Jisasol toro ikulmovla'mdowo a'mwo abolo kwolallo bi'bwo'nodopure tonyu wonyuno sumaiyokwe kalo kwinokaikono. Jisasol kalo kwinoka su tov aro tovinokwono. A'mwo abolo su ton tagunyo tooro ma'dupu aki kevnokwe tobuuro ku'nono mwiyo'mwoju'nyajupogano. Aki toro ton sipsip tobuurobusuko imo'nodopure tobuurai a'mwo duuwato'moneyokwe pwol nonaguto sumo'nyajupogano. Su toro imo'nodopure tobuuraino Jisasol kalo kwinokaikono.
Kuuguudo Sugudo akav Makolluro sakwollokakwono Mak 1:41 - Gooti Toolluro Yogalokwono41 Jisasol toro toolluno kalo winoduke tool ato uubogai'no'no aro kuudokaikono. “Yowa'noganoo. Nuu kuvinono imonyugono. Aga agujukulmono.” Kuudokaikono. Gade chapit la |
Kuuguudo Sugudo akav Makolluro sakwollokakwono Mak 1:41
12 Referans Kwoze
Nemi Pris Aguto su tool nemoro yiuwi'nokai jul'nyo ibwosunodowa'jure tonyuno kuudo me'no youroma'dowodekono. Su tov aro tovinokwono. Yiuwi'nokai nemi me'nonekumokavlaiyo'mo yamju baneki'mo'mdupudo su tooro Jisasol kwollu kuruv yamju aval'no kwiyoganyajupekono. Toro wiyoganodopure kuvi kuruv Jisasolno'gwowi ma'no ma'no pasudo puru'monodo kuruv miyajukekono.
Toro tovino tov Jisasol gami gagwai'yago jo'mwo tonyu wiyo'mwojo'moneyokwe su tonbusuko aval'no neya imo'nonekono. Toro tool su tonbusuko kuvinono me'no sumo'nokaikono. Su tov aro tovinokwono. Jisasol pris aguto nonekullumo'numwalono tovinokwono. Pris aguto su tool nemino kalo manekumwonyodowodo tovida'ai Gooti toolluro womdo tovi pi'mwono yomjumovla'mwalonekono. Pris aguto su tool womdo aro tovi imwalonekono. A'mwo abolo tonyuro ma'no ma'nodo tovuro kirumwallo tovi modukwopimwalonekono.
Toro ki'mo'mdopure tonyu Jisasol boot tovida'ai bolokwino sumaiyokwe kwolallo bwotonyo su tonyu kwonokaikono. Toro ton sipsip tobuurobusuko imo'nodopure tobuurai a'mwo duuwato'moneyokwe pwol nonaguto sumo'nyajupogano. Su toro imo'nodopure tobuuraino Jisasol kalo kwinokaikono. Toro tonyu kuuguudo bwotonyago ton sodubwasokaikono.
Gooti toolluro Kwolaiyo su tool Gooti jurogudo kuunodo toolluro bako pwopiyodowodo tov nekuduuwallodowodekono. Aki toro tool gami Ganumiyago Gooti toolbusuko irol'mowosunodekono. Toro tool kwako tokwe'aro sulugumdo tokwe'aro tovalluda'ai yiuwi'nokai wo'dupudo tonyu gamoro yogalo jurogudo tokwe kuuno mollomwalodowodekono. Kwolaiyo su tool nemoro ma'no ma'nodo tovuro kirumwallo tovi me'no amollol'movonekudukwopiyokaikono. Toro mollol'movonekudukwopino sumaiyokwe toga muunyu kai'muu mwalodowodo Aguto Kuunodo toolluro anato toru sulomwalokaikono.
Piblisite