Sumdomgu toga Heroot gavnokweyol aro sokaikono. Gagwai'yago Filipolluro abolo Heroodiyasovi amarokaikono. Toro ma'duke tovi Joonol wono'no aro kuudokaikono. “Gumi jugwai'yago toolluro abolo tovi mama'binokwono. Toro ajungiko loowo tovi kisuvolo sadokuuno.” Toro wuudoduke toga Heroodiyasov wuu'no'no Joonolluno ilaiyo mwinyajukokwono. Toro te Herootol Joonollu wuulo killo'mo ago tovi kuulomeroso'moneyokwe gami womdokwe toorai amodapiyokaikono. Toro tooro Joonollu maro'mno aulomerosopekono.
Matyuu 11:2 - Gooti Toolluro Yogalokwono2 Su toro toga Wonyo Galuvollokwe Joonol wuulo killo'mo ago tovi aule'nallajukekono. Toro kuule'na'dowo yiuwi'nokai Krais toolluro womdo yoduke tonyuno kuu'nyajukekono. Joonol toro wuu'nyuno sumaiyokwe gavnokweyolluro uumjunyokwe pworai Jisasollu wuudoganpino'moneyokwe amodopiyabokaikono. Gade chapit la |
Matyuu 11:2
11 Referans Kwoze
Herootolluro su toro kuudoka tov aro tovinokwono. Sumdomgu Herootol gami gagwai'yago Filipolluro abolo tovi amarokaikono. Abolo su tovino yovo tov Heroodiyasovokwono. Toro tovi amaroka su toollu Joonol aro kuujajukekono. “Guu abolo su tovi ama'mwakudo tov Gooti toolluro loowo tovi kisuvolo sadokuuno.” Kuujajukekono. Toro wuudoduke tovino Heroodiyasov ilaiyo mibwosunyajukokwono. Toro te Herootol gami abolo tovi ilaiyo igollo'moneyokwe Joonollu wuulo galerosuno sumaiyokwe wuulo killo'mo ago tovi aulomerosokaikono.
Toruda'ai Joonolluro uumjunyokwe tooro Jisasollomno bino sumaveyokwe aro abuudoganoporogano. “Nevuge'aro Farasi toorogai'aro toonol wosamujuko tonyuno kumako mwalodowadonogano. Toro kuvi kuruv gumoro gumjunyokwe toorono'gwowi wosamujuko tonyuno kumako mamwalodupudo tov buro'nyo kavlo tovino'mdeyo?” Kuudoganoporogano.
Toruda'ai Farasi tooro aro tovi kuu'noporogano. Joonol a'mwo pwolno pwolnodo tooraino to'no wonyo galuvollodowodekono. Toro kuvi kuruv Jisasolno'gwowi bwotonyago toorai galuvollodowodekono. Aki me'no galuvollodowodo su tooro gamoro uumjunyokwe wimo'nodupudorogano. Su toro tovi kuu'noporogano. Toro kuvi kuruv Jisasol gavnokwe tool wonyo mamogaluvollajukekono. Yiuno gamoro uumjunyokwe toorono to'no a'mwo abolo tonyu wonyo agaluvollajuporogano. Toro te Farasi tooravuro kuu'nopo su tovino Jisasol kuudo me'no youroma'no sumaiyokwe toga kwako Juudiya tomuu wuugollu'movo'no kwako Galili tomuuno aki aiko te avlavokaikono.
Toro moruudomolloduke kuvi kuruv a'mwo aguto kig Herootolno'gwowi lukomgu Joonollu kaiyako sugolokaikono. Sumdomgu Herootol gami gagwai'yago Filipolluro abolo Heroodiyasovi amaroka tovino tov Joonol yogalo amojurugolokaikono. Aki Herootolluro yiuwi'nokai kirovanyuvanyu pasudo mujeroungovla'mduke kunyuno kuruv Joonol yogalo amojurugolokaikono.
Toro te su toro yowosungelabino yowosungelabino sumaveyokwe Eburaiyamolluda'ai yiuno a'mwo aguto Devitolluno abillumo'nopo su toga 14-pela toul abawokakwono. Aki a'mwo aguto Devitolluda'ai yowosungelabino yowosungelabino sumaveyokwe yiuno Bebeloon'no ameromokavlavopo su toga 14-pela toul abawokakwono. Aki Bebeloon'no ameromokavlavopo togada'ai yowosungelabino yowosungelabino sumaveyokwe yiuno Krais toolluno abillumo'nopo su toga 14-pela toul abawokakwono.
To'no'gwowi a'mwo aguto Herootol Jisasolluno kuuguudo bomje'nugouloduke tovi kuu'nokaikono. Herootol kwako bwotonyo aval aval adovarojungiko tonyuda'ai puruvi mido amollomwallajukekono. Toro tool Jisasolluno kuuguudo bomje'nugouloduke tovi wuu'nyuno sumaiyokwe kuudo kwolallo sourukwapiyajukekono. Su tov aro tovinokwono. A'mwo pworo Jisasolluno aro ajajuporogano. “Oo a'mwo akaigwol Wonyo Galuvollokwe Joonekono. Su tool a'mwo me'no bolodupudo tomuuda'ai aiyo aiko te adukavoka tool kwekono.” Ajajupekono.
Piblisite