Muuduko 11:8 - Gooti Toolluro Yogalokwono

⁸ Toro yajunyuno sumaiyokwe Gooti Yawel kuvinono abwolomolloujulowapiyokaikono. Toro abwolomolloujulowapiyoka togada'ai a'mwo tooro kemoro wagwolago amojajupo womdo tovi sumwogapiyoporogano. Toro imwogapino sumaveyokwe gomno gomno plavo'mno kwako akavi aiyowomno sounopiyoporogano.

Muuduko 11:8 Referans Kwoze

Luuk 1:51

Toro tool gamoro ato tokwe womdo bwotonyo tov me'no sokaikono. Aki toro tool a'mwo pworo kemi poowokalago kuudo togai ilomoropunyu yodapudo toorai amojo'bworapiyoka tooro gomno gomno sounopiyoporogano.

Muuduko 10:32

Toro te iko go'no go'nodo tovasuda'ai kwolallo su ton Noowalluda'ai abopogano. Aiyoga buuru'allako tov me'no abawoka togada'ai kwolallo su ton billumo'no'mno kwako akavi aiyowomno so'mowopiyopogano. Kwolallo Noowalluda'ai sumo'nopo tonyuno kuuguudo tov torokwono.

Muuduko 10:25

Eberol kwolaiyo pworal sawosunokaikono. Kwolaiyo su tooralluno yovo tov pwol Pelekolo sowarokaikono. Yovo su tovino kavlo tov aro tovinokwono. Yomuudeyomwalloveyo'mokwono. Toro te a'mwo abolo ton gomno gomno yomuudeyomwalodopure togasuro sawosunoka toolluno tov Pelekolo sowarokaikono. Aki Pelekollu gagwai'yago toolluno yovo tov Jookitanolekono.

Muuduko 11:9

Toro te wagwolago su toru'no Bebeloru sowaroporukono. Toro sowaropo tov aro tovinokwono. Gooti Yawel yiuwi'nokai a'mwo abolo kwako akavi mwalodupudo tooravuro avaiyogaljo tovi kaiyako abwolomolloujulowapiyoka togada'ai kwako akavi aiyowomno sounopiyoporogano. Toro tovino tov yovo su tov sowaroporukono.

Muuduko 11:4

Toro junyuno sumaveyokwe toga aki aro ajunoporogano. “Nevu yiuwi'nokai kwako akavi gomno gomno nyomuudeyapino'jokweyo'mo tov yovokwe neya imo'nano. Toro toonol wagwolago bwotonyo puruv modowa'ji aki agumi'ago purukwe'aro modumelowanokwono. Agumi'ago su tov sulugumdo tovi ilubogai'nyo'mo modumelowanokwono.” Toro ajunoporogano.

Muuduko 10:5

Toro tooro kwikweyago kwolallo bwotonyo yawosunodupu soolwara wolago tomuu amjomwekwiyajuporogano. Aki aku'momdo kumuu kuruv amjomwekwiyajuporogano. Toro tooro go'no go'no iko tovasuda'ai kemi avaiyogaljo toorogai mwalodupu kwako gomno gomno tomuu amwallajuporogano. Jafetolluro jukweyago kwolaiyo tooraino kuuguudo tov torokwono.