Muuduko 13:12 - Gooti Toolluro Yogalokwono

¹² Toro yomuudeyapinyuno sumaleyokwe Eburamol kwako Kenan toru amwalokaikono. Lootolno'gwowi wonyo Joodanov kwolmoka worato tomuuno wolno sumaiyokwe wagwolago wo'dupudo tonyu kwolomwalokaikono. Toro tool mujomwekwino sumaiyokwe wagwolago Soodoom'no wobo toru ai'movokaikono. Toro ki'mo'mno sumaiyokwe gami sel ago tov mojudapiyo'no amwallajukekono.

Muuduko 13:12 Referans Kwoze

Muuduko 19:29

Toro te Gooti Yawel wagwolago kwako wora'maluko wo'dupudo tonyu toro amollounapiyokaikono. Aki Gooti Yawel Lootolluro amwallajuko towai kaiyako amollounapiyoka toga Lootolluro ganumamwolo Eburaiyamolluno kuudo saurokaikono. Toro yau'no sumaiyokwe Lootol kwako su towai nobolo'jokweyo'mo pumuuno amorapiyokaikono.

Muuduko 19:1

Lukomgu sulato toga ensel tooral wolno sumaleyokwe wagwolago Soodoom toru kwolai'movolorakono. Toro wolai'mo'mdole toga Lootol wagwolago su tovi kuullo'mo noullo toru mwalodowodo tool kwonokarakono. Toro wonyuno sumaiyokwe Lootol ensel toorallu wuuru'mallo'moneyokwe uuwo'no kwako tovi kwolomuulo'narokaikono.

Muuduko 14:12

Aki Lootol wagwolago Soodoom tovi amwallajuko kwolluda'ai meromworaro'mno gamoro kuto ivito kugai'aro amovipolomokavlavoporogano. Lootol Eburamolluro gagwai'yago toolluro kwolaiyekono.

1 Koorin 15:33

A'mwo su toro dodupudo tooravuro youkuu'naikudodopure tovi kevu kaduko nuuwimwalpiyo. Neya duu'nyulo. Nevu Jisasolluro a'mwo abolo tonol sugupasudo yo'mo nekullunodowo'jure kuvi kuruv a'mwo ma'no ma'nodokwe su toorogai amjonomwekovlawa'ji tov kemoro ma'no ma'no pasudo toorai uumjunanogano. Su toro tomgu'aro nemoro sugupasudo tovi kaiyako igolanekumopinorogano.

Muuduko 19:25

Gooti Yawel toro wolopiyabino sumaiyokwe wagwolago su tovake'aro yiuwi'nokai kwako wora'maluko towaike'aro tonyu kaiyako amollounapiyokaikono. Aki yiuwi'nokai wagwolago tovallu kuulomwalodupudo kunyu kuruv yiunokuudo aromiyebuuropiyokaikono. Aki noonyumwonyu iko gwo'gwoptodeyo kwako tovida'ai bila'dupudo tonyu duko aluvirowapiyokaikono.

Muuduko 13:11

Toro te Lootol gamiyo'mo kwako tovi deroso'mo tool adokaikono. “Kwako akaibivi ma'monyugono. Wonyo Joodanov kwolmoka tomguda'ai yiuwi'nokai kwako wo'dowodo akaibiv numiyo'mokwono.” Adokaikono. Toro juno sumaiyokwe Lootol gami kwako aderosoka towai'no plaiyo'moneyokwe gami yiuwi'nokai togai momwora'no sumaiyokwe kuujo tool sulopiyamoka tomgu amollubworomokwolokaikono. Looteke Eburameke tooral toro somuudeyapinolorakono.

Muuduko 19:24

Toro toga Gooti Yawel dukworokakwe salfa sulo bwotonyago ton wagwolago Soodoomke Goomoorake tovallu kwolomoropiyabokaikono. Toro ton muunyu kai'muuda'ai buuruko to'busuko avodavopogano.