Mollurolovomato 6:7 - Gooti Toolluro Yogalokwono

⁷ Toro abomollurolovekumokalokuumi togaikullu nuu maikullumwojumwalmonyugono. Aki nuvnokwe toonyu kemi Gooti kuunodo ikullumo'numwalmonyugono. Toro togaikul mino tov aro kuudo youronumapinogaikikono. Oo nemi Gooti Yawel Ijupda'ai tooro jul'nyo nekubweyodopure tovi dolago tomuuda'ai abomollurolovonekumokalokwokaldeyo. Kuudo yanuu'mwalpinogaikikono.

Mollurolovomato 6:7 Referans Kwoze

Adodolukuu'nosungiko 21:7

Toro te yiuwi'nokai a'mwo abolo Satanyolluro molo tovi kuuwolopi tonyu moro yiuwi'nokai kwimi ton kuvinono nomapinogano. Aki nuvnokwe toonyu kemi Gooti wimo'numwalmonyugono. Aki toro ton moro kwoloraiyo kuunodo nyumo'numwalpinogano.

Adodolukuu'nosungiko 21:3

Aki nuu Gooti toolluro sia kig toruda'ai yogaimaguurai guureji doduke puvi kuu'nonyugono. Yogaimaguurai su tov aro adokakwono. “Kevu duu'nyulo. Aga'no'gwowi Gooti toolluro ago to'busuko mujomwekovlaiyo'moneyokwe tool gamoro a'mwo abolo tonyuro akuuto toru me'no abwolai'mo'mokaikono. Toro tool a'mwo abolo su togai mujomwekovla'mwalonekono. Aki a'mwo abolo su ton gamoro kuunodo wimo'numwalpinogano. Aki Gooti gavnokwe tool kemi Gooti kuunodo wimo'numwalonekono.

1 Pita 2:10

Aki sumdomgu kevu Gooti toolluro a'mwo abolo mwimo'nyajupo kugaikul kuruv aga'no'gwowi gamoro a'mwo abolo kuunodo me'no wimo'nodupudogaikikono. Aki kevu sumdomgu Gooti toolluro kemino kalo mamwonyo'moneyokwe tov mamallajupogaikikono. Toro kugaikul kuruv aga'no'gwowi kuvinono me'no ma'dupudogaikikono.

Hibruu 11:16

Toro kuvi kuruv kwako akavi uuwolo'mdowodo Gooti toolluro ago muunyu kai'muu wo'dowodo towai'no'gwowi mwallo'mo kwinyajupogano. Toro kwinyajupo tovino tov a'mwo abolo su ton Gooti toollu, “Oo guu nemi Gooti nonekullumo'nodumdekugono,” kuujajupogano. Toro wuudodopure tonyuno Gooti tool wogulo mibwosunyajukekono. Gooti tool a'mwo abolo gamino kuudo uubweyodopure su tonyo'mo wagwolago puruv me'no sovroubweyokaikono.

Room 8:31

Gooti tool sugudo tono tono yanekullugolodowodekono. Toro tovino tov kuudo puruv aro neya yaurogawano. Ikomago pwol nemi kaiyako yanekullugollo'mo so'ji kuvi kuruv Gooti tool nemi mollonekuda'mdowodo tovino tov nevu ikomago nonagutokwe tonolbusuko imo'nanonogano.

Matyuu 22:32

Yogalo su tov arokwono. Nuvu Eburaiyameke Aisakeke Jekoopeke toorai Gooti toonyugono. Gooti su tool a'mwo me'no abollungopo toorai Gootolmaiyo. Toro kuvi kuruv aiyo mwalodupudo tonyuno'gwowi Gootekono. Su toro sakwollungiko tovi mwonodupudorekuldeyo?” Jisasol Sajuusi toorai toro kuudokaikono.

Mollurolovomato 16:12

“Nuvu Isuraiyolda'ai a'mwo abolo tonyuro mebweyogalo dodopure tovi me'no kuu'numwakonyugono. Toro te guu a'mwo abolo tonyu aro duudono. Sulato toga kevu muugupto pun nupinogaikikono. Aki lomwo toga yiuwi'nokai togaikul nyuto'nupino'moneyokwe bret ton nupinogaikikono. Toro nopi toga nuu Gooti Yawel toonyuno kuudo yanuupinogaikikono. Oo kwoldeyo. Kuudo yanuupinogaikikono.” Gooti Yawel Moosesollu toro kuudokaikono.

Mollurolovomato 6:6

Toro tovino tov guu Isuraiyolda'ai a'mwo abolo tonyu aro neya duudono. “Nuu Gooti Yawel toonyugono. Toro toonyu Ijupda'ai tooro kemi womdo bwotonyo aikubweyadokwopo toorai kirumwallo'mo tov moro jurogudo kuunodo togai nomovagu'mwojumorogano. Yo'mi kemi kworavuro dolago tomuuda'ai bomollurolovekumokalokuumonyugono.

Mollurolovomato 2:11

Lukomgu Moosesol mwalno mwalno sumaiyokwe a'mwono sumo'nokaikono. Toro tool iruko pullugwoji gavuge avalo tooraiyomno avlavokaikono. Plaino sumaiyokwe gavuge avalo tobuuro Ijupda'ai Feroo toolluro womdo bwotonyo tonyu yodopure tobuurai kwonokaikono. Toro wonoduke toga Ijupda'ai a'mwo pwol Moosesolluro avalo Hibruuda'ai a'mwo pwollu iwago romiyoduke kwonokaikono.

Mollurolovomato 16:6

Toro wuujuno sumaiyokwe Mooseseke Erooneke todoral yiuwi'nokai Isuraiyolda'ai a'mwo abolo tonyu aro kuudolorakono. “Sulato akallugwoji kevu aro kuudo yaupinogaikikono. Nemi Ijupda'ai amollurolovonekumokabadopiko tool Gooti Yawel kwoldeyo. Kuudo yaupinogaikikono.

Muuduko 26:3

Toro te aga guu kwako akaru bomwallo imo'no'bi mwalodo'bure toga nuu guuge mwalowosi sugudo pun nogubwemonyugono. Toro te yiuwi'nokai kwako akav guuge'aro gumoro jukweyago sawosunbi toorogai'aro toorekullu nekullamonyugono. Aiyoga gumi junumiyago Eburaiyamollu subuu'yamju me'no aduuwiyajo tov kuvinono uumjunmonyugono.

Muuduko 28:13

Toro wonyuno sumaiyokwe aki Gooti Yawel wobo toru da'mduke toollu kwonokaikono. Toro wonyuno sumaiyokwe Gooti Yawel Jekoopollu aro kuudokaikono. “Nuu gumi jukweyago Eburaiyameke gumi junumiyago Aisakeke toorallu Gooti toonyugono. Toro toonyu guu sa kwokudo kwako su tov guuge'aro gumi jukweyago kwolaiyo sumo'nupi toorogai'aro toorekullu nekullamonyugono.

Mollurolovomato 7:17

Toro tovino tov aga Gooti Yawel aro agudadopiyo. “Guu moro sumi tovi wono'bi aro kuudo yanuu'binekugono, Oo Gooti Yawel kwoldeyo, yanuu'binekugono.” Agudadopiyo. Toro te guu domuugonanuwo'dono. Nuu yodeko amworako akakwe wonyo Nailovi aromimi toga wonyo tov mujako imo'nonokwono.

Mollurolovomato 13:3

To'no'gwowi Moosesol Isuraiyolda'ai a'mwo abolo tonyu aro kuudokaikono. “Kevu Ijup toru ki'nato womdo yodopure togaikullu Gooti Yawel gavnokweyolluro jurogudo tokwe abomollurolovekumokalokuumokaikono. Toro abomollurolovekumokalokuumoka tollugwojuno aki aiko te kuudo you'movlaiyo'moneyokwe kevu lubullu doto sanpi toga bret yisokwe ton manugovla'mwalpinogaikikono. Toro kugaikul kuruv yiuno bret yisomaiyokwe tonyuno'gwowi nokwo mujonugovla'mwalpinogaikikono.

Mollurolovomato 13:14

Su toro yodopure tovino kemoro kwolaiyo tooro aro ikudoganpinogano. “Kemoro sadokwopo su tov buro'nyo kavlo tovino'mdeyo?” Toro aikudoganpi tov aro wuudupinorekikono. “Nevu kwako Ijup toru ki'nato womdo yodowore toga Gooti Yawel gamoro jurogudo tokwe Ijupda'ai abomollurolovonekumokalokwoka tovinokwono.

Mollurolovomato 14:4

Toro te moro yodo'mure tovida'ai Feroo tool gamoro poowokalago tov lumdo kuulopiyowo'ji kemi movomjaiki'nonekono. Toro amovomjaiki'no'ji tooke'aro gamoro yiuwi'nokai molo'mo a'mwo toorogai'aro toorai uuwolovo'mi yovo agutokwe ma'monyugono. Aki toro toonyuno Ijupda'ai tooro kuudo yanuupinorogano. Oo Gooti Yawel kwoldeyo. Yanuupinorogano.” Duudono.” Kuudokaikono. Toro kuudoka tovi Isuraiyolda'ai ton kuvinono kuumjunopogano.

Mollurolovomato 14:18

Aki yiuwi'nokai Feroo tooke'aro su toorai kuuwolo'mi toga yiuwi'nokai Ijupda'ai a'mwo abolo su ton mino aro kuudo yanuupinorogano. Oo Gooti Yawel kwoldeyo. Kuudo yanuupinorogano.” Kuudokaikono.

Mollurolovomato 15:2

Gooti Yawel mi jurogudo nyabodowo gavnokweyol nyo'mwojodowodekonoo. Toro tool mi Gooti nyumo'nodowodo toolluno tov dato tokwe ilomodomoropiyamekono. Aki mi nyunumiyago toolluro Gooti toolluno tov ilomoropiyamekono.

Mollurolovomato 15:16

Yiuwi'nokai su tooro gumoro jurogudo tovi me'no wuu'nodupu luko bu'buto bwotonyo amujumoulmwolavo. Toro tooro luko yodupu nemi manekumjukupinorogano. Aki toro tonol pla'mdowa'jure toga nemi noonyumwonyu puruv miyanekullugolpinorogano. Luko bwotonyo yopi nokwo avlapureyokwe nekwonyapino ipinorogano. Oo Gooti Yaweloo, gumoro amollurolovonekumokobadokuudo tonollu aki aiko te ku'nono mameronekumwallupinonogano.