Kuuguudo Sugudo akav Makolluro sakwollokakwono Mak 15:5 - Gooti Toolluro Yogalokwono

⁵ Pailatolluro toro kuudoganoka tovi Jisasol yogalo puruv muudokaikono. Aki lukomgu kuga kuruv yogalo pugai'aro muudumovlavokaikono. Toro toolluno Pailatol kuudo kwolallo sourukwapiyokaikono.

Kuuguudo Sugudo akav Makolluro sakwollokakwono Mak 15:5 Referans Kwoze

Aisaiya 53:7

Toro tekwoji kaiyako igolodopure toga dado ibwosuno'no yogalo puru'monodo kuruv maravokaikono. Toro tool sipsip deko madodowodo pwolbusuko sumo'nokaikono. Sipsip pwol noromiyoso'moga'deyo oo ato kuurupiyomallo'moga'deyo toga deko madonekono. Toro toolbusuko kubalno a'mwo su tekwoji noromiyoso'mo yodopure toga yogalo puru'monodo kuruv maravokaikono.

1 Koorin 4:9

Toro kuvi kuruv Gooti tool nevu kuurotokwe tekwojonollu a'mwo aguto kig imo'nyo'moneyokwe majanekubweyokanogano. Toro tovino tov yiuno a'mwo yasuwa'nodo toorobusuko imo'nodowadonogano. Toro tekwojonolluno nekudodupudorogano. “Su toorai noromiyoso'morogano.” Su toro nekudodupudo tekwojonollu a'mwo abolo kwako akavi mwalodupudo ton muugonanekwo'dupudogano. A'mwo abolo togai'aro aki ensel kworogai'aro yiuwi'nokai ton muugonanekwo'dupudonogano.

Matyuu 27:14

Toro kuudoganoka kuvi kuruv Jisasolno'gwowi kemoro yiuwi'nokai mojokuu'noso'moneyokwe yogalo dodopure su tooraino gamoro puruv muudokaikono. Toro yoduke toolluno Pailatol kuudo bwotonyo sourukwapiyokaikono.

Joon 19:9

Pailatol luko yo'no gami gavman womdokwe ago tovino aikomgu kuulno sumaiyokwe Jisasollu aro kuudoganokaikono. “Guu gadomuuda'aiyekudeyo?” Toro kuudoganoka kuvi kuruv Jisasol yogalo puruv muudokaikono.

Matyuu 27:12

Toro wuujuno sumaiyokwe pris mido mollomwalokwe toorogai'aro Juu tooravuro mido mollomwalokwe toorogai'aro tooro Jisasollu mojokuu'noso'moneyokwe yogalo dodopure kuvi kuruv Jisasolno'gwowi yogalo puru'monodo kuruv madokaikono.

Kuuguudo Sugudo akav Makolluro sakwollokakwono Mak 15:4

Toruda'ai Pailatol Jisasollu aki aiko te kuudoganokaikono. “Gumino yogalo anyudadokwopo tov, “Ma'no ma'nodo tov tono tono yokwekono,” anyudadokwopo su tovi nuu'nadokuuno. Toro tovino guu yogalo puru'monodo kuruv madubinekudeyo?” Kuudoganokaikono.

Luuk 23:9

Toro tool Jisasollu yamuugojo bwotonyago ton kuudoganoka kuvi kuruv Jisasolno'gwowi yogalo puru'monodo kuruv muudokaikono.