Kuuguudo Sugudo akav Makolluro sakwollokakwono Mak 6:48 - Gooti Toolluro Yogalokwono

⁴⁸ Lomwo iru'mago toga Jisasol kwako tovi davo'no gami uumjunyokwe tooro boot tovi mwalodopure kwonokaikono. Toro tooro dolo bwotonyo yoduke tovi novraibwollo'mo guureji wiyoganodopure toorai kwonokaikono. Toro tooraiyomno plaiyo'mo tool wonyo buugo tovi muunyu toru kwokado kuuwokaikono. Toro uuwo'no gami uumjunyokwe toorai irukuruwoleyo'mo avlavokaikono.

Kuuguudo Sugudo akav Makolluro sakwollokakwono Mak 6:48 Referans Kwoze

Luuk 24:28

Toro tooro puuto tomuu kuuno plaino sumaveyokwe a'mwo su tooral wagwolago au'nugovlaiyajulo su tovi wobo toru ai'movolorakono. Toro ai'movolo kuvi kuruv Jisasolno'gwowi puuto tovi kuuno plaiyo'mo kwinokaikono.

Luuk 12:38

Aki a'mwo aguto su tool akuusuduko toga'deyo oo lomwo iru'mago toga'deyo bowo'ji gamoro ki'nato womdokwe su tekwojo sa mworopi sogwollo kinodopure toorai abuuru'maro'ji tov gamoro ki'nato womdokwe su tekwojo ilaiyo to'no ipinorogano.

Joon 1:13

Gooti toolluro kwoloraiyo imo'nodupudo su ton kwako akavida'ai kuunum kwolabolo tonyuro yawosunodopure tovida'aiyo'mdeyo oo kwako akavida'ai kulako tovuro jurogudo tovida'aiyo'mdeyo oo a'mwo pwolluro jurogudo tovida'aiyo'mdeyo tonyuda'ai imo'nodupudonmaiyo. Toro kuvi kuruv yiuno Gooti gavnokwe toolluro yoduke tovi'aro to'no gamoro kwoloraiyo imo'nodupudogano.

Matyuu 14:24

Su toro toga Jisasollu uumjunyokwe toorono'gwowi kwako tovi manyu toru me'no wuugollu'movo'mno wonyo buunakuuto toru boot tovi amwaloporogano. Toro tooro boot tovi mwalodopure toga dolo bwotonyo puruv ino sumaiyokwe wonyo luwagu luwaguto tov sokakwono. Toro yoduke tovi novraibwollo'mo tooro yogudo guureji ino ino soporogano.

Muuduko 19:2

Toro wolomuulo'na'no sumaiyokwe kuudokaikono. “Mi a'mworaloo, kemoro womdokwe tekwonyugono. Toro te kevu sa wollo'mo tov moro ago tovi nokwo bubullunorakikono. Toro toorakul kemi suvlo ton nokwo yal'mo'no'bullu surakuuto akallugwoji sa wo'bullunorakikono. Toro toorakul lomwo iru'mago toga dukavo'bullu nokwo pla'bullunorakikono.” Lootol toro kuudokaikono. Toro kuudoka kuvi kuruv aro kuudolorakono. “Awiyo. Gumoro ago tovi mworosunonakono. Navu wagwolago tovi kuulowosi ago tovuro agwapto toru worosunonakono.” Kuudolorakono.

Mollurolovomato 14:24

Toro kuulai'mo'mdopure toorai Gooti Yawel sulu'wo tokwe'aro du'wiyo tokwe'aro tovallu kuulomwalodowodo tool lomwo iru'mago toga kwoloonyopiyabokaikono. Toro woloonyopiyabino sumaiyokwe toga Ijupda'ai a'mwo mollurogudo tooro luko bwotonyo ino sumaveyokwe lukado plaiyo'mo noo'nookwo soporogano.

Matyuu 24:43

Neya duu'nyulo. Ago puvi jukwo pwol aro kuudo miyaullajukekono. Oo surakuuto su toga kuuko tool nobowo'dalonoldeyo, kuudo miyaullajukekono. Jukwo su tool toro kuudo saurowo'jujuko'mno'juki sa mworowo'jujukekono. Aki gami ago tovi duuwarowo'ji kuuko toollu nokwo kuumjukurowo'jujukekono.

Kuuguudo Sugudo akav Makolluro sakwollokakwono Mak 6:47

Jisasol muumuudo toollu mwaloduke toga surakuuto ajunokakwono. Surakuuto me'no ajunoka toga Jisasol judo tool kwako tovi mwaloduke toga gamoro uumjunyokwe toorono'gwowi boot tovi wonyo buunakuuto toru amwaloporogano.

Kuuguudo Sugudo akav Makolluro sakwollokakwono Mak 6:49

Toro pla'mduke kwollu kuruv gamoro uumjunyokwe tooro wono'mno kurokuro'deko aro adoporogano. “Awi, kumamdekonoo.” Adoporogano.

Kuuguudo Sugudo akav Makolluro sakwollokakwono Mak 13:35

Womdokwe su tooro ago tovi jukwo tool adoga bai'mowonoldukoneyokwe tovino kuudomaiyorogano. Toro to'busuko kubalno moro aikomgu bumo tovino kevu kuudo miyau'mwakovo. Sulato toga'nonyudukono oo akuusuduko toga'nonyudukono oo kuukuuro muudu'no dodowo'jure toga'nonyudukono? Toro tovino kevu kuudomaiyorekikono. Toro toorekul wako neya dou'nomwalogaulo.