Matyuu 16:3 - Gooti Toolluro Yogalokwono

³ Aki lomwo toga sulugumdo tov weya'jo imo'nowo'ji kuruv sulu'wo dugumdo kimwonyodowo'jure tovi wonopi aro dodupudorekikono. “Oo anuugwo toga dole'manollo tov yonokwono.” Kevu atamdo yono'mdukoneyokwe tovino kinodokwopiyomallo'mo toorekul sulugumdo tovida'ai duuwallo tonyu wonopi pi'mwono mollovodo'mwojadodupudorekikono. Toro kworekul kuruv agasuro moro duuwallo ikuduuwallodumdo tonyuno'gwowi ku'nono mamollovodo'mwojadodupudorekikono.

Matyuu 16:3 Referans Kwoze

Luuk 12:56

Kevu a'mwo kuunanokwerekikono. Toro toorekul atamdo yono'mdukoneyokwe tovino gallainyubwollo'mo tov kwako tokwe'aro sulugumdo tokwe'aro tovalluda'ai duuwallo jurogudo tonyu wonopi mollovodo'mwojadodupudogaikikono. Toro kugaikul kuruv agasuro duuwallo ikuduuwallodumdo tonyuno'gwowi po'dogalo mamollovodo'mwojadodupudogaikikono.”

Luuk 13:15

Toro kuvi kuruv Aguto Jisasolno'gwowi aro kuudokaikono. “Kevu a'mwo kuunanokwerekikono. Kevu yiuwi'nokai pwolno pwolnodo toorekul iruko Sabat toga kemi buulmokauworodeyo oo doonkiyorodeyo tooro wosamujuko bookis tovi ki'duvolna'dopure toorai ikwolapiyopi wonyo tov wo'dowodo tomuuno mogaibworomokavla'mdupudorekikono.

Matyuu 11:5

A'mwo abolo sumnowojokwe ton aki aiko te sumdo kinodupudogano. Aki a'mwo abolo suvlato amuullugolopingikokwe ton kado pla'mdupudogano. Aki a'mwo abolo wonawiyo nobollokwe ton ikulnodupudogano. Aki a'mwo abolo kadu'nollukullokwe ton aki aiko te kaduko wuu'nodupudogano. Aki a'mwo abolo me'no abollungopo ton aiyo aiko te duka'mdupudogano. Aki kuuguudo sugudo tov a'mwo abolo apoo'nyaiyo tobuurai moruudomollodupudokwono.

Luuk 11:44

Oo kevu Farasi tekwojekul tabunyu nomapinorekikono. Su tov aro tovinokwono. Kevu a'mwo buuso pun kuulo'womdo tomuu mollusodukwopiyodupudo to'busukorekikono. A'mwo buuso su tonyu a'mwo abolo pun kuudo miyouromaropi suvlo ilovekuromollodupudogano.” Kuudokaikono.

Matyuu 23:13

Aki Jisasol aro kuudokaikono. “Oo kevu a'mwo loowo tovino pi'mwo kuudokwe toorekike'aro Farasi toorekike'aro kuunanokwe su tekwojekul tabunyu nomapinorekikono. Su tov aro tovinokwono. A'mwo abolo pun muunyu kai'muuda'ai aguto kig mido mollomwalo tovi kuullo'mo yodopure toga kevu a'mwo abolo su tobuurai kudo'aiko yere wuulluku'dupudorekikono. Aki kevnokwe tekwojekul muunyu kai'muuda'ai aguto kig mido mollomwalo su tovi maulomwalodupudorekikono. Toro maulomwalodupudo kworekul kuruv a'mwo abolo noullo'mo winodopure tonyu uumjuku'dupudorekikono.

Matyuu 22:18

Su toro kuudoganopo toorai Jisasol kemoro poowokalago magu'nyo kuudo kuuluuwo'duke su tovi me'no youroonyuno sumaiyokwe aro kuudokaikono. “Kevu kuunanokwe toorekul buro'nyo'mo yamju donyudoganmwakwovo?”

Matyuu 15:7

Jisasol toro wuujuno sumaiyokwe aki aro kuudokaikono. “Aisaiyal kevu a'mwo kuunanokwe toorekulluno proofet yogalo nebal'no amodomollajukekono. Yogalo su tov aro ajakwollokaikono.

Matyuu 7:5

Su tov aro to'busukokwono. Guvu a'mwo kuunanokwe imo'nodumdekugono. Toro tooku sumdomgu guvnokwekujuro sumdo tovida'ai i'muujuko bwotonyo wo'dowodo toollu neya domodukwopiyogawono. Me'no amodukwopibi toga lukomgu gumi avalo tekwojuro sumdo tovida'ai sullukwako wo'dowodo tovi kamwoga yo'bi nokwo modukwopibinekugono.

Matyuu 4:23

Jisasol yiuwi'nokai distrik Galili tomuu somollokaikono. Toro tomuu yomolluno yomolluno sumaiyokwe Juu tooravuro i'bwo'nyago tonyu kuulodawo kuuguudo sugudo tokwe amoruujajukekono. Kuuguudo sugudo su tov Gooti toolluro kig mido mollomwalo tovi dolago tomuu neya aulomwalpureyokwe tovino amoruujajukekono. Toro moruudomolluno sumaiyokwe a'mwo abolo tonyuro yiuwi'nokai judo'no judo'no nobollokweyodeyo oo suvlato nomuullugollokweyodeyo tonyu sukullajukekono.

Hibruu 5:14

Toro kuvi kuruv Gooti toolluro kuuguudo puno'gwowi wosamujuko jurogudo to'busuko imo'nodupudogano. Gooti toolluro kuuguudo jurogudo su ton a'mwo abolo aguto me'no agullungopo tonyo'mogano. A'mwo abolo aguto su ton pasudo sugudo'mdukono oo ma'no ma'nodo'mdukoneyokwe tovalluda'ai nokwo yenyubworoma'dupudogano. Toro tovino tov a'mwo abolo aguto su ton pi'mwono yenyubworomallo'moneyokwe jurogudo imo'nugelabodupudogano.