Matyuu 1:5 - Gooti Toolluro Yogalokwono

⁵ Toruda'ai Salmoonol Boowasollu sawosunokaikono. Boowasolluro ganeyago tovino yovo tov Rahapovokwono. Toruda'ai Boowasol abolo Ruutovida'ai Oobetollu amollawosunokaikono. Oobetol Jesiyollu sawosunokaikono.

Matyuu 1:5 Referans Kwoze

Hibruu 11:31

Aki aiyoga kwonyalabolo Rahapov Gooti toolluno kuudo kuubweyokakwono. Toro kuudo kuubweyoka su tovi'aro wagwolago Jerikoo kuurupto tovi anakuuto tomuu mwalodowodo kuvi kuruv a'mwo abolo Gooti toolluno kuudo muubweyajupo togai mabolokakwono. Su tov aro tovinokwono. Isuraiyolda'ai a'mwo domokwe pworal abuuru'marolo toorallu Rahapov ilaiyo amollomaroka tovinokwono.

Jems 2:25

Aki Gooti toolluro sumdo tovi sugudo wimo'nyo'moneyokwe puuto su tovino aiyogasuro kwonyalabolo puvuro soka tov yovekurajo'mo nekuduuwallodowodokwono. Abolo su tovino yovo tov Rahapovokwono. Abolo su tov Joosuuwalluro a'mwo domokwe amorapiyoka toorallu ilaiyo to'no amollomarokakwono. Toro molloma'no sumaiyokwe a'mwo su tooral aikomgu plaiyo'mo toorallu puuto gabovo puvi'aro amorapiyokakwono. Gamoro kuudo kuubweyajuko tovino su toro tomgu'aro anekuduuwallokakwono.

Luuk 3:32

Aki Devitol Jesiyolluro kwolaiyekono. Aki Jesiyol Oobetolluro kwolaiyekono. Aki Oobetol Boowasolluro kwolaiyekono. Aki Boowasol Salmoonolluro kwolaiyekono. Aki Salmoonol Nasoonolluro kwolaiyekono.

Matyuu 1:4

Toruda'ai Ramol Aminadapollu sawosunokaikono. Aminadapol Nasoonollu sawosunokaikono. Nasoonol Salmoonollu sawosunokaikono.

Matyuu 1:6

Toruda'ai Jesiyol a'mwo aguto kig Devitollu sawosunokaikono. Lukomgu a'mwo pwolluno yovo tov Uuraiyalekono. A'mwo su toolluro abolo tovi a'mwo aguto kig Devitol maro'no Sooloomonollu amollawosunokaikono.