Aki nemi nellukweyago pun Gooti toollu burolyogalo domuugona'dopure tonyu Gooti su tool noromiyebuuropiyo'moneyokwe ensel pwollu amoropiyabokaikono. Toro te ensel su tool yiuwi'nokai burolyogalo kuujajupo tonyu aromiyebuuropiyokaikono. Aki aga kuga kuruv aiyogasuro burolyogalo kuujajupo tonbusuko kubalno nevu Gooti toollu aval'no nuudumwala'jo.
Mollurolovomato 16:2 - Gooti Toolluro Yogalokwono2 Toro ki'mo'mno sumaveyokwe yiuwi'nokai Isuraiyolda'ai a'mwo abolo ton kwako a'mwomaiyo kuu'maiyo su toru mwalo'mno Mooseseke Erooneke todorallu mebweyogalo kuudopogano. Gade chapit la |
Mollurolovomato 16:2
10 Referans Kwoze
Toro wuujuno sumaveyokwe Moosesollu yogalo aro kuudopogano. “Guu burowo'nyo tabunyu tov nekubweyo'mo tooku Ijupda'ai anekumokabadokuudekudeyo? Aki Ijup toru nemi mollusonekubweyo'moneyokwe kwako tovino nonagutomuudukono? Guu su toro kuudo yaurono nemino tov abolpureyokweyo'mo kwako a'mwomaiyo kuu'maiyo akawai'no anekumokabadokuudekudeyo?
Toro billuru'ma'no sumaveyokwe aro kuudoporogano. “Kemoro tovasuda'ai Ijupda'ai Feroo tooke'aro gamoro womdokwe toorogai'aro tooro nemino surodo'mo yodupu romiyanekubweyo'mo sadokwovo. Toro tovino tov Gooti Yawel nemoro jul'nyo ama'mwakuuwo akavi nekwonowo'ji kev todorakullu kooti yogalo daikullowo'ji jul'nyo pun nekubweyonorakikono.” Kuudoporogano.
Moosesol toro kuudoka kuvi kuruv a'mwo abolo ton wonyo'mo kuuleyaluko yodupu mebweyogalo aro adomuugonallajupogano. “Guu burowo'nyo tabunyu tov nekubweyo'mo tooku nevuge'aro nemi kwoloraiyo togai'aro nemi ki'duvolodowado toorogai'aro tonollu Ijupda'ai anekumokabadokuudekudeyo? Guu nemi romiyanekubweyo'moneyokwe aro kuudo jukiyanekuu'mwakuno. A'mwo abolo su ton wonyo'mo kuuleyaluko yopi neya abolpuro. Kuudo jukiyanekuu'mwakuno?” Adomuugonallajupogano.
Piblisite