wolluro kuudoka tovi kaduko kwiyoporogano.

Muuduko 28:9

Toro yajunyuno sumaiyokwe aki puruv aro sajunokaikono. Oo mi nyunumiyago tool moro abolo Kenanda'ai amaro tovalluno ilaiyo mwinyokwekono. Sajunokaikono. Toro yajunyuno sumaiyokwe abolo purukwe'aro mallo'mo tool Isumaiyolollomno avlavokaikono. Toro tool plaino sumaiyokwe Eburaiyamolluro muugunyo Isumaiyololluro taiyo Mahalatovi amarokaikono. Mahalatovi gananyago tov Nebaiyootokwono. Toro te Isoo'wol abolo puruval me'no amaroka tool abolo gabovo su tokwe'aro amarokaikono.

Muuduko 25:9

Toro te gamoro muugunyo Aisakeke Isumaiyoleke tooral kemi kuunumiyabwiyo toollu Makpela sumago tovi amolsosolekono. Sumago su tov Hitda'ai a'mwo Sooharolluro muugunyo Efroonolluro kwako tovi wo'dowodokwono. Aki wagwolago Mamure toru kuujo tool sulopiyamoka is tomgu wo'dowodokwono.

Muuduko 17:20

Gumoro kwolaiyo Isumaiyololluno anyudumodo tovi me'no aguu'numonyugono. Toro toollu nuu sugudo pun uubweyo'mi jukweyago kwolaiyo bwotonyago toorai yawosunowo'ji kwolallo bwotonyo imo'nupinorogano. Aki toro tool 12-pela a'mwo aguto pworai jukweyago kuunodo wimo'nowo'ji aki gamoro jukweyago kwolaiyo sawosuno'ji tooro kantri jurogudo puruv imo'nupinorogano.

Muuduko 17:18

Eburaiyamol toro kuudo yau'no sumaiyokwe Gooti toollu kuudoganokaikono. “Guu su toro anyudumado kuvi kuruv gumoro subuu'yamju su tov moro kwolaiyo Isumaiyololluno'gwowi nokwo uubwebinekudukono?” Kuudoganokaikono.

Muuduko 16:11

Gooti Yawelluro ensel tool toro wuujuno sumaiyokwe aki aro kuudokaikono. “Aga guu kwolaiyo sumwoluko me'no sumo'nadokuudo'guugono. Toro to'guu kwolaiyo pwollu yomaro'bi Isumaiyololo mullowa'bino'guugono. Yovo su tovino kavlo tov aro tovinokwono. Gumoro jul'nyo tonyuno deko dodore tonyu Gooti Yawel me'no guu'nodowodekoneyo'mokwono. Toro tovino mullowa'bino'guugono.

Muuduko 16:14

Aki wonyo sumdo amwaloka su tovino yovo tov Biyalairoowiyovokwono. Wonyo sumdo su tov wagwolago Kadeseke Beredeke tovallu akuuto toru wo'dowodokwono.

Muuduko 16:16

Eburamol 86 kworomokwe tool mwaloduke toga Hegaiyov Isumaiyolollu toro somarokakwono.