Luuk 8:34 - Gooti Toolluro Yogalokwono

³⁴ Toro me'nyudapiyoduke tovi a'mwo sa'aiyo su toorai ai'duvollajupo tooro amuugonallajuporogano. Toro tooro Jisasolluro soka su tovi me'no wonyuno sumaveyokwe toga kano kano plavo'mno wagwolago togai'aro womnago togai'aro tomuuda'ai a'mwo abolo tonyu kuudomolloporogano.

Luuk 8:34 Referans Kwoze

Kuuguudo Sugudo akav Makolluro sakwollokakwono Mak 5:14

A'mwo sa'aiyo su toorai ki'duvolodupudo tooro Jisasolluro toro yoduke tovi wonyuno sumaveyokwe toga kano kano plavo'mno ago wagwolago togai'aro womnago togai'aro tomuu Jisasolluro soka tovino a'mwo pworai kuudomolloporogano. Toro kuudomollopo tooro wuu'nyuno sumaveyokwe buro'nyo sumo'numoka'mdukoneyokwe tovino kevnokwe tooro wonyo'mo aboporogano.

Matyuu 28:11

Abolo toval kuuno pla'mdole toga a'mwo mollurogudo pworo a'mwo buuso sulpuuto tovi amoduvomwallajupo tooro wagwolago Jeruusalem tovi aulaporogano. Toro kuulno sumaveyokwe pris mido mollomwalokwe toorai yiuwi'nokai kwimo'noka tonyuno sodubwasoporogano.

Matyuu 8:33

Toro te a'mwo pworo sa'aiyo su toorai ai'duvollajupo tooro lukado plaino sumaveyokwe wagwolago tovi kuula'mno a'mwo abolo tonyu yiuwi'nokai sumo'noka tonyuno kuudoporogano. Aki a'mwo kuullo ma'no ma'nodokwe kworallu kwimo'noka kuvino kuruv kuudoporogano.

Luuk 8:33

Toro te kuullo ma'no ma'nodo tooro a'mwo aulomwallajupo su toolluda'ai buugollu'mokalokwino sumaveyokwe sa'aiyo toorai aulaporogano. Toro kuulno sumaveyokwe toga sa'aiyo tooro muumuudo towaida'ai kuukuulo tomuuno kano kano wolno sumaveyokwe wonyo buugo tov ame'nyudapiyokarogano.

Luuk 8:35

Toro kuudomollopo tovi a'mwo abolo ton wuu'nyuno sumaveyokwe buro'nyo sumo'numoka'mdukoneyokwe tovino kevnokwe ton wonyo'mo abopogano. Toro bino sumaveyokwe a'mwo kuullo ma'no ma'nodokwe me'no sukulnoka toollu kwonopo tov Jisasolluro suvlo dolago tomuu mwaloduke toollu kwonopekono. Aki toro tekwo youro togai yeso'no amomo maiyo kuunodo tool mwaloduke kwonopekono. Toro sukuloka su toollu wonyuno sumaveyokwe luko sopogano.