Mollurolovomato 4:21 - Gooti Toolluro Yogalokwono

²¹ Toro pla'mdopure toga Gooti Yawel Moosesollu aro kuudokaikono. “Guu Ijup toru ai'mo'bi toga moro yiuwi'nokai duuwallo tonyu Feroo toolluro sumdo tovi kuvinono neya wuuduuwallubinekugono. Toro kuuduuwallubi kwol kuruv moro yodo'mure tovida'ai Feroo tool gamoro poowokalago tov lumdo kuulopiyowo'ji a'mwo abolo tonyu mirolowapiyonekono.

Mollurolovomato 4:21 Referans Kwoze

Room 9:18

Toro te Gooti tool a'mwo abolo tonyu kalo mamwonyo'moneyokwe jesodowodo su tonyu kuvinono winodowodekono. Aki a'mwo abolo pun kemoro poowokalago ton lumdo kuulopipino'moneyokwe jesodowodo su to kun kuruv kuvinono lumdo kuulopiyodupudogano.

Joon 12:40

“A'mwo abolo ton sumdo noonpiyokwe Gooti tool kemoro sumdo tonyu galomjurowosodowodekono. Aki a'mwo abolo ton kemoro poowokalago togai kuudo nyouragunyumo'nupiyokwe Gooti tool kemoro poowokalago su tonyu kudo'aiko kuujugurokaikono. Su tov aro tovinokwono. A'mwo abolo su ton miyomno yadu'mwonyo'mo mwinodupudo tovino tov nuu a'mwo abolo su tonyu ku'nono mikulmonyugono. Su toro tovinokwono.”

Mollurolovomato 14:8

Gooti Yawelluro yoduke tovida'ai Ijupda'ai a'mwo aguto kig Feroo tool gamoro poowokalago tov lumdo aulopiyoka tovino tov Isuraiyolda'ai tonyu toro avomjai'noporogano. Toro movomjai'nodopure kuvi kuruv Isuraiyolda'ai ton mwono'mno aro amjodumovlaiyajupogano. “Oo nevu Ijupda'ai toorai me'no kuuwolo'mawonogano.” Toro dodupu ilaiyo bwotonyo amjumovlaiyajupogano.

Mollurolovomato 9:35

Toro te Feroo tool poowokalago lumdo aulopingikokwe toolluno tov Isuraiyolda'ai tonyu mirolowapiyokaikono. Aki Gooti Yawel Feroo toolluro yono tovino Moosesollu sumdomgu me'no kuudokaikono. Toro kuudoka tomgu'aro Feroo tool kuvinono sokaikono.

Mollurolovomato 9:12

Toro kuvi kuruv Gooti Yawelluro yoduke tovida'ai Feroo tool gamoro poowokalago tov lumdo kuulopiyo'no Mooseseke todoralluro kuudolo tovi muu'nyubusuko to'no sokaikono. Gooti Yawelluro Moosesollu me'no kuudoka su tovi Feroo tool kuvinono sokaikono.

Mollurolovomato 7:13

Toro adovanoka tovi Feroo tool kwonoka kwol kuruv gamoro poowokalago tov lumdo aulopiyokaikono. Aki toro tool Mooseseke Erooneke todorallu kaduko mwiyokaikono. Gooti Yawelluro me'no adoka su tov kuvinono sokaikono.

Mollurolovomato 3:20

Toro kwol kuruv nuu Ijupda'ai tonyu kirumwallo'mo tov moro jurogudo tokwe yiuwi'nokai duuwallo judo'no judo'nodo ton me'no kuubwemi toga'no'gwowi nokwo ikwonyapino yonekono.

Mollurolovomato 10:20

Toro sumo'noka kuvi kuruv Gooti Yawelluro yoduke tovida'ai Feroo tool gamoro poowokalago tov lumdo kuulopiyo'no Isuraiyolda'ai a'mwo abolo tonyu mirolowapiyokaikono.

Mollurolovomato 7:3

Toro amoruudo'ji kuvi kuruv Feroo toollu gamoro poowokalago tov lumdo aulopiyoneyokwe uubwemekono. Toro kuubwemi tov aro tovinokwono. Moro duuwallo jurogudo bwotonyago ton kwako Ijup toru wuuduuwallumogano. Toro wuuduuwallodo'mure tonyu wonopi kuudo kwolallo yourukwapipinogano.

Mollurolovomato 14:4

Toro te moro yodo'mure tovida'ai Feroo tool gamoro poowokalago tov lumdo kuulopiyowo'ji kemi movomjaiki'nonekono. Toro amovomjaiki'no'ji tooke'aro gamoro yiuwi'nokai molo'mo a'mwo toorogai'aro toorai uuwolovo'mi yovo agutokwe ma'monyugono. Aki toro toonyuno Ijupda'ai tooro kuudo yanuupinorogano. Oo Gooti Yawel kwoldeyo. Yanuupinorogano.” Duudono.” Kuudokaikono. Toro kuudoka tovi Isuraiyolda'ai ton kuvinono kuumjunopogano.

1 Pita 2:8

Aki Gooti toolluro yogalo puruv aro sakwollungikokwono. “Nuu moro a'mwo pwollu nomoropiyamekono. Toro amoropiyami su tool sulo pwolbusuko da'mdowo'jure toollu a'mwo abolo kuudo muubwepi ton kwollu sulo pwollubusuko bomunyukuuromaropi wolapinogano.” Sakwollungikokwono. Toro te a'mwo abolo su ton Gooti toolluro yogalo tovi kisuvolo wiyodupudo tovino tov kuvinono bomunyokuuromapinogano. Gooti tool a'mwo abolo su tonyuro nobomunyukuuromapino tovino sumdomgu me'no ajesoka tovi kuvinono bomunyokuuromapinogano.

2 Koorin 2:16

Toro te a'mwo abolo du'muudo tomuuno avla'mwakopo ton wobeya sudo su tovi wuunodupudo kun kuruv bolnodo tovida'ai buullujudo to'busuko to'no wimo'nodowodokwono. Su toro ton bolnodo tomuuno novlapinogano. Toro kuvi kuruv a'mwo abolo du'muudo tovida'ai abirolo'nugolokuumwakopo tonyuno'gwowi wobeya sudo su tov aiyokwe wuunodowo sudo ilaiyo to'no wimo'nodowodokwono. Su ton Gooti tooke aiyo yiunokuudo mujomwekovlaiyo'moneyokwe tovi kuvinono nomapinogano. Kuudo neya jaullulo. Kwako akavida'ai a'mwo pwol Krais toolluro wobeya sudo to'busuko wimo'nugovlaiyo'mo tov gavnokwe tool jurogudo nonagutekono.

Room 1:28

Toro te a'mwo abolo su ton Gooti toollu kisuvolo wiyodupu kemi kuudo kaiya'nodo tonyu kuumjungovlaiyajupogano. Toro uumjungovla'mdopure tonyu Gooti tool nokwo wonyapino sajukekono. Aki toro tonyuro kirovanyuvanyu go'no go'no amjumovlaiyajupo su ton yiuno kaiya'no kuumwiyo kuunodogano. Toro kunyu kuruv a'mwo abolo su ton kuvinono mujumovla'mdopure toga Gooti tool muumjuku'dowo nokwo wonyapino sajukekono.

Muuduko 6:3

Toro mujumovla'mdopure toga Gooti Yawel sumdo wono'no adokaikono. “Moro Kuullo tool a'mwo toorogai yiunokuudo mamjomwekovla'mwalonekono. A'mwo su tooro kwako akavida'airogano. Toro tooravuro poowokalago ton lumdo kuulopiyodupudo tovino tov kemoro aiyo mujomwekovlaiyo'mo tov yiuno 120 kworomo to'no uubwemorogano.” Gooti Yawel toro adokaikono.

Mollurolovomato 8:32

Toro sumo'noka kuvi kuruv Feroo tool gamoro poowokalago tov lumdo aki aiko te kuulopiyo'no Isuraiyolda'ai a'mwo abolo tonyu mirolowapiyokaikono.

Mollurolovomato 10:1

Toruda'ai Gooti Yawel Moosesollu kuudokaikono. “Guu Feroo toollomno plavo'bi duuru'marono. Nuu Feroo tooke'aro gamoro a'mwo womdo tovi mollomwalokwe toorogai'aro toorai moro duuwallo jurogudo ton wuuduuwallumo'monyugono. Toro wuuduuwallo'mi kemoro poowokalago tonyu lumdo kuulopiyo'moneyokwe nuvnokwe toonyu nuubwemonyugono.

Mollurolovomato 10:27

Toro kuudoka kuvi kuruv Gooti Yawelluro yoduke tovida'ai Feroo toolluro poowokalago tov lumdo aulopiyokaikono. Aki toro tool Isuraiyolda'ai tonyu irolowapiyo'mo mwinokaikono.

Mollurolovomato 11:9

Sumdomgu toga Gooti Yawel Moosesollu aro me'no kuudokaikono. “Feroo tool gumi maguu'nyubusuko yonekono. Toro yodowo'jure tovida'ai moro duuwallo jurogudo bwotonyago ton kwako Ijup toru nokwo wuuduuwallumonyugono.” Kuudokaikono.

Mollurolovomato 11:10

Mooseseke Erooneke todoral Feroo tool nomuugona'duke toga yiuwi'nokai duuwallo jurogudo ton me'no kuuduuwallajulorakono. Toro wuuduuwallodole kuvi kuruv Gooti Yawelluro yoduke tovida'ai Feroo tool gamoro poowokalago tov lumdo kuulopiyodowo Isuraiyolda'ai ton gamoro kantri tovida'ai wuugollu'meyo'mo mirolowapiyajukekono.

Mollurolovomato 3:19

Toro kuudupi kuvi kuruv Ijupda'ai a'mwo aguto kig Feroo tool ku'nono maikwonyapiyonekono. Aki toro tool moro jurogudo tovida'ai danyu'nyu pun mibwosunowo'ji tool maikwonyapiyonekono.

Mollurolovomato 8:11

Toro kuudumi tovida'ai nabuulo tooro nekugollu'mopinorogano. Guuge'aro gumoro a'mwo womdo tovi mollomwalokwe toorogai'aro gumoro a'mwo abolo togai'aro aki kemoro ago kugai'aro togaikulluda'ai ikugollu'movopi yiuno wonyo Nailovino mwalpinorogano.” Kuudokaikono.

Mollurolovomato 8:15

Toro te Feroo tool nabuulo tooro abolopiyopo toorai kwonokaikono. Toro wonyuno sumaiyokwe adokaikono. “Oo me'no dobolopigovo.” Toro juno sumaiyokwe gamoro poowokalago tov aki aiko te lumdo aulopiyokaikono. Toro kuulopino sumaiyokwe Mooseseke Erooneke todoralluro kuudolo tovi kaduko mwiyokaikono. Gooti Yawelluro me'no adoka su tovi Feroo tool kuvinono sokaikono.

Mollurolovomato 14:17

Aki su toro toga moro yodo'mure su tovi'aro Ijupda'ai tooravuro poowokalago ton lumdo kuulopiyopi kemi movomjaiki'nupinorogano. Toro yodopure kworai kuruv nuu Feroo tooke'aro gamoro a'mwo mollurogudo toorogai'aro gamoro karis toorogai'aro a'mwo karis gunyukullokwe toorogai'aro toorai nuuwolo'monyugono. Toro kuuwolo'mi toonyu yovo aguto ma'monyugono.