Luuk 23:3 - Gooti Toolluro Yogalokwono

³ Su toro kuudopo toga a'mwo aguto Pailatol Jisasollu aro kuudoganokaikono. “Juu tooravuro a'mwo aguto kig tool guu kwekudukono?” Toro kuudoganoka toollu Jisasol kuudokaikono. “Guvnokwekujuro su toro adumado tov kuvigono.” Kuudokaikono.

Luuk 23:3 Referans Kwoze

1 Timooti 6:13

Toro te yiuwi'nokai tonyu aiyo yokwollosodowodo Gooti tooke'aro Krais Jisaseke'aro tooralluro sumdo tovi aro dagubwemo'mokwono. Krais Jisas su tool Poontiyos Pailatolluro sumdollu toru ilaiyo to'no adodowiyoku'bworosunokaikono. Jisasol ilaiyo to'no adodowiyoku'bworosunoka toolbusuko kubalno guu kweku kuruv aval'no neya jogawono.

Joon 1:49

Toro wuujuno sumaiyokwe Natanyol kuudokaikono. “Ibwasokweyoloo, Gooti toolluro Kwolaiyo kuunodo tool guu kwekugono. Aki Isuraiyolda'ai Aguto Kig tool guu kwekugono.” Kuudokaikono.

Luuk 22:70

Toro kuudoka tovi aro kuudoganoporogano. “Guu Gooti toolluro Kwolaiyo tookudukono?” Toro kuudoganopo toorai Jisasol kuudokaikono. “Kevnokwe toorekulluro me'no adumapo su tov kuvigono.”

Kuuguudo Sugudo akav Makolluro sakwollokakwono Mak 15:2

Toro toollomno mogaibworomokavla'mno sumaveyokwe Pailatol Jisasollu aro kuudoganokaikono. “Guu Juu tooravuro a'mwo aguto kig tool kwekudukono?” Toro kuudoganoka toollu Jisasol kuudokaikono. “Guvnokwekujuro toro adumado tov kuvigono.” Kuudokaikono.

Joon 19:3

Toro ibweno sumaveyokwe toga Jisasollu wobo toru bo'mno burolyogalo aro abuudoporogano. “Tarevono, Juu tooravuro a'mwo aguto kigoloo!” Wuudo'mno aki kemoro akwoka togai gamoro suuwado tovi iwago aromiyoporogano.

Luuk 23:38

Aki toro tooro ipaiyo puusi aro sakwolloporogano. “A'mwo akal Juu tooravuro a'mwo aguto kig tookono.” Su toro yakwolluno sumaveyokwe ipaiyo su toul Jisasolluro mido tovi muunyu toru aromiyoguro'mwojosopokwono.

Kuuguudo Sugudo akav Makolluro sakwollokakwono Mak 15:32

Tarevono, a'mwo akal Gooti toolluro wiyo'mwojo'moneyokwe ajesoka Krais su tool Isuraiyol tooravuro a'mwo aguto Kigekono. Toro tool i'noguropte tovida'ai aga neya wolabwono. Toro kwolabwo'ji toollu kwona'ji toga kuudo nokwo uubweyanekono.” Kevnokwe tooro toro sajunoporogano. Toro yajunodopure toga aki a'mwo Jisaseke amovoromiyoguroptowosopo su to kworal kuruv Jisasolluno burolyogalo adolorakono.

Kuuguudo Sugudo akav Makolluro sakwollokakwono Mak 15:18

Aki burolyogalo aro kuudoporogano. “Tarevono, Juu tooravuro a'mwo aguto kigoloo!”

Matyuu 27:11

To'no'gwowi Jisasol a'mwo aguto gavona Pailatolluro sumdollu toru adavokaikono. Toro da'mduke toollu Pailatol aro kuudoganokaikono. “Juu tooravuro a'mwo aguto kig tool guu kwekudeyo?” Toro kuudoganoka toollu Jisasol kuudokaikono. “Guvnokwekujuro toro adumodo tov kuvigono.” Kuudokaikono.

Joon 18:29

Toro tovino tov Roomda'ai a'mwo aguto tool kwa'mgu toru'no alokabokaikono. A'mwo su toolluno yovo tov Pailatolekono. Toro tool lokabino sumaiyokwe aro kuudokaikono. “A'mwo amokamapo akallu kooti yogalo duuwiyo'moneyokwe tov burowo'nyo ma'no ma'no soka tovino duuwipinoldeyo?”