Mollurolovomato 9:2 - Gooti Toolluro Yogalokwono

² Toro kuvi kuruv guu mirolowapiyo'bi kuuno airumwallubi to'gwowi

Mollurolovomato 9:2 Referans Kwoze

Mollurolovomato 8:2

Toro agudumo tovi muu'nyubusuko yo'bi mirolowapibi tov nuu gumoro kantri tovi tabunyuwuulo tov aro gubwemekugono. Nabuulo tooro aiyowomno yo'mowopiyopi pwekwalo imo'nupinorogano.

Adodolukuu'nosungiko 16:9

Toro bekuroma'duke kuvi kuruv a'mwo abolo su ton Gooti toollomno kuudo youragunyumo'nyo'mo mwinyajupogano. Aki tabunyuwuulo su tonyu moropiyabiyo'moneyokwe jurogudo tov yiuno Gooti toollu uuwo'duke kuvi kuruv a'mwo abolo ton Gooti su toolluno yovo aguto mwiyajupekono. Aki gamino yovo tovi bwolomorumwogapiyo'moneyokwe kaiya'no yogalo dodupu kemi ma'no ma'nodo pasudo toorai kuuno kuumjungovlaiyajupogano.

Room 2:8

Toro kuvi kuruv a'mwo abolo puno'gwowi kevnokwenyuro kuudo tovino to'no uumjungovla'mdupudogano. Toro ton Gooti toolluro nebaikuuguudo tovi kisuvolo wiyodupu yiuwi'nokai toga ma'no ma'no yomjomwekovla'mdupudogano. Su toro ton Gooti toolluro surodo wuunodowodo tov maropi ma'no ma'nodo tovuro kirumwallo'mo mubiyo tov nomapinogano.

Mollurolovomato 10:4

Guu moro a'mwo abolo su tonyu wonyapino mibi to'gwowi bi'ai toga tomabore'bore pwekwalo toorai gumoro kantri Ijup toru nomekwopiyamonyugono.

Mollurolovomato 4:23

Toro te moro kwolaiyo sujuraiyo pwolbusuko anyumo'nadokwopo su ton mino ilomonuwopiyo'moneyokwe neya jurolowapiyono. Toro me'no agudumo kweku kuruv guu manuu'nyubusuko yodum moro kwolaiyo sujuraiyo toolbusuko nyumo'nodupudo su tonyu kaiyako igollo'mo tooku mirolowapimodekugono. Toro tovino tov nuu kwonyu kuruv gumoro kwolaiyo sujuraiyo toollu kaiyako igolo'mi noromiyosumekono.” Gooti Yawel toro agudadopiyo.” Duudono.” Kuudokaikono.

Mollurolovomato 9:3

nuu Gooti Yawel toonyu nomovagugu'mwojumekugono. Toro te aro gubwemonyugono. Gumoro yiuwi'nokai ibesa'aiyo ki'duvolodupudo toorai nobolluwuulo bwotonyo puruv uubwemonyugono. Kemoro yiuwi'nokai hoos toorogai'aro doonki toorogai'aro kemel toorogai'aro buulmokau toorogai'aro sipsip meme toorogai'aro tooro nobolluwuulo tov nomapinorogano.

Mollurolovomato 5:1

Toruda'ai Mooseseke Erooneke todoral Ijupda'ai a'mwo aguto Feroo toollomno kuulno sumaleyokwe aro kuudolorakono. “Isuraiyolda'ai tonolluro Gooti Yawel aro agudadopiyo. “Moro a'mwo abolo ton mi ilomonuwopiyo'moneyokwe lubullu doto yanyo'mo tov kwako a'mwomaiyo kuu'maiyo tomuuno pla'mdopure tonyu guu wonyapino neya jono.” Agudadopiyo.”

Mollurolovomato 9:13

Toruda'ai Gooti Yawel Moosesollu kuudokaikono. “Lomwo iru'mago toga Feroo toollu wuuru'maro'bi aro duudono. “Nevu Hibruu tonolluro Gooti Yawel aro agudadopiyo. “Moro a'mwo abolo ton mi ilomonuwopiyo'mo pla'mdopure tonyu guu wonyapino neya jono.