Matyuu 8:2 - Gooti Toolluro Yogalokwono

² Aki su toro toga a'mwo wonawiyo nobollo bwotonyokwe pwol bino sumaiyokwe Jisasolluro sumdollu toru abinuguto'nokaikono. Toro binuguto'nyuno sumaiyokwe Jisasollu aro kuudokaikono. “Agutoloo, guu ilaiyo agujuno'ji tov mi nokwo nyukulbinekugono.” Kuudokaikono.

Matyuu 8:2 Referans Kwoze

Matyuu 18:26

Toro te a'mwo ki'nato womdo yodowodo dinau bwotonyokwe su tekwo gami a'mwo aguto kig mido mollomwalokwe toolluro dolago tomuu bomuulo'na'no sumaiyokwe kumdo aro ajugunokaikono. “Oo nuu tekwonyuno sogwollo purukwe'aro ainbi tov nuvu moro yiuwi'nokai dinau ton nogubimonyugono.” Ajugunokaikono.

Matyuu 15:25

Toro wuudoduke toga abolo tov Jisasol mwaloduke toru'no bino sumaiyokwe suduko abinuguto'nokakwono. Toro binuguto'no'no aro kuudokakwono. “Agutoloo, donyo'mwojonoo.” Kuudokakwono.

1 Koorin 14:25

Kuurokado mokavlaiyo'moneyokwe yogalo su tov a'mwo toolluro yiulo kuudo yau'dowo'jure kunyu kuruv kuu'maiyo toru'no nobomollolupto'nosonokwono. Su toro bomollolupto'nosodowo'jure toga a'mwo su tool suduko inuguto'nowo'ji Gooti toolluno ilomodomoropiyawo'ji aro donekono. “Oo Gooti tool a'mwo abolo akanyu akuuto toru nebal'no domwallo.” Donekono.

Kuurotokwe 10:25

Toro winodopure toga Pital ki'movo'no ago tovi kuullo'mo yoduke toga Kooniliyosol ilaiyo mollomallo'moneyokwe lokabo'no Pitallu abilluru'marokaikono. Toro billuru'ma'no sumaiyokwe Pitalluro suvlo dolago tovi bwolomuulo'naro'no kwolluno sulomoropiyokaikono.

Joon 9:38

Jisasol toro kuudoka tovi a'mwo tekwo kuudokaikono. “Agutoloo, nuu kuudo agubwemono.” Kuudokaikono. Toro wuujuno sumaiyokwe Jisasolluno sulomoropiyokaikono.

Matyuu 28:17

Toro ki'mo'mno sumaveyokwe toga Jisasollu wono'mno kuuru'maroporogano. Toro wuuru'ma'no sumaveyokwe kwolluno sulomoropiyaporogano. Toro kuvi kuruv gamoro uumjunyokwe pworono'gwowi Jisasoldukono oo a'mwo gabovo pwoldukoneyokwe tovino kuudo noullo maullo sauroporogano.

Luuk 4:27

Aki proofet pwolluno yovo tov Elisalekono. Toro tool amwallajuko su toga Isuraiyolda'ai a'mwo wonawiyo nobollokwe bwotonyago tekwojo amwallajuporogano. Yiuwi'nokai su tekwojai Elisal mikullajukekono. Toro kuvi kuruv yiuno kantri Siriyada'ai a'mwo wonawiyo nobollokwe pwekwojuno'gwowi sukulokaikono. Siriyada'ai a'mwo su tekwojuno yovo tov Namanolekono.” Jisasol toro kuudokaikono.

Matyuu 26:6

Toruda'ai Jisasol wagwolago Betani toru Saimoonolluro ago tovi aulonomwallajukekono. Saimoonol sumdomgu wonawiyo nobollokwe kwol kuruv su toro toga'no'gwowi nobollo nonaguto sumo'nyajukekono.

Matyuu 20:20

Toruda'ai Sebediyolluro muugunyo Jemseke Jooneke todorallu kemi kuuneyago tov momwora'no sumaiyokwe Jisasollomno amokabokakwono. Toro mokabino sumaiyokwe yamuugojo wuudoganyo'mo tov Jisasollu wobo toru suduko abinuguto'nokakwono.

Matyuu 14:33

Toro sumwogapiyoka toga boot tovi sulomwallajupo su tooro Jisasollu ilomoropiyo'moneyokwe aro kuudoporogano. “Guu Gooti toolluro Kwolaiyo nebal'no kuunodekugonoo.” Kuudoporogano.

Matyuu 13:58

Su tomuu Jisasolluno kuudo muubweyajupo tovino tov Jisasol kemi akuuto toru duuwallo jurogudo bwotonyago ton muuduuwallajukekono. Yiuno pwekwono pwekwono to'no kuuduuwallajukekono.

Matyuu 9:18

Jisasol toro wuudoduke toga a'mwo mido mollomwalokwe pwol bino sumaiyokwe Jisasolluro suvlo dolago toru suduko abinuguto'nokaikono. Toro binuguto'nyuno sumaiyokwe Jisasollu aro kuudokaikono. “Moro taiyo tov me'no abolmokakwono. Toro tovi guu bo'bi kuubogai'nubi tov aiyo aiko te dukavowo'ji nokwo mwalonokwono.” Kuudokaikono.

Adodolukuu'nosungiko 19:10

Ensel toro anyudoka toollu ilomoropiyo'moneyokwe nuu gamoro suvlo dolago tomuu kwolomuulo'naronyugono. Toro wolomuulo'na'dore kuvi kuruv ensel su tool aro anyudokaikono. “Guu mino milomonuwopiyabinono. Nuu kwonyu kuruv guvuge'aro gumoro avaiwomdokwe tekwojogai'aro toorekulbusuko Gooti toolluro womdo tovi aval'no wiyodumdekwonyugono. Gumoro avaiwomdokwe su tooro Jisasolluro yogalo kuu'maiyo toru'no me'no adodoluwosajuko su tovi gudupola'dupudorogano. Toro te kevu yiuwi'nokai toorekul yiuno Gooti toolluno to'no neya julomoropiyogaulo.” Su tov aro tovinokwono. Proofet yogalo tonyuro womdo aguto tov Jisasolluno kuu'maiyo neya adodoluwosopureyokwe tovinokwono.

Matyuu 28:9

Puuto tomuu toro pla'mdole toga Jisasol abolo su tovallu kuuru'marokaikono. Toro wuuru'ma'no sumaiyokwe kuudokaikono. “Lomwokwonoo.” Toro kuudoka toollomno abolo su toval bino sumaleyokwe gamoro suvlo tovi bomogudupolopiyolno kwolluno sulomoropiyalovakono.

Matyuu 10:8

Aki kevu a'mwo abolo nobollokwe tobuurai neya duuwikulogaulo. Aki a'mwo abolo me'no bolodopure tonyu neya domodukavogaulo. Aki kevu wonawiyo nobollokwe tonyu duuwikulogaulo. Aki kuullo ma'no ma'nodo toorai neya domodovomjapiyogaulo. Kevu womdo su toro ton imwalpino'moneyokwe jurogudo aikullamo su ton Gooti gavnokwe toolluro yasuwa'no ikullabodowodogano. Toro tovino tov kevu womdo su tovi momjumovlavopi toga a'mwo abolo tonyuro nuugwiyo noma'mwalpiyo. Toro kworekul kuruv yiuno yasuwa'no to'no neya duuwiyo'mwojumovlavogaulo.

Matyuu 4:9

Toro wuuduuwalluno sumaiyokwe Jisasollu aro kuudokaikono. “Guvu mino suduko sunuguto'nubi tov yiuwi'nokai noonyumwonyu su ton gumiyo'mo nogujamonyugono.” Kuudokaikono.

Matyuu 2:11

Toro tooro kwolaiyo muudoga tool mwaloduke ago tovino kuulno sumaveyokwe kwolaiyo muudoga su tooke'aro gami ganeyago Mariyakwe'aro tonallu auloonoporogano. Toro wonyuno sumaveyokwe kwolaiyo su toolluno mido wuulugulo'no'mno sulomoropiyaporogano. Toro ilomoropino sumaveyokwe kemi kuto ivito sugumaluko amullosajupo tonyuda'ai pun daluvo'mno kwolaiyo su toollu kwiyoporogano. Gool togai'aro frenkinsens togai'aro mur togai'aro ton daluvo'mno kwiyoporogano.

Matyuu 8:1

Toruda'ai Jisasol muumuudo toolluda'ai kwolabokaikono. Toro wolabino sumaiyokwe yomolloduke toga a'mwo abolo kwolallo bwotonyago ton kuumjunyajupekono.

Matyuu 8:25

Toro wo'duke toollu gamoro uumjunyokwe tooro bino sumaveyokwe abojudukuuroporogano. Toro judukuu'no sumaveyokwe aro kuudoporogano. “Agutoloo, nevu nobollo'mo sumwakuuwo tekwojonollu neya donekullo'mwojonoo.” Kuudoporogano.

Kuurotokwe 10:14

Toro kuu'noka kuvi kuruv Pital aro kuudokaikono. “Agutoloo, awiyo. Su toro tov ku'nono mimonyugono. Noonyumwonyu ibesa'aiyo su tooro gumoro sumdo te kaiyako mollugolamo'mdupudo tooraino tov nuu nonyo'mo kumako mwalodumdonyugono.” Kuudokaikono.