Luuk 5:27 - Gooti Toolluro Yogalokwono

²⁷ Lukomgu Jisasol plaino sumaiyokwe a'mwo takis nuugwiyo ma'dowodo pwollu kwonokaikono. A'mwo su toolluno yovo tov Livaiyolekono. Toro tool takis nuugwiyo ma'dupudo adaiyo tekwoji mwaloduke toollu kwonokaikono. Toro toollu Jisasol wonyuno sumaiyokwe aro kuudokaikono. “Guu donumjunono.”

Luuk 5:27 Referans Kwoze

Kuuguudo Sugudo akav Makolluro sakwollokakwono Mak 3:18

Aki pworaino yovo tov Adruu'weke'aro Filipeke'aro Batalamiyuuweke'aro Matyuu'weke'aro Toomaseke'aro Alfiyasolluro muugunyo Jemseke'aro Tadiyaseke'aro Selat Saimooneke'aro toorai ajesokaikono.

Matyuu 10:3

Aki pworaino yovo tov Filipeke Batalamiyuuweke Toomaseke Matyuu'weke toorogano. Matyuu'wol takis nuugwiyo mallokwe pwekono. Aki Alfiyasolluro muugunyo Jemsekono. Aki Tadiyasekono.

Joon 1:43

Aki iruko aikomguda'ai tollugwoji Jisasol kwako Galili tomuu plaiyo'moneyokwe sovraimwonyokaikono. Toro yovraimwonyuno sumaiyokwe Jisasol Filipollu yo'mgomaro'no aro kuudokaikono. “Guu donumjunono.” Kuudokaikono.

Joon 12:26

Aki a'mwo pwol moro womdo anyo'ji tool numi neya numjunmwalonekono. Aki nuu buro'nyo buro'nyomuudeyo tomuu amwalmi kuruv moro womdokwe su tool nuuge nomwalosunekono. Aki a'mwo pwol moro womdo tovi anyo'ji su toollu moro Nyunumiyago tool yovo aguto nuuwiyonekono.” Kuudokaikono.

Luuk 18:22

Toro kuudoka toollu Jisasol wonyuno sumaiyokwe aro kuudokaikono. “Guu puvino supto kuuno sadokuuno. Mi neya donumjunono. Guu mi nonumjunyo'mo tooku aro ibinekugono. Gumoro yiuwi'nokai kuto ivito ton maket tovi neya doosono. Toro woso'bi nuugwiyo agubipi tov a'mwo apoo'nyaiyo tekwojai neya duumwodeyono. Toro uumwodeyogala'bi toga mi neya donumjunogawono. Toro tooku lukomgu Gooti toolluro ago toru sulomwalbi toga sugumaluko kuunodo pun noma'binekugono.” Kuudokaikono.

Matyuu 16:24

Toruda'ai Jisasol gami uumjunyokwe toorai aro kuudokaikono. “A'mwo pwol mi numjunyo'mo kwino'ji su tool gavnokweyolluro noonyumwonyu kuudo yau'dowodo tonyu neya yogallu'mowonekono. Yowo'ji gami i'noguropte tokwe momworarowo'ji mi neya numjunonekono. A'mwo su tool, Oo nobolmonyudeyo, kuudo yaurowo'ji kwol kuruv neya anumjunono.

Matyuu 8:22

Toro kuudoka kuvi kuruv Jisasol aro kuudokaikono. “A'mwo abollungopo tooro kevnokwero abolpi toorai nokwo molsosunumwalpinorogano. Guvno'gwowi mi neya donumjunono.” Kuudokaikono.