Kuuguudo Sugudo akav Makolluro sakwollokakwono Mak 10:3 - Gooti Toolluro Yogalokwono

³ Toro kuudoganopo toorai Jisasol samuugojokaikono. “Kevu neya uumjunmwalpino'moneyokwe Moosesol buro'nyovo ajakwollokaldeyo?” Samuugojokaikono.

Kuuguudo Sugudo akav Makolluro sakwollokakwono Mak 10:3 Referans Kwoze

Galesiya 4:21

Kevu a'mwo abolo pugaikul Moosesolluro loowo tovi dolago tomuu kuuno mwallo'mo ikullunodowodogaikikono. Toro ikullunodowodo togaikul loowo su tovuro yogalo tovino kavlo tov kuudo po'dogalo miyouroma'dupogaikikono.

Joon 5:39

Kevu aro kuudo yau'dupudogaikikono. Oo nevu Gooti toolluro yogalo sakwollungiko tonyu mojagilno mojagilno sa'ji tov aiyo yiunokuudo mujomwekovlaiyo'moneyokwe tovi nomaranonogano. Kuudo yau'dupudogaikikono. Kevu su toro kuudo yau'dupudo kuvi kuruv aro tovino kuudo miyouroma'dupudogaikikono. Gooti toolluro yogalo sakwollungiko su ton numino kuu'maiyo toru'no dodoluwosodupudogano.

Luuk 10:25

Toruda'ai a'mwo loowo tovino pi'mwo kuudokwe pwol Jisasollu yamju wiyoganyo'moneyokwe iloda'mno sumaiyokwe aro kuudoganokaikono. “Ibwasokweyoloo, nuu aiyo yiunokuudo mujomwekovlaiyo'moneyokwe tovi mallo'mo toonyu adado yo'mi ma'monyudeyo?” Kuudoganokaikono.

Kuuguudo Sugudo akav Makolluro sakwollokakwono Mak 10:2

Toro yodubwasoduke toga Farasi pworo bino sumaveyokwe Jisasollu abwolorawoneyokweyo'mo yamju abwiyoganoporogano. Toro tooro aro kuudoganoporogano. “A'mwo pwol gami abolo tovi ru'mdowapiyo'mo tov nokwo'mo'mdukono?” Kuudoganoporogano.

Kuuguudo Sugudo akav Makolluro sakwollokakwono Mak 10:4

Toro samuugojoka tovi Farasi tooro kuudoporogano. “A'mwo pwol gami abolo tovi ru'mdowapiyo'mo tool noru'mdowapiyo'moneyokwe puukwollukwiyo tovi me'no yakwollowo'ji toga aru'mdowapiyo'ji to'gwowi nokwo'mokwono. Moosesolluro ajakwolloka tovi toro nekudodowodokwono.” Kuudoporogano.