A'mwo abolo su tonyuro pun a'mwo pworavuro molo'mo kwallu'mopto togai do'mdopure tovida'ai wolorapinogano. Aki yiuwi'nokai kantri pumuuda'ai tooro molo buuwolovopi kemi kantri go'no go'nodo tomuuno pipolomokavlapinorogano. Su toro avipolomokavlapi toga a'mwo abolo Juu miyawosunodupudo ton wagwolago Jeruusalem tovi suvlo nyulomaveku'mwalpinogano. Juu miyawosunodupudo tonyuro iruko aiyowo'mo tollugwo yere mimo'nodowo'jure toga tono tono nuuwimo'numwalpinogano.”
Mollurolovomato 17:13 - Gooti Toolluro Yogalokwono13 Toro te Joosuuwaike tooro Amalekda'ai toorogai molo ino'mno su toro tomgu'aro kuuwolovoporogano. Gade chapit la |
Mollurolovomato 17:13
9 Referans Kwoze
Toro te Moosesol gamoro ato toval muunyu toru bomokailodawo yoguduko wuudo'mduke tovino tov Erooneke Huureke tooral sulo pwol mogunyugolowosolno Moosesol sulo su toollu sulomwalokaikono. Toro mwaloduke toga Erooneke Huureke tooral Moosesollu imgu amgu daino sumaleyokwe gamoro ato toval muunyu toru'aro amollodavolorakono. Toro molloda'mno molloda'mno sumaleyokwe yiuno kuujo tool kwolomwoloka toga'no kuumwogapiyolorakono.
Me'no uuwolo'mno sumaveyokwe toga Gooti Yawel Moosesollu subuu'yamju aro kwiyokaikono. “Nuu yiuwi'nokai Amalekda'ai toorai yiunokuudo noromiyebuuropimonyugono. Toro aromiyebuuropimi tooraino lukomgu yiuwi'nokai a'mwo abolo kwako akavi mwalodupudo ton kuudo miyou'movlapinogano.” Aduuwiyokaikono. Gooti Yawel toro duuwino sumaiyokwe aki aro kuudokaikono. “Moro subuu'yamju toro adaikullumo akavino kevu kuudo nyallulo'gwonpiyokweyo'mo buukiyo tovi puukwollo neya jakwollono. Toro sakwollubi su tovi Joosuuwallu jodubwasono.” Gooti Yawel Moosesollu toro kuudokaikono.
Piblisite