Luuk 23:32 - Gooti Toolluro Yogalokwono

³² Toruda'ai a'mwo mollurogudo tooro a'mwo kirovanyuvanyokwe pworallu Jisaseke avalo toga romiyoso'moneyokwe amogaibworomokavlavoporogano.

Luuk 23:32 Referans Kwoze

Kuuguudo Sugudo akav Makolluro sakwollokakwono Mak 15:27

Toro tooro Jisasollu me'no movoromiyoguroptowosuno sumaveyokwe toga a'mwo kuukokwe pworake'aro amovoromiyoguroptowosoporakono. Toro toorallu pwollu Jisasolluro anatomgu pwollu kwonamomgu amovoromiyoguroptowosoporakono.

Matyuu 27:38

Toro tooro Jisasollu me'no movoromiyoguroptowosuno sumaveyokwe toga a'mwo kuukokwe pworake'aro avalo toru amovoromiyoguroptowosoporakono. Kuukokwe su tooralluro pwollu Jisasolluro anatomgu aki pwollu kwonamomgu amovoromiyoguroptowosoporakono.

Aisaiya 53:12

Aki toro tekwojuno Gooti Yawel aro adokaikono. “A'mwo ma'no ma'nodokwe pworai kaiyako igolodupudo to'busuko kubalno moro a'mwo womdokwe su tekwoji kaiyako igolo'mno aromiyosopekono. Toro romiyosodopure toga a'mwo womdokwe su tekwo aromiyanubwepureyokwe nokwo wonyapino sokaikono. Toro tekwo a'mwo abolo ma'no ma'nodokwe bwotonyago tonyuro aiko toru maro'no a'mwo abolo su tonyu wiyo'mwojo'moneyokwe subusu'nyogalo adokaikono. Toro soka tekwojuno tov yovo agutokwe imo'nyo'mo uubweyo'mi a'mwo jurogudokwe toorogai uumwallumekono. Toro kuumwallumi tool molo uuwolo'mdupudo tooravuro kuto ivito ipoloma'dopure tonyuda'ai pun nomo'movla'mwalonekono.” Adokaikono.

Joon 19:18

Kwako su toru Jisasollu amovoromiyoguroptowosopekono. Toro movoromiyoguroptowosuno sumaveyokwe a'mwo pworake'aro amovoromiyoguroptowosoporogano. A'mwo su tooralluro pwollu Jisasolluro anatomgu pwollu kwonamomgu amovoromiyoguroptowosoporakono. Toro movoromiyoguroptowosuno sumaveyokwe Jisasollu akuuto toru amovoromiyoguroptowosopekono.

Luuk 22:37

Su toro tovino aro ikudumo'mokwono. Gooti toolluro yogalo numino sakwollungiko puruv suuwiyo neya imwojonokwono. Yogalo su tov arokwono. “A'mwo ma'no ma'nodokwe pwollubusuko kaiyako sugolopekono.” Mino yogalo sakwollungiko su tov wobo toga suuwiyo imwojono'mokwono.” Kuudokaikono.

Hibruu 12:2

Aki toro tonol a'mwo pwol resis tovuro aiyo'wo tomgu kinamjodowodo to'busuko kubalno nevu yiuno Jisasolluno bekonarowa'ji neya ainomjumovlavogawano. Nemoro kuudo uubweyodowado tov yiuno Jisasolluno to'no porugwo'mo'na'dowodokwono. Aki lukomgu yiuno Jisasolno Gooti toolluro ago muunyu kai'muuno nekumokailawonekono. Jisasol aro kuudo me'no souromarokaikono. Oo nuu aiyowo'mo toru ai'mo'mi toga ilaiyo bwotonyo tov noma'monyudeyo. Toro tovino tov mi sumdollu toruda'ai puuto wo'dowodo tovi guureji neya ainamjumo. Kuudo me'no souromarokaikono. Toro souromaroka tool nokwo wonyapino to'no yoduke toga a'mwo kaiya'nodo tooro galomworaro'mno i'noguropte tovi amovoromiyoguroptowosopekono. Aki toro tool aro kuudo miyaullajukekono. Nuu i'noguropte tovi abolmi toonyuno yovo tov nobwolomonumwogapiyapinonyudeyo. Su toro tovino kuudo miyaullajukekono. Toro te Jisasol resis tovi me'no uuwolo'mno sumaiyokwe Gooti toolluro sia kig tovi anato toru sulomwalokaikono. Toro ilomwalno sumaiyokwe aga kuga kuruv kuuno mujomwekovla'mdowodekono.

Luuk 23:31

Kevu kuudo neya jaullulo. Nuu ma'no ma'no maiyo toonyu iko aiyo pwol duko manodowodo toolbusuko imo'nodumdonyugono. Toro imo'nodumdo kwonyu kuruv mi kaiyako sanyugolmwakovo. Kevu ma'no ma'nodokwe togaikulno'gwowi iko yalukullo pworo duko yere nosodowodo toorobusuko imo'nodupudogaikikono. Toro togaikullu kaiyako saikullugolpi toga mi sanyugolmwakopo tovi nuuwolowonokwono.” Kuudokaikono.

2 Timooti 2:9

Nuu kuuguudo sugudo su tovi modomollodumdo tovino tov a'mwo ma'no ma'nodokwe pwonyubusuko kaiyako yanyugolodupu senyo wuulo togai ameranubwemwakoponyugono. Toro kuvi kuruv Gooti toolluro yogalo su tovino'gwowi senyo wuulo tokwe ku'nono mamogalerosupinokwono.