Luuk 7:47 - Gooti Toolluro Yogalokwono

⁴⁷ Toro tovino tov nuu aro gudumo'mokwono. Gooti tool abolo su tovuro ma'no ma'no pasudo bwotonyago tonyuro kirumwallo tov me'no amodukwopimokaikono. Su tov aro tovinokwono. Abolo su tov numino kalo buuropino guureji kwinmokakwono. Toro kuvi kuruv a'mwo pwol ma'no ma'no bwotonyago miyo'ji to'gwowi Gooti tool a'mwo su toolluro ma'no ma'no pasudo pwekwonodo tekwojuno kirumwallo tovi modukwopiyodowo'jure toga a'mwo su tool Gooti toolluno kalo buuropino yiuno pwekwono to'no winmwalonekono.” Kuudokaikono.

Luuk 7:47 Referans Kwoze

1 Joon 4:19

Nevu a'mwo abolo punyuno kalo buuropino nekullunodowodo su tov sumdomgu Gooti tool nemino kalo buuropino me'no kwinyajuko tovida'aiyokwono.

1 Joon 3:18

Toro te mi kwoloraiyobusukobuuravoo, nevu a'mwo abolo pubuuraino kalo buuropino mollo'moneyokwe tov yiuno yogalo tokwe to'no aro nodumwala'jo. “Oo nuu gumino kalo buuropino anyunadopiyo.” Nemi mago tokwe to'no su toro nodumwala'jo. Toro kuvi kuruv nemi pasudo nebal'nodo tovi'aro to'gwowi kalo buuropino pasudo su tokwe neya amollogawano.

Galesiya 5:6

Kuudo neya jaullulo. A'mwo pwol Krais Jisasollu me'no uuguro'mwonyodowodo tool gami lakulkulako tov ado'no'jo'mdeyo oo mado'no'jo'mdeyo kuruv su toval aguto mimo'nodubulovakono. Toro kuvi kuruv aguto to'gwowi arokwono. A'mwo pwol Krais Jisasolluno kuudo uubweyodowodo su tovi'aro a'mwo abolo punyuno kalo buuropino winmwalono to'gwowi agutokwono.

Room 5:20

Toro kuvi kuruv a'mwo abolo ton kemi ma'no ma'nodo tonyuno neya yainyunpureyokwe Gooti tool gamoro loowo tov kwiyokaikono. Loowo kwiyoka su tovi me'no amaropo kuga kuruv ma'no ma'nodo tov bwotonyo mujumo'nugelabodowodokwono. Toro mujumo'nugelaboduke kuvi kuruv Gooti toolluro yasuwa'wino sugumaluko uubweyodowodo to'gwowi bwotonyo kuunodo mujumo'nugelabodowodokwono.

Efesos 6:24

Kevu pugaikul nemi Aguto Jisas Kraisolluno kalo buuropino mollodupudo su tovi miyuu'dapiyodupu yiunokuudo wingovla'mdupudogaikikono. Toro togaikullu Gooti toolluro yasuwa'wino sugumaluko tollovo nokwo ikubwemwalonekono.

1 Joon 5:3

Nevu Gooti toolluno kalo buuropino nekullunodowodo tonol gamoro yogalo adanekulloka kunyu kuruv kuvinono uumjunmwalanonogano. Aki gamoro yogalo adanekulloka su tonyu kuvinono uumjungovlaiyo'moneyokwe tov jul'nyo to'busuko manekullumo'numwalpinogano.

1 Timooti 1:14

Nemi Aguto su tool sumdomgu me'no aironumwallowo'jujuko kwol kuruv yiuno gavnokweyolluro yasuwa'wino sugumaluko tovida'ai to'no ilaiyo sanyugolokaikono. Toro tool Krais Jisasolluno kuudo guureji uubweyo'moneyokwe tokwe'aro kwolluda'ai kalo buuropino winyo'moneyokwe tokwe'aro su toval moro kuudo tovi neya kuullo'mowopimwalbulluno'moneyokwe anyabokaikono.

Filipai 1:9

Aki Gooti tool kemi aro ikullo'mwojono'moneyokwe nuu subusu'nyogalo wuudodumdonyugono. Nebal'no kuudo tokwe'aro yiuwi'nokai pi'mwo kuudo togai'aro ton kemi neya aullo'movaikwopiyogawono. Toro kuullo'movaikwopiyodowo'jure tokwe kevu a'mwo abolo tonyuno kalo buuropino mollopi aki muunyu toru'aro guureji nokwo ikullunumwalonogaikikono.

Kuurotokwe 5:31

Toro moduka'mno sumaiyokwe muunyu kai'muuno mokaila'no gamoro anato toru amorumwallokaikono. Toro tool nemi a'mwo aguto nonekullumo'nodowodekono. Aki nemi ma'no ma'nodo tovida'ai bomollurolovonekumokalokwiyo'mo nekullumo'nodowodekono. Nevu Isuraiyolda'ai tonol Gooti toollomno kuudo souragunyumo'na'ji tov Gooti tool nemoro ma'no ma'nodo su tovuro kirumwallo tovi nomodukwopiyonekono. Su toro nekullo'mwojo'mo winyokwekono.

1 Joon 1:7

Toro kuvi kuruv Gooti bako tomuu mwalodowodo toolbusuko kubalno ne kunol kuruv bako tovi anakuuto tomuu'aro neya yomjomwekovla'mwalanonogano. Nevu su toro amjomwekovlawa'ji tov Gooti toolluro a'mwo abolo togai nokwo ibwoto'nomwalmwalanonogano. Aki Gooti toolluro Kwolaiyo Jisasolluro mujako tov nemoro yiuwi'nokai ma'no ma'nodo tonyu mollol'movanekudukwopiyokweyokwono.

Luuk 7:39

Abolo tovuro su toro yoduke tovi Farasi tool wonyuno sumaiyokwe gavnokwe tool aro sajunokaikono. “A'mwo akal proofet kuunodolno'juki abolo kuubogai'napiko su tovino kuudo souromarowo'jujukekono, Oo abolo ma'no ma'nodo'mdeyo, kuudo nokwo souromarowo'jujukekono.” Farasi tool su toro sajunokaikono.

Matyuu 10:37

A'mwo pwol gami ganumiyagoldeyo oo ganeyago'mdeyo tonyuno kalo buuropino guureji winowo'ji kwol kuruv mino kalo buuropino guureji mwino'ji to'gwowi a'mwo su tekwo mi numjunyo'moneyokwe tov ku'nonodo'mekwomaiyo. Aki a'mwo pwol gami kwolaiyoldeyo oo taiyo'mdeyo tonyuno kalo buuropino guureji winowo'ji kwol kuruv mino kalo buuropino guureji mwino'ji to'gwowi a'mwo su tekwo mi numjunyo'moneyokwe tov ku'nonodo'mekwomaiyo.

2 Koorin 5:14

Kuudo neya jaullulo. Krais tool nemino kalo buuropino winodowodekono. Krais toolluro kalo buuropino winodowodo su tov nemi mollubworonekumokavla'mdowo'jure tovi uumjunowa'ji gamoro womdo tov wiyokwenogano. Toro toonol aro kuudo youroma'dowadonogano. A'mwo pwolnodo tool yiuwi'nokai a'mwo abolo tonolluro aiko toru mallo'moneyokwe abolokaikono. Toro toolluno tov nevu yiuwi'nokai a'mwo abolo uuguro'mwonyodowado tonol me'no abollunguuwo tonolbusuko imo'nodowadonogano.

Luuk 7:46

Aki guu moro mido tovi muunyu toru munollo tokwe maimovanubwemadekugono. Toro kuvi kuruv abolo su to'gwowi moro suvlo tovallu wobeya sudo kuunyokwe munollo tokwe aimovanubwemokakwono.

Luuk 7:48

Jisasol Saimoonollu toro wuujuno sumaiyokwe aki abolo tovi aro kuudokaikono. “Nuu gumoro ma'no ma'no pasudo tovuro kirumwallo tovi amagudukwopimono.” Kuudokaikono.