Kuuguudo Sugudo akav Makolluro sakwollokakwono Mak 10:2 - Gooti Toolluro Yogalokwono

² Toro yodubwasoduke toga Farasi pworo bino sumaveyokwe Jisasollu abwolorawoneyokweyo'mo yamju abwiyoganoporogano. Toro tooro aro kuudoganoporogano. “A'mwo pwol gami abolo tovi ru'mdowapiyo'mo tov nokwo'mo'mdukono?” Kuudoganoporogano.

Kuuguudo Sugudo akav Makolluro sakwollokakwono Mak 10:2 Referans Kwoze

Joon 8:6

Su toro kuudopo tov Jisasol abwolorawoneyokweyo'mo yamju kwiyoganoporogano. Toro tooro aro kuudo sauroporogano. Oo a'mwo akalluro yogalo anekudo'ji tovi'aro gavnokwe toollu nevu kooti yogalo nokwo duuwiyanekono. Su toro kuudo sauropo kuvi kuruv Jisasolno'gwowi gami buulo tov lugulo'na'no sumaiyokwe gami pollo tokwe kwako tovi puukwollo sakwollokaikono.

Matyuu 23:13

Aki Jisasol aro kuudokaikono. “Oo kevu a'mwo loowo tovino pi'mwo kuudokwe toorekike'aro Farasi toorekike'aro kuunanokwe su tekwojekul tabunyu nomapinorekikono. Su tov aro tovinokwono. A'mwo abolo pun muunyu kai'muuda'ai aguto kig mido mollomwalo tovi kuullo'mo yodopure toga kevu a'mwo abolo su tobuurai kudo'aiko yere wuulluku'dupudorekikono. Aki kevnokwe tekwojekul muunyu kai'muuda'ai aguto kig mido mollomwalo su tovi maulomwalodupudorekikono. Toro maulomwalodupudo kworekul kuruv a'mwo abolo noullo'mo winodopure tonyu uumjuku'dupudorekikono.

1 Koorin 10:9

Aki nemi nellukweyago tonyuro pun Aguto toollu yamju kwiyoganyajupogano. Su toro wiyoganodopure toga gabakuto bulaptokwe tooro tuko do'mdopure tovida'ai bwotonyago ton abollajupogano. Toro te aga kuga kuruv nevu su tonbusuko Krais toollu yamju nuuwiyoganmwala'jo.

Joon 11:57

Aki su toro toga pris mido mollomwalokwe toorogai'aro Farasi toorogai'aro toorono'gwowi a'mwo abolo tonyu guureji aro aduuwiyoporogano. “A'mwo pweku Jisasollu so'mgonoma'bi tov nevu a'mwo su toollu galomworarano'moneyokwe yere neya donekudono.” Aduuwiyoporogano.

Joon 11:47

Toro kuudopo tovino pris mido mollomwalokwe toorogai'aro Farasi toorogai'aro tooro kaunsel toorai aju'bworomaroporogano. Toro ju'bworomaro'mno yiuwi'nokai tooro i'bwo'nyuno sumaveyokwe aro kuudoganoporogano. “A'mwo akal duuwallo jurogudo bwotonyago ton tono tono wuuduuwallodowodekono. Toro toollu adado wiyanoldukono?

Joon 7:48

Kuudo neya jaullulo. Nevu mido mollomwalokwe toonogai'aro Farasi toorogai'aro toonolluda'ai pwolnodo kwol kuruv a'mwo su toolluno kuudo muubweyodowadonogano.

Joon 7:32

A'mwo abolo bwotonyago su ton bweyogalo bomjojunugoulodopure tovi Farasi tooro wuu'nyuno sumaveyokwe Jisasollu nogalomworallo'mo kuudo sauroporogano. Toro te Farasi toorogai'aro pris mido mollomwalokwe toorogai'aro tooro Jisasollu galomworallo'moneyokwe a'mwo mollurogudo pworai amorapiyoporogano.

Luuk 16:14

Jisasolluro yiuwi'nokai kuuguudo moruudoduke su tonyu Farasi tooro wuu'no'mno Jisasolluno burolpakuto amollovakuroporogano. Su tov aro tovinokwono. Farasi su tooro nuugwiyo bwotonyo ki'nomallo'moneyokwe guureji kwinyajuporogano.

Luuk 11:39

Toro te Aguto tool Farasi su toollu aro kuudokaikono. “Aga kevu Farasi toorekul kaiya'no yodupudorekikono. Kevu kapwo tokwe'aro dis tokwe'aro tovallu yiuno kwa'mgu tomguno to'no wonyo yal'mo'mdupudo kworekul kuruv anakuuto tomuuno'gwowi kaiya'nodo tooro kuuno kuullo'mowopiyodupudorogano. Su toro to'busuko kubalno kemoro poowokalago tovi anakuuto tomuu noonyumwonyu punyu ki'nomallo'mo kuudo toorogai'aro ma'no ma'no kiroungovlaiyo'mo kuudo toorogai'aro tooro kuullo'movaikwopiyodupudorogano.

Luuk 7:30

Toro kuvi kuruv Farasi toorogai'aro loowo tovino pi'mwo kuudokwe toorogai'aro toorono'gwowi Joonolluro ato tovida'ai wonyo muuvollunoporogano. Su tov aro tovinokwono. Gooti toolluro wiyo'mwojo'moneyokwe puuto soulosoka tovi buulo me'no kuugunyumopiyajuporogano.

Luuk 6:7

Toro kuulomwaloduke toga loowo tovino pi'mwo kuudokwe pworogai'aro Farasi pworogai'aro tooro Jisasollu kooti yogalo mojokuu'noso'mo winodupudo tooro aro kuudo souromuugonallajuporogano. Jisasol iruko Sabat akallugwoji a'mwo su toollu nyukulonoldukono oo mikulonoldukono? Kuudo souromuugonallajuporogano.

Luuk 5:30

Toro kuulonomwalodopure toga Farasi toorogai'aro loowo tovino pi'mwo kuudokwe toorogai'aro tooro wono'mno Jisasolluro uumjunyokwe toorai burolyogalo aro aduu'mwojoporogano. “Kevu a'mwo takis nuugwiyo mallokwe toorogai'aro a'mwo ma'no ma'nodokwe toorogai'aro su toorogai buro'nyo'mo doulonomwakovo?” Aduu'mwojoporogano.

Kuuguudo Sugudo akav Makolluro sakwollokakwono Mak 8:15

Toro toorai Jisasol duudapi yogalo wuujo'moneyokwe yovekurajo tov aro kuudokaikono. “Kevu Farasi tooravuro bret munyo'moneyokwe yis tokwe'aro Herootolluro bret munyo'moneyokwe yis tokwe'aro tovalluno wako neya dou'nyulo.” Kuudokaikono.

Kuuguudo Sugudo akav Makolluro sakwollokakwono Mak 8:11

Toro ki'mo'mno sumaveyokwe Farasi tooro lokabo'mno Jisaseke yogalo somoga'bworajunoporogano. Toro tooro Jisasol abwolorawoneyokweyo'mo yamju kwiyoganoporogano. Toro tooro aro kuudoganoporogano. “Nevu gumino tov, Gooti toolluro amonekwopiyaboka tooldeyo, gudano'mo tov guu muunyu kai'muuda'ai duuwallo jurogudo puruv yowa'no nekuduuwallubinekudeyo?” Youkuu'nuujo'mo tooro toro kuudoganoporogano.

Matyuu 22:35

Toro abi'bwo'nopo su tooravuro loowo tovino pi'mwo kuudokwe pwol Jisasollu youkuu'nuujo'mo aro kuudoganokaikono.

Matyuu 19:3

Toruda'ai Farasi pworo Jisasollu buuru'ma'no sumaveyokwe Jisasol abwolorawoneyokwe yamju abwiyoganoporogano. Toro tooro aro kuudoganoporogano. “A'mwo pwol kavlo nonaguto tovida'ai gami abolo tovi yasuwa'no aru'mdowapiyo'ji tov nokwo'mo'mdukono?” Kuudoganoporogano.

Matyuu 16:1

Toruda'ai aki Farasi pworogai'aro Sajuusi pworogai'aro tooro bolokwino sumaveyokwe Jisasol abwolorawoneyokwe yamju kwiyoganoporogano. Toro tooro aro soukuu'nuudoporogano. “Nevu gumino tov Gooti toolluro amonekwopiyaboka tooldeyo gudano'mo tov guu muunyu kai'muuda'ai duuwallo jurogudo puruv neya donekuduuwallono.” Soukuu'nuudoporogano.

Matyuu 15:12

Toro kuudoka tovi gamoro uumjunyokwe tooro Jisasollu aro abuudoporogano. “Guu kuudo neya jaurono. Gumoro yogalo duu'gwolodore su tovino Farasi tooro jul'nyo subwosunmwakovo.” Abuudoporogano.

Matyuu 9:34

Toro yajunodopure kuvi kuruv Farasi toorono'gwowi aro sajunoporogano. “Su tool kuullo ma'no ma'nodo tooravuro aguto kuunodo mollomwalokwe toolluro jurogudo tokwe kuullo ma'no ma'nodo toorai modovomjapiyodowodekono.” Sajunoporogano.

Kuuguudo Sugudo akav Makolluro sakwollokakwono Mak 10:1

Jisasol su toro tomuu wuugollu'mo'mno sumaiyokwe Juudiya tomuuno avlavokaikono. Toro plaino sumaiyokwe wonyo Joodanovi igo'mguuno aga'mokailokaikono. Toro ki'mo'mduke toollu a'mwo abolo kwolallo ton aki aiko te abi'bwo'nopogano. Toro abi'bwo'nopo tonyu Jisasol yiuwi'nokai toga yodowodo kubalno aval'no sodubwasokaikono.

Kuuguudo Sugudo akav Makolluro sakwollokakwono Mak 10:3

Toro kuudoganopo toorai Jisasol samuugojokaikono. “Kevu neya uumjunmwalpino'moneyokwe Moosesol buro'nyovo ajakwollokaldeyo?” Samuugojokaikono.