Luuk 9:6 - Gooti Toolluro Yogalokwono

⁶ Toro amodapiyoka tooro wuugollu'mo'mno sumaveyokwe wagwolago go'no go'nodo tomuu kuuguudo sugudo tokwe amoruudomollajuporogano. Aki toro tooro yiuwi'nokai su tomuuda'ai a'mwo abolo nobolluwuulokwe tonyu sukullajuporogano.

Luuk 9:6 Referans Kwoze

Kuurotokwe 5:15

Aki a'mwo kuurotokwe tooravuro ikulmovla'mdopure tovino tov a'mwo abolo ton wuu'nodupu kemi nobollokwe toorai i'buronyuko tonyu'aro amollukwovomokabiyajuporogano. Toro mollokwovomokabodupu nobollokwe su toorai puuto tovi wobo toru kwako tovi kwolmwollajuporogano. Su toro sajupo tov aro tovinokwono. Pital puuto tovi'aro pla'mdowo'jure toga gamoro wakuunonabolo tov a'mwo nobollokwe toorai kuubogai'no'ji tov ikulono'moneyokwe kuumwallajuporogano.

Kuurotokwe 4:30

Aki guvnokwekujuro womdo sugudokwe Jisasolluno yovo tovida'ai a'mwo abolo nobollokwe tobuurai ikulo'bi duuwallo go'no go'nodo ton nokwo wuuduuwallubinekugono.” Subusu'nyogalo toro kuudopogano.

Kuuguudo Sugudo akav Makolluro sakwollokakwono Mak 16:20

Toruda'ai gamoro uumjunyokwe tooro yiuwi'nokai tomuu plavo'mno kuuguudo tov amodomolloporogano. Toro modomollodopure toga Aguto Jisasol kworogai womdo yodowo kwiyo'mwojajukekono. Aki duuwallo jurogudo pugai kwiyo'mwojajukekono. Toro wiyo'mwojoduke tovida'ai kuuguudo modomollodopure su tovino jurogudo aduuwimwojajukekono.

Luuk 8:1

Toruda'ai Jisasol yiuwi'nokai wagwolago togai'aro ajumiyo togai'aro tonyu aguto kig Gooti toolluro mido mollomwalo tovino kuuguudo sugudo tokwe mokaulodawo amoruudomollajukekono. Aki toro amoruudomollajuko toga gamoro 12-pela uumjunyokwe tooro kweke somollajuporogano.