Matyuu 5:2 - Gooti Toolluro Yogalokwono

² Toro bwolomwekwino sumaveyokwe Jisasol kuuguudo muudu'no aro sodubwosumovlavokaikono.

Matyuu 5:2 Referans Kwoze

Kuurotokwe 8:35

Toro samuugojoka tovi Filipol kuudokaikono. “Proofet toolluro kuuguudo ajakwolloka su tov Jisasollunokwono.” Kuudokaikono. Filipol toro wuujuno sumaiyokwe a'mwo Afrikada'ai su toollu kuuguudo sodubwosumovlavokaikono. Muudu'no Aisaiyalluro kuuguudo ajakwolloka su tovida'ai yodubwosumovla'mno yodubwosumovla'mno sumaiyokwe yiuno Jisasolluno kuuguudo sugudo tovino sodubwosopiyokaikono.

Kuurotokwe 10:34

Toruda'ai Pital nyodubwaso'moneyokwe aro amoruudokaikono. “Oo nebalo'mdeyo. Aga nuu kuu'maiyo toru'no kuudo me'no souromakono. Gooti tool yiuno Juu tonolluno to'no ilaiyo mwinyokwekono. Toro kwol kuruv yiuwi'nokai a'mwo abolo Juu toonolluro miyawosunodowado kunyuno kuruv ilaiyo aval'no winyokwekono.

Matyuu 13:35

Su tov proofet pwolluro yogalo ajakwolloka tovi suuwiyo imwojo'moneyokweyokwono. Yogalo ajakwolloka su tov arokwono. “Nuvu yovekurajo kuuguudo tonyu'aro to'no wuudumwalmonyugono. Aki nuvu yiulo yogalo punyuro kavlo pun moruudumwalmonyugono. Yiulo yogalo su ton Gooti tool yiuwi'nokai tonyu sokwollosoka togada'ai yiulo kupuu'nugelabodupudogano. Toro tonyuno to'no moruudumwalmonyugono.”

Efesos 6:19

Aki nuu kwonyu kuruv Gooti tool anyo'mwojoneyokwe kevu aro tovino subusu'nyogalo neya duudogaulo. Moro mago tov ara'mi toga Gooti tool gavnokweyolluro yogalo tov neya anubweyono. Toro nubweyodowo'jure tokwe yiulo yogalo sumo'nyajuko kuuguudo sugudo tovino neya moruudumwalmonyugono. Toro te nuu luko nyumiyokwe tovino kevu subusu'nyogalo neya duudogaulo.

Kuurotokwe 18:14

Toro soukuu'nuudopo tovi Poolol nuujo'mo yoduke toga a'mwo aguto Galiyoo'wol Juu su toorai aro kuudokaikono. “A'mwo akal ma'no ma'nodo'mdeyo oo kiruvanyuvanyo'mdeyo puruv sowo'jujuko'mno'juki nuu kevu Juu toorekulluro yogalo anyudadokwopo tovi nokwo aikuu'no'mujukonyugono.

Matyuu 5:1

Toruda'ai Jisasol a'mwo abolo kwolallo bwotonyago ton bi'bwo'nodopure tonyu kwonokaikono. Toro wonyuno sumaiyokwe muumuudo kula'nyo pwollu ila'no kwako tovi kwolomwalokaikono. Toro wolomwaloduke toollomno gami uumjunyokwe tooro bo'mno abwolomwekwoporogano.