Mollurolovomato 1:17 - Gooti Toolluro Yogalokwono

¹⁷ Toro te abolo do'nuwiyokwe su toval Ijupda'ai a'mwo aguto kig Feroo toolluro aduuwiyoka su tovi me'no kuu'nolo kuvi kuruv Gooti toolluno'gwowi luko yolno Feroo toollu muumjunyajulovakono. Toro toval kwolaiyo toorai mamuloruvakullo'mo toval nokwo wonyapino sajulovakono.

Mollurolovomato 1:17 Referans Kwoze

Kuurotokwe 5:29

Pris aguto tool toro kuudoka tovi Pitaike'aro a'mwo kuurotokwe toorogai'aro tooro aro kuudoporogano. “Nevu a'mwo yasuwa'nodo pworavuro yogalo tovino to'no muumjunanonogano. Toro kwonol kuruv yiuno Gooti toolluro yogalo to'gwowi kuvinono neya uumjunmwalanonogano.

Luuk 12:5

Toro kuvi kuruv kevu wako neya kuu'numwalpino toolluno ikudumo'mokwono. Kevu Gooti toolluno'gwowi luko neya jogaulo. Gooti su tool me'no aromiyaikubweyo'ji toga du'muudo tomuuno nokwo maikudukwopiyonekono. Toro toolluno kevu luko neya jogaulo.

Matyuu 10:28

A'mwo pworo a'mwo abolo tonyuro kulako tovi romiyosodupudorogano. Toro kworo kuruv a'mwo abolo su tonyuro kuullo tooraino'gwowi ku'nono maromiyosupinorogano. Toro tovino tov a'mwo su toro tooraino luko mipinono. Toro kuvi kuruv kemoro kuullo tokwe'aro kulako tokwe'aro yiuwi'nokai su tovallu du'muudo tovi nokwo mollounapiyono Gooti toolluno'gwowi kevu luko neya domjumovlavogaulo.”

Muuduko 42:18

Iruko pullapullu abai'movoka tollugwoji Joosepol a'mwo todorotai aro abuudokaikono. “Nuvu Gooti toollu dolago tomuu mwalodumdonyugono. Toro toonyuro aikudumi tovi kevu po'dogalo kuumjunpi tov nuu maromiyaikubwemonyugono.

Muuduko 20:11

Abimelekol Eburaiyamollu toro kuudoka tovi Eburaiyamol aro kuudokaikono. “Nuu su toro so tov aro tovinokwono. A'mwo akaruda'ai tooro Gooti toolluno luko miyodupudorogano. Toro tooro moro abolo tovi ipolomallo'mo tooro mi noromiyanubwepiyo. Toro kuudo yaurono sonyugono.

Mollurolovomato 1:18

Abolo su tovallu Ijupda'ai a'mwo aguto kig Feroo tool doma'no sumaiyokwe aro samuugojokaikono. “Kevu kwolaiyo toorai mamuloruvakullo'mo tov buro'nyo'mo nokwo wonyapino yodubulovakuldeyo?”