Muuduko 14:10 - Gooti Toolluro Yogalokwono

¹⁰ Toro sunopo kuvi kuruv wagwolago Soodoomke Goomoorake tovalluda'ai a'mwo aguto kig tooral luko ino sumaleyokwe kemi molo mollo'mo a'mwo toorogai lukado avlavoporogano. Kwako worato Sidim su toru ilooloo'buugo pworo kurukweyorukono. Ilooloo'buugo su toorai gwomalo to'busuko wel pun kuulovomwona'dupudogano. Toro te pworo buuso su tonyu su'noporogano. Pworo muumuudo tooraiyomno lukado sulaporogano.

Muuduko 14:10 Referans Kwoze

Muuduko 19:17

Wagwolago tovida'ai bomogaibworomokalokwino sumaleyokwe aro amadolorakono. “Kevu nobolpiyokweyo'mo tov lukado neya dovlaiyulo. Toro plavopi toga aikomgu gunyubwosumdo mipinono. Aki kwako worato su toru mamwalpinono. Toro kugaikul kuruv yiuno muumuudo tooraiyomno kano kano juloulo.” Amadolorakono.

Muuduko 19:30

Toruda'ai Lootol wagwolago Soowar towai mwallo'mo luko yo'no gami taiyo tovake'aro momworaro'no lukado avlavoponumdotogano. Toro ton muumuudo toorai tomuu ilno sumaveyokwe sumago pwollu tomuu aulomwalopogano.

Muuduko 11:3

Toro towai bomwalno sumaveyokwe ajunoporogano. “Nevu aro yano. Kunaikwako pun luvaguro'mwojowa'ji duko kilanokwono. Toro kilowa'ji simen to'busuko sumo'nupi tonyu avalo puru mollu'bworosanokwono. Aki gwomalo jurogudo pugai'aro amollu'bworosano. Gwomalo su togai simen to'busuko tonyu luvomuugutovamodanokwono.” Ajunoporogano.

Muuduko 14:11

Toruda'ai a'mwo aguto kig aral aral tooro wagwolago Soodoomke Goomoorake tovalluda'ai toorai molo ino'mno kuuwolovoporogano. Toro uuwolo'mno sumaveyokwe wagwolago su tovalluda'ai yiuwi'nokai kuto ivito tonyu ipoloma'no sumaveyokwe kemi ago tomuuno amovipolomokavlavoporogano. Aki wosamujuko sovi'mwojosajupo togai'aro tonyu amovipolomokavlavoporogano.

Muuduko 14:17

Toro te Eburamol Kedoolaiyoomoleke'aro a'mwo aguto kig pworapwol toorogai'aro toorai molo tov me'no uuwoleno sumaiyokwe aikomgu abokaikono. Toro tool puuto tomuu kwako worato puwai kuuno boduke toga Soodoomda'ai a'mwo aguto kig tool Eburamollu abuuru'marokaikono. Toro abuuru'maroka toru'no yovo tov Saveyorukono. Aki su toru'no yovo puruv, A'mwo Aguto Kig Tooravuro Woratorukono, dodupudorukono.

Muuduko 14:21

Toro wino sumaiyokwe Soodoomda'ai a'mwo aguto kig tool Eburamollu aro kuudokaikono. “Yiuwi'nokai kuto ivito ton gumiyo'mo nokwo maro'bi kuvi kuruv moro a'mwo abolo aikomgu supolomokabodo tono'gwowi neya donyabono.” Kuudokaikono.