Mollurolovomato 15:7 - Gooti Toolluro Yogalokwono

⁷ Aki gumoro jurogudo kuunodo tokwe gumi ikomago toorai kuuwolo'madekugono. Oo guu tookujuro surodo guunodowodo tov du'wiyo nodowodo to'busukokwono. Toro tokwe gumi ikomago toorai amonopimokarogano.

Mollurolovomato 15:7 Referans Kwoze

Kuurotokwe 9:4

Toro awopiyoka toga Soolol kwako tovi bwoloo'no sumaiyokwe yogaimaguurai puruv aro tovi kuu'nokaikono. “Soololoo, Soololoo, guu mi kaiyako sanyugolmwakudo tov buro'nyo'mekudeyo?”

Matyuu 3:12

Aguto su tool abwo'ji toga sapoollo pilatokwe tov mworarowo'ji wit dapto toorai mobwokurodukwopiyonekono. Yowo'ji wit sugudo ton mollu'bworosowo'ji gami wosamuju'ago tovi kuulomorosonekono. Yowo'ji daptorodeyo ado'ji to'gwowi duko yiunokuudo maibuulopiyodowodo tovi molluroudapiyonekono.” Joonol su toro kuudokaikono.

Mollurolovomato 9:16

Toro kwonyu kuruv moro jurogudo tovi ikuduuwallo'moneyokwe maromiyebuuraikwopiyonyugono. Aki mino yovo tovi yiuwi'nokai kwako tomuu ilomonuwopimwolapino'moneyokwe nuu kemi maromiyebuuraikwopiyonyugono.

Hibruu 12:29

Nevu Gooti toollu kwako tomuu'aro wimwalano tovino kavlo tov arokwono. Nemi Gooti su tool aro to'busukekono. Duko puruv yiuwi'nokai noonyumwonyu kaiya'nodokwe tonyu yiunokuudo monopiyodowodo to'busukekono. Toro toolluno tov nevu Gooti su toollu kwako tomuu'aro neya wiyogawano.

Mollurolovomato 14:27

Toro wuujuno sumaiyokwe Moosesol gami yodeko tov soolwaravi muunyu toru'aro sudowosokaikono. Toro idowosuno sumaiyokwe kuujo tool aiyo doduke toga soolwara tov gami sumdomguda'ai kwollajuko aiko toru wollo'mo abokakwono. Toro boduke toga Ijupda'ai tooro lukado plaiyo'mo sopo kworo kuruv Gooti Yawel yiuwi'nokai toorai amobwokuruvollokarogano.

Mollurolovomato 5:12

Toro wuujuno sumaveyokwe Isuraiyolda'ai ki'nato womdokwe a'mwo abolo ton gwo'gwopto yo'mgonomallo'moneyokwe yiuwi'nokai kwako Ijup toru aiyowomno pla'mdupu so'mgonomallajupogano.