Matyuu 11:9 - Gooti Toolluro Yogalokwono

⁹ Toro kuvi kuruv kevu kwako yalukullo toru'no avlaiyajupo tovino kavlo tov kuudo neya jaullulo. Kevu proofet pwollu sumdo wonpino'moneyokwe kwako yalukullo toru'no avlaiyajupogaikikono. Toro te aro ikudumo'mokwono. Proofet su tool Wonyo Galuvollokwe Joonol kwekono. Toro tool yiuwi'nokai proofet gabovo toorai uuwolo'mdowodekono.

Matyuu 11:9 Referans Kwoze

Luuk 1:76

Oo mi kwolaiyoloo, gumino aro gudumaupinekugono. “Gooti Yiuwi'nokai Tonyu Uuwolo'mdowodo toolluro proofetoloo,” gudumaupinekugono. Su tov aro tovinokwono. Guu Aguto toollu sumdomgu wanbinekugono. Toro wano'bi Aguto toolluro puuto bwono tovi yovo'dogalbwebinekugono.

Matyuu 14:5

Herootol Joonollu romiyoso'mo kwinyajuko kuvi kuruv yiuwi'nokai a'mwo abolo ton Joonolluno aro kuudo saullajupogano. Oo a'mwo su tool proofet pwekono. Su toro kuudo yau'dopure tovino tov Herootol kuudo saurokaikono. Nuu Joonollu aromiyosumi tov a'mwo abolo ton molo bwotonyo nyunpiyo. Kuudo saullajukekono.

Matyuu 11:8

Aki kevu a'mwo youro sugumaluko yesodowo'jure pwollu wonyo'moneyokwe avlaiyajupogaikuldukono? Awiyo. Kevu kuudo neya jaullulo. A'mwo youro sugumaluko yesodupudo su tooro a'mwo aguto kig tooravuro ago tonyu anakuuto tomuu kuulomwalodupudorogano.

Luuk 20:6

Toro kuvi kuruv, “A'mwo tooraida'aiyokwono,” kuuda'ji tov a'mwo abolo ton sulo togai noluvoromiyanekubwepiyo.” Su toro sajunoporogano. Toro yajunyuno sumaveyokwe luko soporogano. Luko sopo su tov aro tovinokwono. Yiuwi'nokai a'mwo abolo ton Joonolluno kuudo saullajupogano. Oo proofet kuunodo pwoldeyo. Su toro kuudo saullajupo tonyuno tov luko soporogano.