Biblia Todo Logo
Bib sou entènèt

- Piblisite -




Muuduko 10:32 - Gooti Toolluro Yogalokwono

32 Toro te iko go'no go'nodo tovasuda'ai kwolallo su ton Noowalluda'ai abopogano. Aiyoga buuru'allako tov me'no abawoka togada'ai kwolallo su ton billumo'no'mno kwako akavi aiyowomno so'mowopiyopogano. Kwolallo Noowalluda'ai sumo'nopo tonyuno kuuguudo tov torokwono.

Gade chapit la Kopi




Muuduko 10:32
12 Referans Kwoze  

Toro te Noowalluro kwolaiyo pworapwol su tooro yiuwi'nokai a'mwo abolo kwako akavi amwakopo tonyu kuunumiyagorogano.


Toro tool aiyoga muudu'nodo toga a'mwo yiuno pwolnodo toollu sokwolludapiyokaikono. Toro sokwolludapiyoka toolluda'ai yiuwi'nokai judo'no judo'no kula'noka tonollu yonekuuwosungelabo'mno kwako akavi aiyowomno so'mowopiyowonogano. Toro te Gooti gavnokwe tool aro toval me'no ajonekubweyokaikono. Kwako akavi nemoro aiyo mujomwekovlaiyo'moneyokwe iruko tobuuke'aro nemoro kwako akavi mwallo'moneyokwe senagu'nyo tokwe'aro toval me'no ajonekubweyokaikono.


To'no'gwowi buuru'allako bwotonyo tov me'no abawoka toga Noowalluro muugunyo Semeke Hameke Jafeteke tooro kwolaiyo pworo sawosunoporogano. Toro todorotavuro kwikweyago kwolaiyo abillumo'nopo tooraino yovo tov arorogano.


Eberol kwolaiyo pworal sawosunokaikono. Kwolaiyo su tooralluno yovo tov pwol Pelekolo sowarokaikono. Yovo su tovino kavlo tov aro tovinokwono. Yomuudeyomwalloveyo'mokwono. Toro te a'mwo abolo ton gomno gomno yomuudeyomwalodopure togasuro sawosunoka toolluno tov Pelekolo sowarokaikono. Aki Pelekollu gagwai'yago toolluno yovo tov Jookitanolekono.


Hamolluro jukweyago kwolaiyo tooro toro abillumo'noporogano. Toro tooro kemi go'no go'no iko tovasuda'ai avaiyogaljo toorogai mwalodupu kwako gomno gomno tomuu amwallajuporogano. Hamolluro jukweyago kwolaiyo tooraino kuuguudo tov torokwono.


Gooti tool toro wuudo'no aki aro kuudokaikono. “Kevumdotekul kwolaiyo taiyo bwotonyago yawosunopi kwako akavi aiyowomno mujomwekuupinokwono. Aki kwolaiyo taiyo bwotonyago yowosunuguupinokwono.” Kuudokaikono.


To'no'gwowi Gooti tool Noowaike gami muugunyo toorogai'aro toorai sugudo tov uubweyo'moneyokwe aro adubweyokaikono. “Kevumdotekul kwolaiyo taiyo bwotonyago yawosunopi kwako akavi aiyowomno domjomwekwilo.


Semolluro jukweyago kwolaiyo tooro toro abillumo'noporogano. Toro tooro kemi go'no go'no iko tovasuda'ai avaiyogaljo toorogai mwalodupu kwako gomno gomno tomuu amwallajuporogano. Semolluro jukweyago kwolaiyo tooraino kuuguudo tov torokwono.


Muudu'nodo toga yiuwi'nokai a'mwo kwako akavi mwalodupudo tooro avaiyogaljo tov yiuno puru'mono ajajuporogano.


Toro tooro kwikweyago kwolallo bwotonyo yawosunodupu soolwara wolago tomuu amjomwekwiyajuporogano. Aki aku'momdo kumuu kuruv amjomwekwiyajuporogano. Toro tooro go'no go'no iko tovasuda'ai kemi avaiyogaljo toorogai mwalodupu kwako gomno gomno tomuu amwallajuporogano. Jafetolluro jukweyago kwolaiyo tooraino kuuguudo tov torokwono.


Swiv nou:

Piblisite


Piblisite