Luuk 9:52 - Gooti Toolluro Yogalokwono

⁵² Toro winyuno sumaiyokwe a'mwo kuurotokwe pworo gami sumdomgu wanpino'moneyokwe amodapiyokaikono. Toro tooro sumdomgu wano'mno Jisasol wobo toga ki'mowono toollo'mo yovrowosupino'moneyokwe kwako Samariyada'ai wagwolago puvi aulai'movoporogano.

Luuk 9:52 Referans Kwoze

Matyuu 10:5

Jisasol a'mwo 12-pela su toorai morapiyo'no kuuguudo aro aduuwiyokaikono. “Kevu a'mwo abolo Juu miyawosunodupudo tonyomno novlapiyo. Aki a'mwo abolo Samariyada'ai wagwolago tonyu maulapinono.

Luuk 17:16

Aki toro tool Jisasolluro suvlo dolago tomuu bomuulo'naro'no Jisasollu, “Nenyoo,” kuudokaikono. A'mwo su tool Samariyada'ai pwekono.

Luuk 10:33

Toro kuvi kuruv Samariyada'ai a'mwo pwolno'gwowi puuto su tovi'aro kwokado abokaikono. Toro tool bino sumaiyokwe a'mwo tekwo wo'duke toru abai'movokaikono. Toro bai'mo'mno sumaiyokwe a'mwo su tekwoji kwonoka toga kalo bwotonyo kwinokaikono.

Luuk 10:1

Toruda'ai Aguto tool a'mwo 72-pela pworai jeso'no sumdomgu wanpino'moneyokwe pworalno pworalno amorapiyokaikono. Su tov Jisasol yiuwi'nokai wagwolago togai'aro ajumiyo togai'aro novlawono tonyomno sumdomgu neya wanpino'moneyokwe a'mwo su toorai amodapiyokaikono.

Joon 8:48

Jisasol toro kuudoka tovi Juu tooro kuudoporogano. “Nevu gumino aro agudowonogano. Samariyada'ai a'mwo su tool kuullo ma'no ma'nodo tool kuulomwalodowodekono. Su toro agudowo tov kuvigono.” Kuudoporogano.

Luuk 7:27

Proofet su toolluno aiyoga Gooti toolluro yogalo tovi me'no ajakwollajupekono. Toro toolluno sakwollungiko tov arokwono. “Duu'nono. Nuvu moro a'mwo modomollokwe pwollu morapiyo'mi gumi sumdomgu wanonekono. Toro tool wanowo'ji guvu a'mwo abolo tonyu wuuru'mallo'moneyokwe puuto tovi yovo'dogalagubweyonekono.” Sakwollungikokwono. Proofet yogalo ajakwollopo su tool Joonol kwekono.

Luuk 17:11

Aki Jisasol wagwolago Jeruusalem'no plavo'no kwako Samariyake Galilike tovallu akuuto toru'aro avlavokaikono.

Joon 4:4

Toro tool kwako su tomuu ki'meyo'moneyokwe kwako Samariya tomuu'aro kado avlavokaikono.

Joon 4:5

Toro plaino sumaiyokwe kwako Samariya tomuuda'ai wagwolago puvi ai'movokaikono. Wagwolago su tovino yovo tov Sikarovokwono. Wagwolago su tov aiyoga Jekoopolluro kwako puruv gami muugunyo Joosepollu kwiyoka tovi wobo toru wo'dowodokwono.

Joon 4:9

Toro te Jisasolluro kuudoka tovi Samariyada'ai abolo tov luko morumoukuropiyo'no aro kuudokakwono. “Guvu Juu tookugono. Nuvno'gwowi Samariyada'ai abolo tobuunyugono. Toro te gumoro aro anyudumado tov, “Nuu wonyo nonyo'moneyokwe pun luviromaro'bi donyabono,” su tov buro'nyo'mo anyudoganmodekudeyo?” Kuudokakwono. Abolo tovuro su toro kuudoka tov aro tovinokwono. Juu tooro Samariyada'ai a'mwo abolo togai yomwallunyo'moneyokwe pun nonagutorogano.