Mollurolovomato 18:4 - Gooti Toolluro Yogalokwono

⁴ Aki gami lukomguda'ai kwolaiyo toolluno yovo tov Eliyeserolekono. Yovo su tov aro tovinokwono. “Ijup toru Feroo tool nonyuromiyo'jokweyo'mo mi nyunumiyago toolluro Gooti tool anyo'mwojokaikono.” Toro tovino kuudo yauro'no yovo tov Eliyeserolo sowarokaikono.

Mollurolovomato 18:4 Referans Kwoze

Hibruu 13:6

Gooti toolluro yogalo danekullumwojodowodo su tovino tov nevu pwolno puru'monodo tonol aro neya adogawano. “Oo Gooti Aguto tool mi nonyo'mwojokwekono. Toro te kwako akavida'ai a'mwo abolo pun mi kaiyako ku'nono miyanyugolpinonyugono. Toro te nuu luko mimwalmonyugono.” Nevu su toro to'no neya adogawano.

2 Timooti 4:17

Toro kuvi kuruv Aguto toolno'gwowi numi sobanyo mollonyudavo'no jurogudo adanyumwojokaikono. Toro tovino tov nuu Gooti toolluro kuuguudo sugudo tokwe moruujuno sumoneyokwe yiuwi'nokai Juu tooravuro miyawosunodupudo ton me'no kuu'nopiyopokwono. Aki su toro toga a'mwo pworo me'no aromiyanubweyopujuko kuvi kuruv Aguto tool mi abomollurolovonumokalokwokaikono. Su tov aro to'busukokwono. Nuu laiyon pwolluro mago tovi me'no mwalodore toonyu Aguto tool agalouro'mwojonumarokanyugono.

Kuurotokwe 12:11

Su toro kuugollu'movoka toga'no'gwowi Pitalluro kuudo tov kuu'maiyo toru'no abuuwi'movokaikono. Toro tool aro kuudo saurokaikono. Oo nebalo'mdeyo. Aguto toolluro ensel amonuwopiyamoka tool Herootolluro jurogudo tovida'ai abomollurolovonumokalokuumokaldeyo. Aki Juu tooro kaiyako me'no sanyugolopujuko kwonyu kuruv ku'nono miyanyugolmaponyudeyo. Kuudo saurokaikono.

Mollurolovomato 2:15

Toruda'ai Feroo tool Moosesolluro soka tovino wuu'nyuno sumaiyokwe Moosesollu romiyoso'mo kwinokaikono. Toro te Moosesol Feroo toollu wuugollu'mo'mno sumaiyokwe lukado avlavokaikono. Lukado plaino sumaiyokwe kwako Midiyan tomuu ki'movo'no wonyo buugo allusovomwollosungiko pwollu wobo toru amwalokaikono.

Kuurotokwe 7:29

Toro kuudoka tovi Moosesol wuu'nyuno sumaiyokwe luko yo'no lukado avlavokaikono. Toro tool lukado plaino sumaiyokwe kwako Midiyan tomuu ai'movokaikono. Toro ki'mo'mno sumaiyokwe su tomuu bomwallo sumo'nyajukekono. Toro mwalno sumaiyokwe kwolaiyo pworallu sawosunokaikono.

Hibruu 11:34

Aki du'wiyo tov kevnokwe toorai nomoruumgu'no'jokwe aibuulowosajuporogano. Aki ikomago tooro molo'mo kwallu'mopto togai kijutowoso'mo yodopure toga lukado abirolo'nugolokwiyajuporogano. Aki a'mwo su tooro wollainyo imo'nodopure kworai kuruv Gooti tool jurogudo kwimwojajukorogano. Toro tooro iro'molo wiyo'moneyokwe amuuloka jurogudo sumo'nyajuporogano. Toro te kwako pumuuda'ai a'mwo mollurogudo pworai molo wiyodopure toga yiuwi'nokai pumuuda'ai su tooro lukado avlaiyajuporogano.

Mollurolovomato 2:22

Toro uumasuno sumaiyokwe abolo su tov kwolaiyo sumwoluko imo'no'no kwolaiyo pwol somarokakwono. Toro somaroka toollu Moosesol wono'no aro adokaikono. “Nuu pumuuda'ai toonyu kwako akaru bomwalodum kwolaiyo akallu sawosunmo toolluno tov Gesoomolo sowa'mono.” Adokaikono.

Mollurolovomato 4:20

Toro kuudoka tovi Moosesol gami abolo tokwe'aro gami kwolaiyo toorake'aro tonotai gami doonki pwollu muunyu toru ilomorumwalluno sumaiyokwe Gooti toolluro yodeko kuudoka tokwe momworaro'no Ijup'no aikomgu avlavoponumdotogano.

Mollurolovomato 10:28

Feroo tool toro kuudo yau'no sumaiyokwe Moosesollu kuudokaikono. “Guu domelptovomokwanono. Nuu gumi sumdo aki aiko te gwonyo'mo manyunadopiyo. Nuu gumi aki aiko te agwonmi tov kuga yiuno'no romiyagubwemekugono.” Kuudokaikono.