Kuuguudo Sugudo akav Makolluro sakwollokakwono Mak 9:4 - Gooti Toolluro Yogalokwono

⁴ Toro muugona'dopure toga Ilaijaike Mooseseke tooral Jisaseke kuuguudo ajuda'noporogano. Toro juda'nodopure toorai gamoro uumjunyokwe pworapwol su tooro kwonoporogano.

Kuuguudo Sugudo akav Makolluro sakwollokakwono Mak 9:4 Referans Kwoze

Adodolukuu'nosungiko 19:10

Ensel toro anyudoka toollu ilomoropiyo'moneyokwe nuu gamoro suvlo dolago tomuu kwolomuulo'naronyugono. Toro wolomuulo'na'dore kuvi kuruv ensel su tool aro anyudokaikono. “Guu mino milomonuwopiyabinono. Nuu kwonyu kuruv guvuge'aro gumoro avaiwomdokwe tekwojogai'aro toorekulbusuko Gooti toolluro womdo tovi aval'no wiyodumdekwonyugono. Gumoro avaiwomdokwe su tooro Jisasolluro yogalo kuu'maiyo toru'no me'no adodoluwosajuko su tovi gudupola'dupudorogano. Toro te kevu yiuwi'nokai toorekul yiuno Gooti toolluno to'no neya julomoropiyogaulo.” Su tov aro tovinokwono. Proofet yogalo tonyuro womdo aguto tov Jisasolluno kuu'maiyo neya adodoluwosopureyokwe tovinokwono.

Joon 5:39

Kevu aro kuudo yau'dupudogaikikono. Oo nevu Gooti toolluro yogalo sakwollungiko tonyu mojagilno mojagilno sa'ji tov aiyo yiunokuudo mujomwekovlaiyo'moneyokwe tovi nomaranonogano. Kuudo yau'dupudogaikikono. Kevu su toro kuudo yau'dupudo kuvi kuruv aro tovino kuudo miyouroma'dupudogaikikono. Gooti toolluro yogalo sakwollungiko su ton numino kuu'maiyo toru'no dodoluwosodupudogano.

Luuk 24:44

Jisasol toro nyuno sumaiyokwe aki aro kuudokaikono. “Sumdomgu nuvu kevuge amwallajo toga aro me'no aikujajonyugono. “Yiuwi'nokai mino yogalo tov Moosesolluro loowo tokwe'aro proofet toorogai'aro Da'buukiyo tokwe'aro tonyuro ajakwollajupo su ton suuwiyo neya imwojupinogano,” aikujajonyugono.”

Luuk 24:27

Toro wuujuno sumaiyokwe aki Jisasol Gooti toolluro yogalo tov Mooseseke'aro proofet toorogai'aro tooravuro ajakwollajupo tonyuda'ai sodubwosumelabokaikono. Toro yodubwosumelabino sumaiyokwe yiuwi'nokai gavnokweyolluno kavlo go'no go'nodo ton kuu'maiyo toru'no abomollolupto'nubweyokaikono.

Luuk 9:19

Toro samuugojoka tooro kuudoporogano. “Pworo gumino tov, Wonyo Galuvollokwe Joonekono, gudodupudorogano. Toro kuvi kuruv pworo gumino tov, Ilaijaikono, gudodupudorogano. Aki pworo, aiyogasuro proofet amwallajupo tooravuro pwol aiyo aiko te adukavoka tool kwekono, gudodupudorogano.” Kuudoporogano.

Matyuu 11:13

Su tov aro tovinokwono. Joonol yere mimo'noduke toga yiuwi'nokai proofet tooravuro kuuguudo ajakwollajupo togai'aro Gooti toolluro loowo togai'aro ton aguto kig Gooti toolluro mido mollomwalo bai'mowono tovino kuu'maiyo toru'no me'no adodowiyoku'bworosumelabiyajuporogano.

Kuuguudo Sugudo akav Makolluro sakwollokakwono Mak 9:3

Bako pwopiyodowodo to'busuko kubalno gamoro youro tov wiya'jo to'no moropiyoduke tovi kwonoporogano. A'mwo kwako akavida'ai pwolnodo kwol kuruv youro wiya'jo su to'busuko imo'nyo'moneyokwe ku'nono miyal'mopinogano. Toro moropiyoduke tovi kwonoporogano.

Kuuguudo Sugudo akav Makolluro sakwollokakwono Mak 9:5

Toro wonyuno sumaveyokwe luko bwotonyo soporogano. Toro ino sumaveyokwe Pital aro kuudo saurokaikono. Buro'nyovo wuudomonyudukono. Toro kuudo yauro'no Jisasollu aro kuudokaikono. “Ibwasokweyoloo, nevu akawai amwakuuwo tov ilaiyokwono. Toro te sel ago puruvapuruv amodano. Puruv gumiyo'mokwono. Puruv Ilaijallo'mokwono. Puruv Moosesollo'mokwono. Toro amodano.”