Luuk 8:39 - Gooti Toolluro Yogalokwono

³⁹ “Guu gumi ago tomuuno plavo'bi guuge avalo amwakopo tonyu yiuwi'nokai Gooti toolluro ilaiyo bwotonyo agubwemoka tonyuno duudawono.” Amodapiyokaikono. Toro te a'mwo tool plaino sumaiyokwe yiuwi'nokai wagwolago tomuu a'mwo abolo tonyu amoruudomollajukekono. Yiuwi'nokai Jisasolluro ilaiyo kwiyo'mwojoka su tonyuno kuu'maiyo toru amoruudomollajukekono.

Luuk 8:39 Referans Kwoze

1 Timooti 5:8

Neya duu'nyulo. Jisasolluro a'mwo pwol gavuge avaimujako tonyu neya mollomwalmwalonekono. Aki toro tool gami julkwolaiyo tonyu mollomwallo'mo tov aguto kuunodokwono. Toro kuvi kuruv a'mwo pwol gami avalo su tonyu po'dogalo mamollomwalo'ji to'gwowi gamoro Jisasolluno kuudo me'no kuubwengiko tovi kisuvolo wiyonekono. Aki a'mwo abolo Jisasolluno kuudo muubweyodupudo tonyuro ma'no ma'nodo tovi nuuwolowonekono. Toro tool kaiya'no kuumwiyo bwollumo'nawonekono.

Joon 4:29

“A'mwo pwol moro yiuwi'nokai yomjomwekovla'mdumdo tonyuno kuu'maiyo toru'no adodowiyoku'bworanubwemokaikono. A'mwo su tool Gooti toolluro nekullo'mwojo'moneyokwe ajesoka Krais tooldukono? Toro toollu kevu wonpino'moneyokwe dobiloo.” Kuudokakwono.

Kuuguudo Sugudo akav Makolluro sakwollokakwono Mak 1:45

Toro amodapiyoka kwol kuruv kuu'maiyo toru'no amoruudomollokaikono. Toro amoruudomolloka tovino tov Jisasol wagwolago puru'no kuullo'mo tool sugwonyu toru'no ku'nono maullajukekono. Toro kwol kuruv a'mwo tooro mamwalodopure tomuuno'gwowi amwallajukekono. Toro mwaloduke toollomno yiuwi'nokai tomuuda'ai tooro bodupu abuuru'mallajupekono.

Kuuguudo Sugudo akav Makolluro sakwollokakwono Mak 5:18

Toro te Jisasol novlaiyo'mo tool boot tovi muunyu toru ilomwallo'mo yoduke toga a'mwo kuullo ma'no ma'nodokwe sukuloka su tool Jisasollu guureji aro kuudoganokaikono. “Nuu guuge yowa'no plawosunonyudeyo?” Kuudoganokaikono.

Kuuguudo Sugudo akav Makolluro sakwollokakwono Mak 5:19

Toro kuudoganoka toollu Jisasol aro kuudokaikono. “Awiyoo, guu gumi ago tomuu plavo'bi guuge avalo amwakopo toorai Aguto toolluro yiuwi'nokai gumi ilaiyo bwotonyo agubwemoka tonyuno duudawono. Aki Aguto tool gumino kalo mamwonyodowo ilaiyo agubwemoka kurukwe'aro tonyuno neya duudawono.” Kuudokaikono.

Luuk 8:38

Jisasol novlaiyo'mo yoduke toga a'mwo kuullo ma'no ma'nodokwe me'no sukuloka tekwo Jisasollu guureji aro wuudoganyuno wuudoganyuno sokaikono. “Oo guuge yowa'no plawosunonyudukono?” Kuudoganokaikono. Toro kuudoganoka kuvi kuruv Jisasol aro amodapiyokaikono.

Luuk 8:40

Toruda'ai Jisasol boot tovi'aro wonyo buugo tovi aikomgu kuuwokaikono. Toro wino sumaiyokwe Galiliyovuro wolo toru ki'mo'mduke toga kwolallo bwotonyago ton ilaiyo amollomaropekono. Su tov aro tovinokwono. Jisasol yere mai'mo'mduke togada'ai a'mwo abolo kwolallo su ton sogwollo me'no kwinyajupogano.