Kuuguudo Sugudo akav Makolluro sakwollokakwono Mak 10:49 - Gooti Toolluro Yogalokwono

⁴⁹ Deko toro doduke toollu Jisasol wuu'no'no kuru kuuloda'mno sumaiyokwe a'mwo toorai kuudokaikono. “Domodopiyabilo.” Toro tooro a'mwo toollu kuudoporogano. “Jisasol gumino adoguma'mwallo. Toro tovino tov gumi poowokalago tov jurogudo nokwo imo'no'bi julodavono.”

Kuuguudo Sugudo akav Makolluro sakwollokakwono Mak 10:49 Referans Kwoze

Luuk 18:40

Deko toro doduke toollu Jisasol wuu'no'no kuru kuuloda'mno sumaiyokwe a'mwo toorai kuudokaikono. “A'mwo su toollu domodopiyabilo.” Toro te a'mwo su tool wobo toru boduke toga Jisasol aro kuudoganokaikono.

Joon 11:28

Martav toro wuujuno sumaiyokwe gami ganabwiyago Mariyaviyomno kuuwokakwono. Toro wino sumaiyokwe gami ganabwiyago su tovi judo tomuu aro kuudokakwono. “Ibwasokwe abadopiko tool gumino abwoneyokwe agudadopiyo.” Kuudokakwono.

Hibruu 2:17

Toro tovino tov Jisasol gami gagwai'yago jo'mwo tonyu wiyo'mwojo'moneyokwe su tonbusuko aval'no neya imo'nonekono. Toro tool su tonbusuko kuvinono me'no sumo'nokaikono. Su tov aro tovinokwono. Jisasol pris aguto nonekullumo'numwalono tovinokwono. Pris aguto su tool nemino kalo manekumwonyodowodo tovida'ai Gooti toolluro womdo tovi pi'mwono yomjumovla'mwalonekono. Pris aguto su tool womdo aro tovi imwalonekono. A'mwo abolo tonyuro ma'no ma'nodo tovuro kirumwallo tovi modukwopimwalonekono.

Hibruu 4:15

Nemi Pris Aguto su tool nemoro yiuwi'nokai jul'nyo ibwosunodowa'jure tonyuno kuudo me'no youroma'dowodekono. Su tov aro tovinokwono. Yiuwi'nokai nemi me'nonekumokavlaiyo'mo yamju baneki'mo'mdupudo su tooro Jisasol kwollu kuruv yamju aval'no kwiyoganyajupekono. Toro wiyoganodopure kuvi kuruv Jisasolno'gwowi ma'no ma'no pasudo puru'monodo kuruv miyajukekono.

Matyuu 9:2

Su toro kuulai'mo'mduke toga a'mwo abolo pun a'mwo suvlato abolopingikokwe pwol i'buronyuko tovi wo'duke toollu Jisasollomno amollukwovomokabopogano. Toro amollukwovomokabopo togai'aro a'mwo suvlato abolopingikokwe tooke'aro tonyuro kuudo uubweyodopure tovi Jisasol me'no wonyuno sumaiyokwe a'mwo suvlato abolopingikokwe toollu aro kuudokaikono. “Mi kwolaiyoloo, gumi poowokalago tov jurogudo nokwo jumo'nogawono. Nuu gumoro ma'no ma'no pasudo yodumdo tovuro kirumwallo tov amagudukwopimono.” Kuudokaikono.

Kuuguudo Sugudo akav Makolluro sakwollokakwono Mak 10:50

Toro kuudopo tool ilaiyo ino sumaiyokwe nobwaiyo tov amodosodukwopiyokaikono. Toro modosodukwopino sumaiyokwe yere ilovlovodavo'no Jisasollomno abokaikono.