Mollurolovomato 19:22 - Gooti Toolluro Yogalokwono

²² Aki pris pworo nuu Gooti Yawel toonyu wobo toru kuulabiyo'mo kwinpi kworo kuruv kemoro poowokalago ton po'dogalo neya yovraimwonyupinorogano. Me'no sovraimwonyupi to'gwowi nokwo kuulabupinorogano. Toro kworo kuruv po'dogalo miyovraimwonyopi aulabupi tooraino'gwowi nuu Gooti Yawel toonyu nomovagu'mwojumorogano.” Kuudokaikono.

Mollurolovomato 19:22 Referans Kwoze

Kuurotokwe 5:10

Pital toro wuujuno sumaiyokwe kuga'gwo kuuno abolo tov Pital da'mduke wobo toru woloo'no sumaiyokwe yiuno'no abolokakwono. Toro aboloka tovi a'mwo muugunyo tooro aki aiko te kuula'mno abomokalokwopokwono. Toro tovi bomokalokwino sumaveyokwe gami kwolo toollu amolsosopo wobo toru amolsosopokwono.

Kuurotokwe 5:5

Toro kuudoka tovi Ananaiyasol wuu'no'no kwako tovi woloo'no sumaiyokwe yiuno'no abolokaikono. Toro aboloka toolluno a'mwo muugunyo pworo ago tovi kuulno sumaveyokwe aulomoweyomguromaropekono. Toro kuulomoweyomguromaro'mno bomokalokwino sumaveyokwe buuso tovi amolsosopekono. Ananaiyasollu toro kwimo'noka tovino a'mwo abolo pun wuu'no'mno luko bwotonyo sopogano.

Mollurolovomato 19:5

Toro tovino tov aga kevu moro yogalo ikudodo'mure togai'aro moro subuu'yamju togai'aro tonyu kaduko yopi mi anumjunpi tov moro a'mwo abolo kuunodo imo'nupinogaikikono. Yiuwi'nokai a'mwo abolo kwako akavi mwalodupudo ton morogano. Toro kuvi kuruv kevu mi anumjunpi togaikulluno'gwowi moro kuu'dello nyumo'nupinogaikikono.

Mollurolovomato 19:24

Moosesol toro kuudoka tovi Gooti Yawel aro kuudokaikono. “Guu wola'bi gumi judai'yago Eroonollu doolodomorawono. Toro kuvi kuruv pris toorogai'aro a'mwo abolo togai'aro tono'gwowi miyomno ilabiyo'mo babo tovi muuwolokaulabupinogano. Toro tovino tov nuu a'mwo abolo su tonyu nomovagu'mwojumiyokwe guu neya doduumjukurono.” Kuudokaikono.