Kuuguudo Sugudo akav Makolluro sakwollokakwono Mak 6:9 - Gooti Toolluro Yogalokwono

⁹ Aki youro tov puruval puruval mamokavlapinorekikono. Toro kworekul kuruv yiuno suulpweyo tokweno yesopi plapinorekikono.” Kuudokaikono.

Kuuguudo Sugudo akav Makolluro sakwollokakwono Mak 6:9 Referans Kwoze

Kuurotokwe 12:8

Toro bwoloo'no sumaleyokwe ensel tool Pitallu aro kuudokaikono. “Gumi muulo tokwe'aro suulpweyo tokwe'aro toval yere domollosono. Yo'bi gumi nobwaiyo tokwe'aro mobwa'no'bi mi donumjunono.” Kuudokaikono.

Efesos 6:15

Aki a'mwo mollurogudo tooravuro suulpweyo mollosodupudo to'busuko kubalno kevu kuuguudo sugudo tokwe moruujo'moneyokwe neya yovrowosunopi domwalogaulo. Kuuguudo nomoruujo'mo su tov arokwono. Yiuwi'nokai a'mwo abolo kuuguudo sugudo tovi'aro abupi tono Gooti tooke sumwoluko aval'no nokwo wosunpinogano.

Matyuu 3:11

Toro te kevu Gooti toollomno kuudo souragunyumo'numwakopo toorekullu nuvu wonyo tokwe mogalaikuvollodumdonyugono. Toro kuvi kuruv pwol mi lukomgu anumjunadopiko su tool aguto kuunodekono. Nuu akaro tekwonyu Aguto su toolluro suulpweyo tov mokavlaiyo'mo kuruv ku'nonodo'mekwonyumaiyo. Su toolno'gwowi Gooti toolluro Kuullo tooke'aro duko tokwe'aro tovake mogalaikuvollonekono.

Matyuu 10:10

Aki kevu novlaiyo'mo kuto puruv mamokavlapinono. Aki kevu youro puruvalo'mdeyo oo suulpweyo'mdeyo oo yodeko'mdeyo ton mamokavlapinono. Su tov aro tovinokwono. A'mwo pwol a'mwo abolo punyuro womdo tovi kwiyo'ji tov a'mwo abolo su ton a'mwo toollu neya uubimwalpinekono. Gamoro wosamujuko nonugovlaiyo'moneyokwe togai neya uubimwalpinekono. Noonyumwonyu pun mamokavlapino tov su toro tovinokwono.

Kuuguudo Sugudo akav Makolluro sakwollokakwono Mak 6:8

Jisasol nomodapiyo'mo tool aro kuudokaikono. “Noonyumwonyu buro'nyo buro'nyodeyo pugai mamokavlapinorekikono. Yiuno yodeko tokwe domjunugovlaiyulo. Yopi kemi wosamujukodeyo kutodeyo nuugwi pausodeyo pugai mamokavlapinorekikono.

Kuuguudo Sugudo akav Makolluro sakwollokakwono Mak 6:10

Toro wuujuno sumaiyokwe aro kuudokaikono. “Wagwolago puvi ai'mopi toru ago yiuno puru'mono aulapi su tovi sa'mo toga ago su to kuvino wo'mwalpinorekikono. Ago puruvi puruvi mwopinorekikono. Yiuno wagwolago toru wuugollu'meyo'mo toga'no ago su tovi dukwopiyopi plapinorekikono.” Kuudokaikono.