Kuuguudo Sugudo akav Makolluro sakwollokakwono Mak 11:21 - Gooti Toolluro Yogalokwono

²¹ Toro tovi wono'mno Pital iko fik su toollu Jisasolluro kuudoka tovino aki aiko te kuudo yauro'no aro kuudokaikono. “Ibwasokweyoloo, doonono. Guu iko akallu magu'nyogalo aduuwimwa'judo tool aga noluullekono.” Kuudokaikono.

Kuuguudo Sugudo akav Makolluro sakwollokakwono Mak 11:21 Referans Kwoze

1 Koorin 16:22

Oo nemi Aguto tool yere abwoneyokwe anekullunadopiyo. A'mwo pwol nemi Aguto su toolluno kalo buuropino mwino'ji tov yiunokuudo nerumwallo'mekono.

Matyuu 25:41

Toro wuudo'mi toga aguto Kig toonyu a'mwo abolo kwonamo tomgu mwalodopure tonyu morouno'mi aro wuudumonyugono. “Oo kevu nerekumwallo'moneyokweyogaikikono. Toro togaikul du'muudo maduuwiyopiyodowodo tomuuno dovlaiyulo. Su tomuu Satanyeke'aro gamoro kuullo ma'no ma'nodo toorogai'aro tooraiyo'mo me'no sovroubwengikokwono.

Matyuu 23:7

Aki maket tomuu yomollodupudo toga a'mwo abolo pun kwako tomuu'aro nekullopi aro adomollupureyokwe winyokwerogano. Oo ibwasokweyoloo, su toro amodonekumollupureyokwe tovino ilaiyo winyokwerogano.

Matyuu 21:19

Toro kwinoka tool puuto tomuu iko fik pwol da'mduke toollu kwonokaikono. Toro wonyuno sumaiyokwe iko su toolluro sulo pun yo'mgonomuudanyo'moneyokwe kuuwokaikono. Toro wino sumaiyokwe iko su tool ikulsulo pun mai'nyo'mo tool yiuno kuuwopto tono ina'dopure toollu kwonokaikono. Toro tovi wonyuno sumaiyokwe Jisasol iko su toollu yogalo aro amojurugolokaikono. “Agada'ai sulo mai'nugovla'mwalbinekugono.” Amojurugolokaikono. Toro amojurugoloka kuga'gwo kuuno iko fik su tool yiuno'no aluuropiyokaikono.

Matyuu 23:8

Toro kuvi kuruv kemino'gwowi a'mwo abolo ton, Ibwasokweyoloo, maikudupinono. Su tov aro tovinokwono. Yiuno pwolnodo toolno kemi ibwasokwe ikullumo'nodowodekono. Toro te kevu yiuwi'nokai toorekul yiuno avalo todorotekulbusuko imo'nodupudorekikono.

Joon 4:31

Abolo tokwe'aro ajumiyo tovida'ai a'mwo abolo togai'aro ton su toro kikolokabodopure toga Jisasolluro uumjunyokwe tooro Jisasollu guureji aro kuudoporogano. “Ibwasokweyoloo, guu wosamujuko pun neya donono.” Kuudoporogano.