Luuk 7:6 - Gooti Toolluro Yogalokwono

⁶ Toro ajugonopo tovi Jisasol a'mwo su toorogai avlavokaikono. Toro plaino sumaveyokwe ago tovi wobo toru ki'mo'mdopure toga a'mwo mollubworomokwanyokwe su toolluro ibwoto'nyo amoropiyaboka pworo puuto toru abuuru'maroporogano. Toro tooro buuru'ma'no sumaveyokwe a'mwo aguto toolluro mago tovida'ai mollodavo'mno Jisasollu aro kuudoporogano. “Agutoloo, nuu tekwonyu nyo'mwojo'moneyokwe guu womdo bwotonyo nyumo'na'biyo. Nuu ilaiyekwonyumaiyo. Toro tekwonyuno tov guu Aguto tooku moro ajulmdo tovi dolago tomuu kuulomwallo'mo tov nuu ilaiyekwonyumaiyo.

Luuk 7:6 Referans Kwoze

Jems 4:6

Aki Gooti tool gamoro yasuwa'wino sugumaluko tov nemi guureji muunyu toru'aro nekullabiyokwekono. Toro tovino tov Gooti toolluro yogalo sakwollungiko puruv aro dodowodokwono. “Gooti tool a'mwo ilomoropunyokwe toorai nobwolomorumwogapiyokwekono. Toro kuvi kuruv a'mwo pworo a'mwo abolo punyu kwako tomuu'aro abwolomoropinapi su tooraino'gwowi gamoro yasuwa'wino sugumaluko tov nuuwiyokwekwono.” Dodowodokwono.

Kuuguudo Sugudo akav Makolluro sakwollokakwono Mak 5:24

Toro wuujuno sumaiyokwe Jisasol a'mwo su tooke avlavokaikono. Toro pla'mduke toga kwolallo bwotonyo ton amobwi'buullopimovlavopogano.

Luuk 8:49

Jisasol abolo tovi toro wuudoduke toga Juu tooravuro i'bwo'nyago tovida'ai a'mwo mido mollomwalokwe tool Jisaseke kuuno adaiyajukekono. Toro da'mduke toollu gamoro ago tovida'ai yogalokwe pworo bino sumaveyokwe aro kuudoporogano. “Gumoro taiyo tov me'no abolmokakwono. Toro te aga'no'gwowi guu ibwasokwe su toollu nuumjuku'biyo.” Kuudoporogano.

Jems 4:10

Kevnokwe togaikul Aguto toolluro sumdo tovi kwako tomuu'aro neya bwolomoropinogaulo. Kevu su toro abwolomoropinapi tov Aguto tool kemi muunyu toru'aro nyulomollekumwallonekono.

Kuurotokwe 10:38

Gooti tool Nasaretda'ai Jisasollu jeso'moneyokwe gamoro Kuullo tool uubweyo'no gamoro jurogudo tokwe'aro kuubweyokaikono. Toro kuubweyoka tokwe Jisasol a'mwo abolo tonyu ilaiyo to'no sugollajukekono. Aki Gooti tool kweke yomollodowo a'mwo abolo Satanyolluro kaiyako igolodowodo tobuurai sukullajukekono.

Luuk 5:8

Toro yodole tovallu Saimoon Pital wonyuno sumaiyokwe toga Jisasolluro suvlo tovi dolago toru bomuulo'naro'no aro kuudokaikono. “Agutoloo, nuu ma'no ma'nodokwe tekwonyuno tov mi donyugollu'movono.” Kuudokaikono.

Matyuu 20:28

Kevu kuudo neya jaullulo. Nuu A'mwo Kwolaiyo Kuunodo kwonyu kuruv mino womdo anyupureyokweyo'mo abonyumaiyo. Toro kuvi kuruv nuu a'mwo abolo tonyu womdo wiyo'moneyokwe abonyugono. Toro toonyu a'mwo abolo bwotonyago tonyu mubiyo biyomallo'moneyokwe bolmonyugono.” Kuudokaikono.

Matyuu 3:11

Toro te kevu Gooti toollomno kuudo souragunyumo'numwakopo toorekullu nuvu wonyo tokwe mogalaikuvollodumdonyugono. Toro kuvi kuruv pwol mi lukomgu anumjunadopiko su tool aguto kuunodekono. Nuu akaro tekwonyu Aguto su toolluro suulpweyo tov mokavlaiyo'mo kuruv ku'nonodo'mekwonyumaiyo. Su toolno'gwowi Gooti toolluro Kuullo tooke'aro duko tokwe'aro tovake mogalaikuvollonekono.

Luuk 7:4

Toro amorapiyoka su tooro Jisasollu ki'mo'mno sumaveyokwe guureji aro ajugonoporogano. “A'mwo mollubworomokwanyokwe su tool sugudekono. Toro toolluno tov guu wiyo'mwojo'mo tov ilaiyokwono.

Luuk 7:5

Aki a'mwo aguto su tool nemoro kantri akavida'ai Juu a'mwo abolo tonolluno kalo buuropino winodowodekono. Aki toro tool wagwolago akavida'ai nevu Juu toonolluro i'bwo'nyago tovi a'mwo su tool amodokakwono.” Ajugonoporogano.

Luuk 7:7

Toro tekwonyuno tov nuvnokwe toonyu gumiyomno mabumekwonyugono. Toro kuvi kuruv guu yiuno yogalo to'no adubwebi tov moro ki'nato womdokwe tool nokwo ikulnonekono.