Mollurolovomato 12:23 - Gooti Toolluro Yogalokwono

²³ Kemi ago tonyu toro kuulomwalodopure toga Gooti Yawel kwako Ijup tomuu aiyowomno yomollowo'ji Ijupda'ai kwolaiyo sujuraiyo toorai romiyonekono. Toro romiyowo'ji kwol kuruv mujako aluviyourosupi tonyuno'gwowi wonowo'ji kemoro kwolaiyo sujuraiyo toorai noularomiyo'jokweyo'mo ensel toollu nuumjukuronekono. Aki Gooti Yawel ago su tonyu muunyu toru'aro irukuruwolowonekono.

Mollurolovomato 12:23 Referans Kwoze

Adodolukuu'nosungiko 9:4

Gooti tool tomabore'bore su toorai aro aduumjukurokaikono. “Kevu kwako akavi bila'dupudo gwo'gwoptodeyo oo mekwakodeyo oo ikorodeyo tonyu kaiyako mamollounapipinorekikono. Toro kuvi kuruv a'mwo abolo Gooti toolluro nojeso'moneyokwe tov kemoro yomo tovi nonaguto tonyuno'gwowi kaiyako nokwo igolpinorekikono.

Adodolukuu'nosungiko 7:3

“Kavaiyoo, nevu Gooti toolluro womdokwe tonyuro yomo go'no go'nodo tonyu yere majesa'ji toga kevu kwako tokwe'aro soolwara tokwe'aro iko toorogai'aro tonyu kaiyako yere migolpinono.” Kuudokaikono.

Hibruu 11:28

Aki Moosesol Gooti toollu kuudo kuubweyajuko tovi'aro Muunyu Toru'aro Surukuruwolovoka tovino lubullu doto muudu'nodo tov amolludovokaikono. Toro molludo'no sumaiyokwe Isuraiyolda'ai a'mwo tooro sipsip mujako tokwe kemi anoullo tonyuda'ai imgu amgu a'mworainyuko tonyu neya luviyourosupino'moneyokwe aduuwiyokaikono. Su toro aduuwiyoka tov aro tovinokwono. Gooti toolluro noromiyebuuropiyo'moneyokwe ensel tool kemi kwolaiyo sujuraiyo tobuurai noromiyoso'jokwe tovinokwono.

1 Koorin 10:10

Aki nemi nellukweyago pun Gooti toollu burolyogalo domuugona'dopure tonyu Gooti su tool noromiyebuuropiyo'moneyokwe ensel pwollu amoropiyabokaikono. Toro te ensel su tool yiuwi'nokai burolyogalo kuujajupo tonyu aromiyebuuropiyokaikono. Aki aga kuga kuruv aiyogasuro burolyogalo kuujajupo tonbusuko kubalno nevu Gooti toollu aval'no nuudumwala'jo.

Hibruu 12:24

Aki kevu Jisasollu wobo toru me'no bai'mo'mdupudogaikikono. Jisasol nevu Gooti toollu wobo toru momuugurovonekubweyo'moneyokwe subuu'yamju muuduko tovi jurogudo imwojodowodekono. Aki kevu Jisasolluro mujako abwoloka tovi wobo toru me'no bai'mo'mdupudogaikikono. Jisasolluro mujako abwoloka su tovida'ai yogalo dodoluwosodowodo to'gwowi Ebelolluro mujako abwoloka tovida'ai yogalo dodoluwosodowodo tovi kuuwolovokakwono.

Mollurolovomato 11:4

Toruda'ai Moosesol Feroo toollu aro kuudokaikono. “Gooti Yawel aro agudadopiyo. “Nuu surakuuto akuusuduko toga kwako Ijup toru aiyowomno yomollumonyugono.

Mollurolovomato 12:7

Toro aromipi tooravuro mujako pun luvomaropi kemi ago noulonomwallo'mo tovida'ai noullo a'mworainyuko tovallu imgu amgu luviyourosopi aki noullo te muunyomguda'ai kunyu kuruv neya aluviyourosupuro.